UJoshuwa 15:7 - iBhayibhili Elingcwele 1978

⁷ wasukela esihotsheni saseAkori waqonda iDebiri, wasuphendukela enyakatho uqonda elizweni maqondana lomqanso waseAdumimi, ngaseningizimu kwesihotsha; wasudlula usiya ngasemanzini aseEni‐Shemeshi, waphelela eEni‐Rogeli;

IBhayibhili Elingcwele LesiNdebele

⁷ Umngcele wasuqansa usiya eDebhiri usuka esigodini sika-Akhori, wasujika usiya enyakatho ukhangela eGiligali ekhangelane loMkhandlu ka-Adumimu eningizimu yodonga. Waqhubeka usiya emanzini ase-Eni Shemeshi wasufika e-Eni Rogeli.

UJoshuwa 15:7 ပူးပေါင်းရင်းမြစ်များ

2 USamuyeli 17:17

UJonathani loAhimazi babelindile eEnirogeli; incekukazi ethile yayilokhu isiza ibatshela ukuthi bona bahambe bayebikela inkosi uDavida, ukuba bangabonwa bengena emzini.

1 AmaKhosi 1:9

UAdonija wanikela imihlatshelo yezimvu lezinkabi lamathole anonisiweyo ngaselitsheni laseZohelethi eliseceleni kweEni‐Rogeli, wamema bonke abafowabo, amadodana enkosi, labo bonke abakoJuda abazinceku zenkosi;

U-Isaya 65:10

ISharoni izakuba lidlelo lemihlambi, lesihotsha saseAkori sibe yisibaya sezinkomo zabantu bami abangidingayo.

UHosiya 2:5

Ngoba unina wabo uwulile, owabazalayo wenzile ihlazo. Ngoba wathi: Ngizazilandela izithandwa zami, ezingipha ukudla lamanzi, loboya bezimvu, lesikusha, lamafutha lokunathwayo.

UJoshuwa 10:43

UJoshuwa wasebuyela ezihonqweni eGiligali kanye laye wonke uIsrayeli.

UJoshuwa 15:15

Wasuka lapho wahlasela abaseDebiri; kuqala iDebiri kwakuthiwa iKiriyathi‐Seferi.

UJoshuwa 15:6

waya ngaseBeti‐Hogila, wagudla enyakatho kweBeti‐Araba, wasukhwela uqonda ilitshe likaBohani indodana kaRubeni,

UJoshuwa 18:17

wasuphendukela enyakatho usiya eEni‐Shemeshi, wadlulela eGelilothi elimaqondana lomqanso waseAdumimi, wehlela elitsheni likaBohani indodana kaRubeni,

UJoshuwa 4:19

Abantu bachapha iJordani ngosuku lwetshumi lwenyanga yokuqala, bamisa eGiligali ngasempumalanga kweJeriko.

UJoshuwa 7:24

Kwathi uJoshuwa loIsrayeli wonke ayelaye sebemthethe uAkani indodana kaZera kanye lesiliva, lengubo, lomgqala wegolide, lamadodana lamadodakazi akhe, lenkabi zakhe, labobabhemi bakhe, lezimvu zakhe, lethente lakhe, kanye lakho konke ayelakho, bakusa esihotsheni saseAkori.

UJoshuwa 7:26

Babuthelela phezu kwakhe inqwaba enkulu yamatshe; isekhona lalamhla. Kwasekuphela ukuvutha kolaka lweNkosi. Ngakho leyondawo isabizwa ngokuthi yisihotsha saseAkori, okutsho inhlupheko.