UJoshuwa 2:11 - iBhayibhili Elingcwele 1978

¹¹ Sathi sikuzwa lokho inhliziyo zethu zaphela amandla, kakho loyedwa owaba lesibindi ngenxa yenu. Ngoba iNkosi uNkulunkulu wenu nguye uNkulunkulu osezulwini phezulu losemhlabeni phansi.

IBhayibhili Elingcwele LesiNdebele

¹¹ Sathi sikuzwa lokho inhliziyo zethu zahle zaphela amandla njalo wonke umuntu kazabe esaba lesibindi ngenxa yenu ngoba uThixo uNkulunkulu wenu unguNkulunkulu ophezulu ezulwini laphansi emhlabeni.

UJoshuwa 2:11 ပူးပေါင်းရင်းမြစ်များ

1 AmaKhosi 8:60

ukuze izizwe zonke zomhlaba zazi ukuba iNkosi inguNkulunkulu, lokuba kakho omunye.

2 AmaKhosi 5:15

Wasebuyela kumuntu kaNkulunkulu labo bonke abantu bakhe, wafika wema phambi kwakhe, wathi: Sengisazi ukuthi kakukho uNkulunkulu emhlabeni wonke, kuphela koIsrayeli; akwamukele isipho encekwini yakho.

UNehemiya 6:16

Kwathi lapho zonke izitha zethu zisizwa ngakho, lazo zonke izizwe ezisizingelezeleyo zikubona, zathi kungumsebenzi omangalisayo; zakubona ukuba lumsebenzi wenziwe ngamandla kaNkulunkulu wethu.

U-Esta 8:17

Kuwo wonke amazwe lakuyo yonke imizi okwafinyelela kuyo umthetho wenkosi lesimemezelo sayo kwaba khona ukuthokoza lokujabula kubaJuda, lamadili, losuku lokuphumula. Abantu abanengi belizwe bazibiza ngokuthi bangabaJuda ngenxa yokwesaba abaJuda.

AmaHubo 102:15

Izizwe zizakulesaba ibizo leNkosi, lamakhosi wonke omhlaba ubukhulu bayo.

AmaHubo 22:14

Ngichithiwe njengamanzi, wonke amathambo ami anyele, inhliziyo yami injengengcino, incibilikile phakathi kwami.

AmaHubo 58:7

Kabanyamalale njengamanzi agelezayo; njengotshani kabanyathelwe phansi babune.

AmaHubo 83:18

Kabazi ukuthi nguwe wedwa oyiNkosi, ongoPhezukonke emhlabeni wonke.

U-Eksodasi 15:14

Izizwe zizwile, ziyathuthumela; abakhileyo eFilistiya batshaywe luvalo.

U-Eksodasi 15:15

Izinduna zaseEdoma ziyaphaphatheka, izikhulu zaseMowabi zitshaywa luvalo, bonke abakhileyo eKanani baphela amandla.

U-Isaya 13:7

Ngakhoke izandla zonke zizakuxega, lenhliziyo yakhe wonke umuntu iphelelwe ngamandla,

U-Isaya 19:1

Leli yilizwe ngeGibithe. Khangela, iNkosi ikhwele eyezini elilejubane, iza eGibithe; izithombe zaseGibithe zizathuthumela phambi kwayo, lenhliziyo yabaseGibithe iphelelwe ngamandla.

UHezekhiyeli 21:15

ukuba inhliziyo zabo zigcwale ukwesaba. Sengibasongela ngomkhonto emasangweni abo wonke, umkhonto okhazimulayo njengombane, walolongelwa ukubulala.

UNahume 2:10

Seliseleze, kaliselalutho, lichithekile; inhliziyo ziphele amandla, amadolo ayatshayana, bonke batshaywa luvalo, banyukumele.

UDutheronomi 1:28

Sizakuya ngaphi? Abazalwane bethu basithelele ubugwala ngokuthi: Labobantu bakhulu, bade kulathi; lemizi mikhulu, ibiyelwe ngemithangala efika ezulwini; futhi sibonile khona amadodana amaAnaki.

UDutheronomi 20:8

Izinduna zizakhuluma futhi labantu, zithi: Ngubani owesabayo ophelelwe ngamandla na? Kabuyele endlini yakhe, funa inhliziyo zabangane bakhe ziphelelwe ngamandla njengenhliziyo yakhe.

UDutheronomi 4:39

Ngakhoke yazini lamuhla, likugcine enhliziyweni zenu ukuthi iNkosi inguNkulunkulu phezulu ezulwini laphansi emhlabeni; kakho omunye.

UJoshuwa 14:8

Kodwa abazalwane bami ababehambe lami bazithelela ubuthakathaka inhliziyo zabantu; kodwa mina ngayilandela ngokupheleleyo iNkosi uNkulunkulu wami.

UJoshuwa 2:24

Athi kuye: Impela iNkosi ilinikele ezandleni zethu lonke ilizwe, futhi bonke abakhileyo kilo baphele amandla ngenxa yethu.

UJoshuwa 5:1

Kwathi wonke amakhosi amaAmori ayengaphetsheya kweJordani ngasentshonalanga lawo wonke amakhosi amaKanani ayengasolwandle esizwa ukuba iNkosi yenza amanzi eJordani atsha ukuba abakoIsrayeli bachaphe, inhliziyo zawo zaphela amandla, aphelelwa layisibindi ngenxa yabantu bakoIsrayeli.

UJoshuwa 7:5

labantu baseAyi babulala abangamatshumi amathathu lesithupha, baxotshana labo kusukela esangweni baze bafika emigodini, bababulalela ekwehleni. Abantu baphelelwa yisibindi, besaba.

UJoshuwa 9:24

Bamphendula uJoshuwa bathi: Thina zinceku zakho satshelwa ukuthi iNkosi uNkulunkulu wakho yalaya uMose inceku yayo ukulinika ilizwe lonke lokuba libulale bonke abakhileyo kilo. Ngakho ngenxa yenu saba lovalo kakhulu ngokuphila kwethu, yikho senze lokho.

Isambulo 6:16

besithi ezintabeni lasemaweni: Welani phezu kwethu, lisifihle emehlweni akhe ohlezi esihlalweni sobukhosi lasolakeni lweWundlu,