UJoshuwa 6:5 - iBhayibhili Elingcwele 1978

⁵ Lapho bekhalisa kakhulu impondo zenqama, lingawezwa amazwi azo, abantu kabamemeze kakhulu, umduli womuzi uzadilikela phansi; abantu bazangena, kube yilowo lalowo aqonde phambili nje.

IBhayibhili Elingcwele LesiNdebele

⁵ Nxa lingabezwa sebetshaya amacilongo bedonsa, abantu bonke kabahlabe umkhosi; umduli wedolobho uzadilika abantu bahle bangene, yilowo lalowo aqonde phambili.”

UJoshuwa 6:5 ပူးပေါင်းရင်းမြစ်များ

U-Eksodasi 19:19

Ukukhala kophondo kwayakukhula. UMose wakhuluma, uNkulunkulu wamphendula ngokuduma.

U-Isaya 25:12

Imiduli yakhe emide yezinqaba iNkosi izayidilizela phansi, iyiphosele emhlabathini lasothulini.

U-Isaya 30:25

Laphezu kwezintaba ezinde lamaqaqa amade kuzakuba lezifula zamanzi agelezayo osukwini lokubulawa okukhulu, mhla kusiwa izinqaba.

UJeremiya 50:15

Memezani kulo inxa zonke; selizinikele, inqaba zalo sezidilikile, lemiduli yalo ibhidliziwe; ngoba lokho kuyimpindiselo yeNkosi; phindiselani kulo, lenze kulo njengokwenza kwalo.

AmaHebheru 11:30

Ngokukholwa imiduli yaseJeriko yadilika, isibhodiwe insuku eziyisikhombisa.

UJoshuwa 6:16

Ngesikhathi sesikhombisa, nxa abapristi sebekhalisile impondo, uJoshuwa wathi ebantwini: Memezani, ngoba iNkosi ilinikile umuzi.

UJoshuwa 6:20

Ngakho abantu basebememeza, kwakhaliswa lempondo. Kwathi abantu besizwa ukukhala kwempondo bamemeza kakhulu, umduli wadilikela phansi, labantu bangena phakathi komuzi, yilowo lalowo eqonda phambili nje, bawuthumba umuzi.

UJoshuwa 6:4

Abapristi abayisikhombisa bazaphatha impondo zenqama eziyisikhombisa, bahambe phambi komtshokotsho wesivumelwano; kuthi ngosuku lwesikhombisa liwubhode umuzi kasikhombisa, abapristi bekhalisa impondo.

UJoshuwa 6:6

Ngakho uJoshuwa indodana kaNuni wabiza abapristi wathi kibo: Thwalani umtshokotsho wesivumelwano, kuthi abapristi abayisikhombisa bahambe phambi komtshokotsho weNkosi bephethe impondo zenqama eziyisikhombisa.

Abahluleli 20:37

Labo ababecatheme basuka masinyane, balihlasela iGibeya inxa zonke, babulala bonke abakhona ngomkhonto.

1 USamuyeli 17:20

UDavida wavuka ekuseni kakhulu, wathatha impahla, watshiya izimvu kumlindi, wahamba njengokutshelwa kwakhe nguJese. Wafika ezihonqweni nxa impi iphumayo ukuyakulwa, yayimemeza isiga sempi.

1 USamuyeli 17:52

Abantu bakoIsrayeli labakoJuda basuka bamemeza kakhulu, baxotshana lawo baze bafika eGathi lasemasangweni aseEkroni. Abalimeleyo bamaFilistiya bawela endleleni yaseSharayimi baze bafika eGathi leEkroni.

1 USamuyeli 4:5

Kwathi lapho umtshokotsho wesivumelwano seNkosi ufika ezihonqweni, wonke uIsrayeli wahlokoma kakhulu kwaze kwaduma umhlabathi.