UJoshuwa 18:7 - iBhayibhili Elingcwele 1978

⁷ AbakoLevi kabalasabelo phakathi kwenu, ngoba ubupristi beNkosi buyisabelo sabo. AbakoGadi labakoRubeni lengxenye yesizwe sabakoManase sebelabelwe ilizwe labo ngaphetsheya kweJordani kusiya empumalanga, uMose inceku yeNkosi eyabanika lona.

IBhayibhili Elingcwele LesiNdebele

⁷ Kodwa abaLevi kabayikuzuza lutho phakathi kwenu, ngoba umsebenzi wobuphristi kuThixo yilifa labo. Njalo uGadi, uRubheni lengxenye yesizwe sikaManase sebathola ilifa labo eceleni elingasempumalanga yeJodani. UMosi inceku kaThixo wabanika lona.”

UJoshuwa 18:7 ပူးပေါင်းရင်းမြစ်များ

AmaNani 18:20

INkosi yathi kuAroni: Kawuzukuba lelifa elizweni lakini, kawuzukuba lesabelo selizwe phakathi kwabo; mina ngiyisabelo sakho lelifa lakho phakathi kwabantu bakoIsrayeli.

AmaNani 18:23

Kodwa amaLevi azakwenza inkonzo yethente lokuhlangana, athwale ububi ngayo. Kuzakuba yisimiso esingelakuphela ezizukulwaneni zenu; phakathi kwabakoIsrayeli kawazukuba lelifa.

AmaNani 18:7

Wena lamadodana akho lizakwenza imisebenzi yenu yobupristi kukho konke okuqondene lealtare lalokho okungaphakathi kweveli, likhonze. Ngiyalinika ubupristi bube yisipho; kodwa umuntu ongelasikhundla osondelayo uzakubulawa.

UDutheronomi 10:9

Ngalokhu amaLevi kawalasabelo selizwe kanye labafowabo; iNkosi iyisabelo sawo, njengokutsho kweNkosi uNkulunkulu wenu kuwo. —

UJoshuwa 12:6

UMose inceku yeNkosi labakoIsrayeli babanqoba. UMose walinika ilizwe labo abakoRubeni labakoGadi lengxenye yesizwe sakoManase.

UJoshuwa 13:33

Kodwa isizwe sakoLevi uMose kasinikanga sabelo selizwe; iNkosi, uNkulunkulu kaIsrayeli, iyisabelo saso, njengokutsho kwayo kuso.