UJoshuwa 15:2 - iBhayibhili Elingcwele 1978

² Umngcele walo waseningizimu wawusuka ngasekupheleni koLwandle lweTshwayi, ngaseningizimu kwalo,

IBhayibhili Elingcwele LesiNdebele

² Umngcele wabo weningizimu wawuqalisela ethekwini oluseningizimu emaphethelweni oLwandle lweTswayi,

UJoshuwa 15:2 ပူးပေါင်းရင်းမြစ်များ

UGenesisi 14:3

Bonke labo bahlangana esigodini saseSidima esiluLwandle lweTshwayi.

U-Isaya 11:15

INkosi izakwenza ulwandle lwaseGibithe ukuba lucime ngokutshisa komoya wayo, iphakamisele isandla sayo phezu komfula iYufrathi, iwahlukanise ube yizifudlana eziyisikhombisa, ukuba abantu bahambe phezu komhlabathi owomileyo.

UHezekhiyeli 47:18

Ngasempumalanga umngcele uzasuka eHazari‐Enoni phakathi kweHawurani leDamaseko, ulandele iJordani phakathi kweGileyadi lelizwe lakoIsrayeli, uze ufike ngasolwandle olungasempumalanga uyefika eTamari. Lo uzakuba ngumngcele wasempumalanga.

UHezekhiyeli 47:8

Wasesithi kimi: Lamanzi agelezela endaweni ezingasempumalanga, aze ehlele eAraba; nxa esengena emanzini emiyo olwandle, azakuba matsha.

AmaNani 34:3

Isigaba saseningizimu sizakusuka enkangala yaseZini, ngasemkhawulweni welaseEdoma, lomngcele wenu waseningizimu uzasuka ekucineni koLwandle lweTshwayi ngasempumalanga.

UJoshuwa 15:1

Ilizwe lesizwe sakoJuda ngosendo lwaso lalifika eningizimu emngceleni waseEdoma, enkangala yaseZini ngaseningizimu.

UJoshuwa 15:3

uqonda eningizimu udlula umqanso waseAkirabimi, udlulela eZini; wasukhwela usuka eningizimu kweKadeshi‐Barneya, wagudla eHezironi waya eAdari, wasuphenduka eKarika,

UJoshuwa 3:16

amanzi avela ngaphezu komfula ema, abuthana aba yinqwaba okwebanga elide kwaze kwafika eAdama umuzi oseduze leZarethani; lalawo agelezela olwandle lwaseAraba, uLwandle lweTshwayi, aqamuka wonke; abantu bachapha maqondana leJeriko.