UJoshuwa 3:7 - iBhayibhili Elingcwele 1978

⁷ INkosi yathi kuJoshuwa: Lamhla ngizaqala ukukuphakamisa phambi kwabo bonke abakoIsrayeli ukuba bazi ukuthi njengalokho ngangiloMose, ngizakuba lawe.

IBhayibhili Elingcwele LesiNdebele

⁷ UThixo wasesithi kuJoshuwa, “Lamhla ngizaqalisa ukukuphakamisa emehlweni abako-Israyeli bonke ukuze babone ukuthi ngilawe njengoba ngangiloMosi.

UJoshuwa 3:7 ပူးပေါင်းရင်းမြစ်များ

1 ImiLando 29:25

INkosi yamnika uSolomoni udumo olukhulu phambi kwabo bonke abakoIsrayeli, yamnika ubukhosi obungazanga bube khona kwenye inkosi ngaphambi kwakhe koIsrayeli.

2 ImiLando 1:1

USolomoni indodana kaDavida waqina embusweni wakhe, leNkosi uNkulunkulu wakhe yayilaye, yamenza waba mkhulu kakhulu.

UJobe 7:17

Uyini umuntu ukuba umnike udumo, lokuba ucabange ngaye,

AmaHubo 18:35

Wena unginikile isihlangu senkululeko yakho, lesandla sakho sokunene singisekele, losizo lwakho lungikhulisile.

UJohane 17:1

UJesu wakhuluma lamazwi; waphakamisela amehlo akhe ezulwini, wathi: Baba, isikhathi sesifikile; dumisa iNdodana yakho, ukuze iNdodana ikudumise wena.

AbaseFiliphi 1:20

njengokufisa lokuthemba kwami okukhulu ukuthi kangiyikuyangeka, kodwa ngesibindi sonke, khathesi langezikhathi zonke, uKristu uzakudunyiswa emzimbeni wami, loba ngisila loba ngisifa.

UJoshuwa 1:17

Njengalokhu samlalela uMose ezintweni zonke, laweke sizakukulalela. Kuphela nje iNkosi uNkulunkulu wakho ibe lawe njengoba yayiloMose.

UJoshuwa 1:5

Kakulamuntu ozakumelana lawe zonke insuku zokuphila kwakho. Njengalokhu ngangiloMose, lawe ngizakuba lawe; kangisoze ngikulahle, kangisoze ngikutshiye.

UJoshuwa 1:9

Kangikulayanga na? Ngathi: Qina, ume isibindi; ungesabi, utshaywe luvalo, ngoba iNkosi uNkulunkulu wakho ilawe kuyo yonke indawo lapha uya khona.

UJoshuwa 3:6

UJoshuwa wathi kubapristi: Thathani umtshokotsho wesivumelwano, lihambe ngaphambi kwabantu. Basebewuthatha umtshokotsho wesivumelwano, bahamba ngaphambi kwabantu.

UJoshuwa 3:8

Uzalaya abapristi abathwele umtshokotsho wesivumelwano uthi: Nxa selifikile ngasemanzini eJordani, lizakuma phakathi kweJordani.

UJoshuwa 4:14

Ngalolosuku iNkosi yamphakamisa uJoshuwa phambi kwabo bonke abakoIsrayeli, bamhlonipha njengalokhu babemhlonipha uMose insuku zonke zokuphila kwakhe.