UJoshuwa 3:8 - iBhayibhili Elingcwele 1978

⁸ Uzalaya abapristi abathwele umtshokotsho wesivumelwano uthi: Nxa selifikile ngasemanzini eJordani, lizakuma phakathi kweJordani.

IBhayibhili Elingcwele LesiNdebele

⁸ Tshela abaphristi abathwala umtshokotsho wesivumelwano uthi, ‘Lingafika okhunjini lwamanzi kaJodani, lingene liyekuma phakathi komfula.’ ”

UJoshuwa 3:8 ပူးပေါင်းရင်းမြစ်များ

2 AmaKhosi 2:6

UElija wasesithi kuye: Akusale lapha, ngoba iNkosi isangithumile eJordani. Kodwa yena wathi: Ngifunga iNkosi uNkulunkulu kanye lawe, kangiyikwahlukana lawe. Basebehamba bobabili.

2 ImiLando 29:15

Babuthanisa izihlobo zabo, bazihlambulula, bangena njengokutsho kwenkosi ngamazwi eNkosi uNkulunkulu, balihlambulula ithempeli.

2 ImiLando 29:27

UHezekiya waselaya ukuba umnikelo wokutshiswa unikelwe phezu kwealtare; kwathi lapho umnikelo wokutshiswa uqaliswa ukunikelwa, kwaqalisa lokuyihlabelela iNkosi uNkulunkulu, kwakhaliswa impondo, kwatshaywa lezinto zokuhlabelela zikaDavida inkosi yakoIsrayeli.

2 ImiLando 29:30

UHezekiya inkosi lezikhulu balaya amaLevi ukuba ayidumise iNkosi ngokuhlabela amazwi kaDavida lakaAsafi umboni. Ayidumisa ngokuhlabela, athokoza, athi mbo ngobuso phansi.

2 ImiLando 30:12

Isandla seNkosi sasilabakoJuda ukubanika inhliziyonye ukwenza lokho inkosi lezikhulu ezazikutshilo ngelizwi leNkosi uNkulunkulu.

UNehemiya 13:22

Ngasengitshela amaLevi ukuba bazihlambulule, beze ukulinda amasango ukuze usuku lweSabatha lulondolozwe lube ngcwele. Nkulunkulu wami, ukukhumbule lalokho, ungihawukele ngenxa yomusa wakho omkhulu.

UNehemiya 13:28

Enye yamadodana kaJehoyada, indodana kaEliyashibi umpristi omkhulu, yayingumkhwenyana kaSanibalati waseHoroni, ngayixotsha.

U-Eksodasi 14:13

UMose wathi ebantwini: Lingesabi; manini liqine, libone ukukhulula kweNkosi ezakulenzela khona lamuhla; ngoba amaGibithe eliwabonayo lamuhla, kalisayikuwabona futhi.

Izililo 3:26

Kuhle ukuyithemba, lokulindela ngokuthula ukukhulula kwayo.

UJoshuwa 3:17

Kwathi lapho bonke abakoIsrayeli bechapha emhlabathini owomileyo, abapristi abathwele umtshokotsho weNkosi bema emhlabathini owomileyo phakathi kweJordani baze bachapha bonke abantu.

UJoshuwa 3:3

zatshela abantu zathi: Nxa libona umtshokotsho wesivumelwano seNkosi uNkulunkulu wenu, uthelwe ngabapristi abangamaLevi, lisuke liwulandele,

UJoshuwa 3:7

INkosi yathi kuJoshuwa: Lamhla ngizaqala ukukuphakamisa phambi kwabo bonke abakoIsrayeli ukuba bazi ukuthi njengalokho ngangiloMose, ngizakuba lawe.

UJoshuwa 3:9

UJoshuwa wasesithi kubo abakoIsrayeli: Sondelani lapha, lizwe amazwi eNkosi uNkulunkulu wenu.

UJoshuwa 4:11

Kwathi bonke abantu sebechaphile, abapristi bachapha lomtshokotsho weNkosi, bahamba phambi kwabantu.