UJoshuwa 6:4 - iBhayibhili Elingcwele 1978

⁴ Abapristi abayisikhombisa bazaphatha impondo zenqama eziyisikhombisa, bahambe phambi komtshokotsho wesivumelwano; kuthi ngosuku lwesikhombisa liwubhode umuzi kasikhombisa, abapristi bekhalisa impondo.

IBhayibhili Elingcwele LesiNdebele

⁴ Abaphristi abayisikhombisa kabathwale amacilongo enziwe ngempondo zenqama phambi komtshokotsho wesivumelwano. Ngosuku lwesikhombisa libhode idolobho kasikhombisa, abaphristi bevuthela amacilongo.

UJoshuwa 6:4 ပူးပေါင်းရင်းမြစ်များ

UGenesisi 2:3

UNkulunkulu wabusisa usuku lwesikhombisa, walwenza lwaba ngcwele; ngoba ngalolosuku waphumula emsebenzini wakhe wonke wokudala uNkulunkulu ayewenza.

1 AmaKhosi 18:43

Wathi encekwini yakhe: Akuhambe, ukhangele ngasolwandle. Yahambake, yakhangela, yathi: Kakulalutho. UElija wathi: Hamba futhi uphinde kasikhombisa.

2 AmaKhosi 5:10

UElisha wathumela isithunywa kuye wathi: Hamba uyegeza eJordani kuze kube kasikhombisa, inyama yakho izahluma, lawe uhlambuluke.

2 AmaKhosi 5:14

Wasehambake, wabhukutsha eJordani kwaze kwaba kasikhombisa njengelizwi lomuntu kaNkulunkulu, wahlambuluka lenyama yakhe yahluma, yafanana leyomntwana omncinyane.

2 ImiLando 13:12

UNkulunkulu ulathi, ungumholi wethu, labapristi bakhe bakhona ukukhalisa impondo ukusibizela ekulweni lani. Madoda akoIsrayeli, musani ukulwa leNkosi, uNkulunkulu wabokhokho benu, ngoba lingeke liphumelele.

2 ImiLando 20:17

Kakusini lodwa elizakulwa kulimpi; manini liqine, lizakubona ukunqoba iNkosi ezakulenzela khona, lina abakoJuda labaseJerusalema. Lingesabi litshaywe luvalo; kusasa phumani liyekulwa labo, iNkosi izakuba lani.

2 ImiLando 20:19

AmaLevi abakoKohathi labakoKora asukuma ayidumisa iNkosi, uNkulunkulu kaIsrayeli, ngelizwi elikhulu.

2 ImiLando 20:21

Kwathi esekhulumisene labantu wakhetha labo abazahlabelela iNkosi, bayidumise begqoke izambatho ezingcwele, behamba phambi kwebutho behlabela besithi: Ibongeni iNkosi, uthando lwayo olungapheliyo lumi kuze kube nininini.

UJobe 42:8

Ngakhoke thatha inkunzi eziyisikhombisa lenqama eziyisikhombisa, uye encekwini yami uJobe, linikele ngazo zibe ngumnikelo wokutshiswa; inceku yami uJobe izalikhulekela, ngoba ngizakuzwa umkhuleko wakhe ngingenzi kini njengobuthutha benu; ngoba kalikhulumanga ngami okuqondileyo njengenceku yami uJobe.

U-Isaya 27:13

Kuzakuthi ngalolosuku kutshaywe uphondo olukhulu, lalabo ababelahlekile elizweni laseAsiriya labaxotshelwe elizweni laseGibithe bazakuza, bayikhonze iNkosi entabeni engcwele eJerusalema.

ULevi 14:16

acwilise umunwe wakhe wokunene kuwo, afafaze ngawo kasikhombisa phambi kweNkosi ngomunwe wakhe.

ULevi 4:6

acwilise umunwe wakhe egazini, afafaze ngalo kasikhombisa phambi kweNkosi, ngaphambi kweveli lendlu engcwele.

UZakhariya 4:2

Sathi kimi: Ubonani? Ngathi: Ngibona uluthi lwesibane olwenziwe ngegolide kuphela, phezu kwalo lulomganu wamafutha, lezibane eziyisikhombisa, lezimbobo zezibane eziyisikhombisa.

UZakhariya 4:6

Sasesisithi kimi: Nanti ilizwi leNkosi kuZerubabeli lithi: Ukuphumelela kwakho kakusikho ngempi langamandla, kodwa ngomoya wami, kutsho iNkosi yamabandla.

AmaNani 23:1

UBalami wathi kuBalaki: Ngakhela lapha ama‐altare ayisikhombisa, ungilungisele inkunzi eziyisikhombisa lenqama eziyisikhombisa.

UJoshuwa 6:13

Abapristi abayisikhombisa bephethe impondo zenqama eziyisikhombisa phambi komtshokotsho weNkosi bahamba njalo bekhalisa impondo, lamadoda ahlomileyo ehamba phambi kwabo, lesigaba sasemuva salandela umtshokotsho weNkosi, lempondo zikhala njalonjalo.

UJoshuwa 6:3

Lizawubhoda umuzi, wonke amadoda empi awubhode kanye. Lizakwenza njalo okwensuku eziyisithupha.

UJoshuwa 6:5

Lapho bekhalisa kakhulu impondo zenqama, lingawezwa amazwi azo, abantu kabamemeze kakhulu, umduli womuzi uzadilikela phansi; abantu bazangena, kube yilowo lalowo aqonde phambili nje.

Isambulo 1:20

Nansi imfihlakalo yezinkanyezi eziyisikhombisa ozibonileyo esandleni sami sokunene, leyezibane zegolide eziyisikhombisa; inkanyezi eziyisikhombisa ziyizithunywa zamabandla ayisikhombisa, izibane eziyisikhombisa zingamabandla ayisikhombisa.

Isambulo 1:4

Mina Johane ngithi kuwo amabandla ayisikhombisa aseAsiya: Kakube kini umusa lokuthula okuvela kuye okhona lowayekhona lozakuba khona, lakubomoya abayisikhombisa abaphambi kwesihlalo sakhe sobukhosi,

Isambulo 10:3

Samemeza ngelizwi elikhulu elinjengelesilwane esibhongayo; kwathi lapho simemeza, kwezwakala imidumo eyisikhombisa.

Isambulo 15:1

Ngasengibona esinye isibonakaliso ezulwini esikhulu lesimangalisayo, izithunywa eziyisikhombisa zilezifo eziyisikhombisa zokucina, ngoba lwapheleliswa ngazo ulaka lukaNkulunkulu.

Isambulo 15:7

Esinye sezidalwa ezine eziphilayo sanika izithunywa eziyisikhombisa imiganu yegolide eyisikhombisa, igcwele ulaka lukaNkulunkulu ophilayo kuze kube nininini.

Isambulo 16:1

Ngasengisizwa ilizwi elikhulu livela ethempelini lisithi kuzo izithunywa eziyisikhombisa: Hambani, lithululele emhlabeni okusemiganwini eyisikhombisa okululaka lukaNkulunkulu.

Isambulo 5:1

Ngasengibona esandleni sokunene sakhe owayehlezi esihlalweni sobukhosi incwadi elotshwe ngaphakathi langaphandle, inanyekiwe ngempawu eziyisikhombisa.

Isambulo 5:6

Ngasengibona phakathi kwesihlalo sobukhosi lezidalwa ezine eziphilayo langaphakathi kwabadala iWundlu limi kungathi lihlatshiwe, lilempondo eziyisikhombisa lamehlo ayisikhombisa okungomoya abayisikhombisa bakaNkulunkulu, abathunyelwe kuwo wonke umhlaba.

Isambulo 8:2

Ngasengibona izithunywa eziyisikhombisa ezimi phambi kukaNkulunkulu, zinikwa impondo eziyisikhombisa.

Isambulo 8:6

Kwathi izithunywa eziyisikhombisa ezaziphethe impondo eziyisikhombisa zazilungisela ukuba zizikhalise.