UJoshuwa 6:2 - iBhayibhili Elingcwele 1978

² INkosi yasisithi kuJoshuwa: Khangela, nginikele ezandleni zakho iJeriko kanye lenkosi yalo.

IBhayibhili Elingcwele LesiNdebele

² Ngakho uThixo wathi kuJoshuwa, “Khangela, senginikele iJerikho, inkosi yayo kanye lamabutho ayo ezandleni zakho.

UJoshuwa 6:2 ပူးပေါင်းရင်းမြစ်များ

2 USamuyeli 5:19

UDavida wasebuza eNkosini esithi: Ngiyewahlasela amaFilistiya na? Uzawanikela esandleni sami na? INkosi yathi kuDavida: Yebo, hamba, ngoba ngizawanikela impela esandleni sakho amaFilistiya.

UNehemiya 9:24

Isingenile inzalo yabo yalithumba ilizwe; wahlula phambi kwayo abakhileyo elizweni, amaKanani, wabanikela ezandleni zabo, amakhosi labantu belizwe, ukuba benze abakuthandayo kibo.

UDanyeli 2:21

Uyaphendula izikhathi lezibanga, uyakhupha amakhosi, abeke amakhosi, anike abahlakaniphileyo ukuhlakanipha, lokwazi kulabo abalokuqedisisa.

UDanyeli 2:44

Ensukwini zalawomakhosi uNkulunkulu ophezulu uzamisa umbuso ongayikuchithwa, lobukhosi bawo kabuyikuthathwa ngabanye abantu. Uzachoboza yonke limibuso, uyiqede, ume njalo kuze kube nininini,

UDanyeli 4:17

Lesisigwebo siyisimemezelo sezithunywa ezilindayo, isiqumo selizwi lazo, ukuze abaphilayo bazi ukuba oPhezukonke uyabusa umbuso wabantu, awunike lowo athanda ukumnika, amise phezu kwawo abantukazana.

UDanyeli 4:35

bonke abakhileyo emhlabeni batshaywa ize, uyenza akuthandayo ebandleni laphezulu; kakho ongavimbela isandla sakhe, loba athi kuye: Wenzani na?

UDanyeli 5:18

Nkosi, uNkulunkulu oPhezukonke, wanika uNebukadineza uyihlo ubukhosi lobukhulu lodumo lombuso.

UDutheronomi 7:24

Izakunikela ezandleni zenu amakhosi azo, licitshe amabizo awo emhlabeni; kakulamuntu ozakumelana lani lize lizichithe ziphele.

UJoshuwa 12:9

Inkosi yaseJeriko, leyaseAyi eliphansi kweBetheli,

UJoshuwa 2:24

Athi kuye: Impela iNkosi ilinikele ezandleni zethu lonke ilizwe, futhi bonke abakhileyo kilo baphele amandla ngenxa yethu.

UJoshuwa 2:9

wathi: Ngiyazi ukuthi iNkosi ilinikile lelilizwe, lokuthi thina sonke siyalesaba, lokuthi bonke abakhileyo elizweni bayalithuthumelela.

UJoshuwa 20:1

INkosi yasisithi kuJoshuwa:

UJoshuwa 6:1

IJeriko lalivaliwe lanxitshwa ngenxa yabakoIsrayeli, kungaphumi muntu, kungangeni muntu.

UJoshuwa 6:3

Lizawubhoda umuzi, wonke amadoda empi awubhode kanye. Lizakwenza njalo okwensuku eziyisithupha.

UJoshuwa 8:1

INkosi yasisithi kuJoshuwa: Ungesabi, utshaywe luvalo; thatha wonke amadoda okulwa, usuke uye eAyi; nginikele esandleni sakho inkosi yaseAyi, labantu bayo, lomuzi wayo, lelizwe layo.

Abahluleli 11:21

Kodwa iNkosi, uNkulunkulu kaIsrayeli, yamnikela uSihoni labo bonke abantu bakhe esandleni sikaIsrayeli, babahlula. Ngakho abakoIsrayeli balithatha lonke ilizwe lamaAmori ayehlala kulelolizwe.

Abahluleli 11:24

Kawuyikuthatha lokhu uKemoshi unkulunkulu wakho akunika khona na? Konke lokho iNkosi uNkulunkulu wethu eyakuthathela abanye kungokwethu.