UJoshuwa 23:3 - iBhayibhili Elingcwele 1978

³ selizibonele konke iNkosi uNkulunkulu wethu ekwenzileyo kulezizizwe ngenxa yenu, ngoba kwakuyiNkosi uNkulunkulu uqobo eyalilwelayo.

IBhayibhili Elingcwele LesiNdebele

³ Lina ngokwenu selikubonile konke lokho uThixo uNkulunkulu wenu akwenzileyo kuzozonke lezi izizwe esenzela lina; nguThixo uNkulunkulu wenu owalilwelayo.

UJoshuwa 23:3 ပူးပေါင်းရင်းမြစ်များ

U-Eksodasi 14:14

INkosi izakulilwela, ngakho thulani lina.

U-Eksodasi 19:4

Likubonile lokho engikwenze kumaGibithe, lokuthi ngalithwala ngempiko zokhozi, ngalisondeza kimi.

UHezekhiyeli 20:28

Ngoba ngathi sengibalethile elizweni engangifunge ukubanika lona, kwathi lapho bebona intaba eziphakemeyo lezihlahla ezilamahlamvu amanengi, banikela imihlatshelo yabo lapho, kanye leminikelo eyangithukuthelisayo: banikela lapho iminikelo elephunga elihle, leminikelo yokuthululwa.

UMalaki 1:5

Lizakubona lokhu ngamehlo enu, beselisithi: Ubukhulu beNkosi bufika langaphandle kwakoIsrayeli.

UDutheronomi 1:30

INkosi uNkulunkulu wenu ehamba phambi kwenu izakulilwela njengalokhu eyalenzela khona eGibithe phambi kwenu,

UDutheronomi 20:4

ngoba iNkosi uNkulunkulu wenu ihamba lani ukuba ililwele ezitheni zenu, ilikhulule.

UDutheronomi 4:9

Ngakhoke qaphelani, ligcine kuhle umphefumulo wenu, funa likhohlwe izinto elizibonayo, zingasuki emikhumbulweni yenu insuku zenu zonke. Libazise zona abantwana benu labazukulu benu,

UDutheronomi 7:17

Mhlawumbe lizakuthi enhliziyweni zenu: Izizwe lezi zinengi kulathi; singazinqoba kanjani na?

UDutheronomi 7:24

Izakunikela ezandleni zenu amakhosi azo, licitshe amabizo awo emhlabeni; kakulamuntu ozakumelana lani lize lizichithe ziphele.

UJoshuwa 10:14

Kaluzanga lube khona usuku olunjalo ngaphambili loba ngasemva kwalo lapho iNkosi yalilalela khona ilizwi lomuntu, ngoba iNkosi yamlwela uIsrayeli.

UJoshuwa 10:42

UJoshuwa wathumba wonke lamakhosi lamazwe awo ngasikhathi sinye, ngoba iNkosi uNkulunkulu kaIsrayeli yamlwela uIsrayeli.

UJoshuwa 23:10

Umuntu oyedwa phakathi kwenu angaxotsha abantu abayinkulungwane, ngoba yiNkosi uNkulunkulu wenu elilwelayo njengokuthembisa kwayo.