UJoshuwa 7:26 - iBhayibhili Elingcwele 1978

²⁶ Babuthelela phezu kwakhe inqwaba enkulu yamatshe; isekhona lalamhla. Kwasekuphela ukuvutha kolaka lweNkosi. Ngakho leyondawo isabizwa ngokuthi yisihotsha saseAkori, okutsho inhlupheko.

IBhayibhili Elingcwele LesiNdebele

²⁶ Babuthelela inqwaba yamatshe amakhulu phezu kuka-Akhani alokhu ekhona lalamhlanje. Ukuvutha kolaka lukaThixo kwahle kwaphela. Ngakho leyondawo lalamhlanje ilokhu isabizwa ngokuthi yisiGodi sika-Akhori.

UJoshuwa 7:26 ပူးပေါင်းရင်းမြစ်များ

2 USamuyeli 18:17

Basithatha isidumbu sikaAbisalomu, basiphosela emgodini omkhulu eguswini, babuthelela inqwaba yamatshe phezulu; bonke abakoIsrayeli babalekela emakhaya abo.

2 USamuyeli 21:14

Bawangcwaba amathambo kaSawuli lakaJonathani indodana yakhe elizweni lakoBenjamini eZela, engcwabeni likaKishi uyise. Bakwenza konke inkosi eyayibalaye khona. Emva kwalokho uNkulunkulu wayizwa imikhuleko eyenzelwa ilizwe.

2 ImiLando 29:10

Kusenhliziyweni yami ukuba senze isivumelwano leNkosi, uNkulunkulu kaIsrayeli, ukuba ulaka lwayo oluvuthayo ludede kithi.

U-Ezra 10:14

Izinduna zethu kazimele ibandla lonke, kuthi bonke abasemizini yethu abathatha abafazi bezizweni beze ngezikhathi ezimisiweyo yilowo lalowo elabadala labahluleli bomuzi wakibo, luze ludede ulaka olukhulu lukaNkulunkulu wethu mayelana lalindaba.

AmaHubo 85:4

Sibuyise futhi, Nkulunkulu wokukhululwa kwethu, ususe kithi isigcono sakho.

U-Eksodasi 32:12

AmaGibithe uzawavumelelani ukuba athi: Yayiqonde ukubenza okubi ngokubakhupha kwayo ukuba ibabulale ezintabeni, ibaqede emhlabeni na? Phenduka olakeni lwakho oluvuthayo, ungenzi okubi lokhu ebantwini bakho.

U-Isaya 40:2

Misani iJerusalema isibindi, limemeze kulo ukuthi insuku zalo zobunzima seziphelile, lokuthi lithethelelwe ububi balo, ngoba lamukelisiwe esandleni seNkosi okuphindwe kabili ngazo zonke izono zalo.

U-Isaya 65:10

ISharoni izakuba lidlelo lemihlambi, lesihotsha saseAkori sibe yisibaya sezinkomo zabantu bami abangidingayo.

Izililo 3:53

bangiphosela emgodini ngisizwa, bangigxoba ngamatshe;

UHosiya 2:15

Laphoke ngizambuyisela izivini zakhe, ngenze isihotsha saseAkori, okutsho iNhlupheko, sibe nguMnyango wethemba. Uzaphendula lapho njengasensukwini zobutsha bakhe, njengasosukwini lokuphuma kwakhe eGibithe.

UHosiya 2:17

Ngoba ngizasusa amabizo aboBali emlonyeni wakhe, angabe esezwakala futhi.

UJoweli 2:13

lidabule inhliziyo zenu, lingadabuli izambatho zenu. Phendukelani eNkosini, uNkulunkulu wenu, ngoba ilomusa lesihawu, iyaphuza ukuthukuthela, ilothando olungapheliyo, iyathethelela.

UJoweli 2:18

INkosi yaliphisekela ilizwe layo, yaba lesihawu ebantwini bayo.

UJona 1:15

Basebemthatha uJona, bamphosela olwandle; ulwandle lwaseluthula ukuvubeka.

UZakhariya 6:8

Sasesingimemeza sisithi: Khangela, lawo aya elizweni lasenyakatho aphumuzile umoya wami elizweni lasenyakatho.

AmaNani 25:8

wamlandela lowomuntu wakoIsrayeli, wangena ethenteni, wabagwaza bobabili, indoda yakoIsrayeli lowesifazana, wagwaza owesifazana esiswini. Wasuphela umkhuhlane ebantwini bakoIsrayeli.

UDutheronomi 13:17

Lingagcini lutho kwalokho okuqalekisiweyo, ukuba iNkosi iphenduke entukuthelweni yayo evuthayo, ilihawukele, ibe lobubele kini, ilandise, njengalokhu yafunga kubokhokho benu,

UDutheronomi 13:18

uba lilalela ilizwi leNkosi uNkulunkulu wenu, ligcine yonke imithetho yayo engililaya yona lamuhla, lenze okulungileyo emehlweni ayo.

UJoshuwa 10:27

Ngesikhathi sokutshona kwelanga uJoshuwa waselaya ukuba bawethule ezihlahleni, bawaphosele obhalwini ayecatshe kulo, bagiqele amatshe amakhulu emlonyeni walo, asekhona lawomatshe kuze kube lamhla.

UJoshuwa 7:24

Kwathi uJoshuwa loIsrayeli wonke ayelaye sebemthethe uAkani indodana kaZera kanye lesiliva, lengubo, lomgqala wegolide, lamadodana lamadodakazi akhe, lenkabi zakhe, labobabhemi bakhe, lezimvu zakhe, lethente lakhe, kanye lakho konke ayelakho, bakusa esihotsheni saseAkori.

UJoshuwa 8:29

Inkosi yaseAyi wayiphanyeka esihlahleni kwaze kwahlwa. Ekutshoneni kwelanga uJoshuwa walaya ukuba bethule isidumbu sayo esihlahleni, basiphosele esangweni lomuzi, babuthelele inqwaba enkulu yamatshe phezu kwaso esekhona lalamhla.