UJoshuwa 11:12 - iBhayibhili Elingcwele 1978

¹² Yonke imizi yalawomakhosi kanye lamakhosi ayo uJoshuwa wayithumba, wayichitha ngomkhonto, wayiqeda nya, njengokulaya kukaMose inceku yeNkosi.

IBhayibhili Elingcwele LesiNdebele

¹² UJoshuwa wathumba wonke amadolobho esikhosini lamakhosi awo wawahlasela ngenkemba. Wawabhubhisa wonke, njengokulaya kukaMosi inceku kaThixo.

UJoshuwa 11:12 ပူးပေါင်းရင်းမြစ်များ

UDutheronomi 7:2

lalapho iNkosi uNkulunkulu wakho izinikela zona kuwe ukuba uzinqobe, uziqede nya. Ungenzi isivumelwano lazo, ungabi lasihawu kuzo.

UDutheronomi 9:3

Ngakhoke yazi lamuhla ukuthi yiNkosi uNkulunkulu wakho echapha ngaphambi kwakho enjengomlilo oqothulayo; yona izakubachitha, ibanqobe phambi kwakho; uzakubaxotsha, ubabhubhise masinyane, njengokukuthembisa kwayo.

UJoshuwa 10:20

Kwathi uJoshuwa labakoIsrayeli sebebabulele babaqeda ngaphandle kwabalutshwana nje ababaleka bangena emizini ebiyelweyo,

UJoshuwa 10:28

UJoshuwa wathumba iMakeda ngalolosuku, walichitha kanye lenkosi yalo ngomkhonto, waqeda nya bonke abantu ababekilo, katshiyanga muntu. Wenza enkosini yaseMakeda lokho akwenza enkosini yaseJeriko.

UJoshuwa 10:30

iNkosi yalinikela lalo kanye lenkosi yalo esandleni sikaIsrayeli, owalichitha ngomkhonto labo bonke abantu ababekilo; katshiyanga muntu kilo, wenza enkosini yalo lokho akwenza enkosini yaseJeriko.

UJoshuwa 10:32

iNkosi yalinikela iLakishi esandleni sikaIsrayeli owalithumba ngosuku lwesibili, walichitha ngomkhonto labo bonke abantu ababekilo, njengokwenza kwakhe eLibina.

UJoshuwa 10:35

balithumba ngalolosuku, balichitha ngomkhonto, babaqeda bonke abantu ababekilo ngalolosuku, njengokwenza kwabo eLakishi.

UJoshuwa 10:37

balithumba, balichitha ngomkhonto, inkosi yalo kanye lemizi yalo labo bonke abantu ababekilo; kabatshiyanga muntu, njengokwenza kwabo eEgiloni, baqeda bonke abantu ababekilo.

UJoshuwa 11:13

Kodwa imizi yonke eyayisemadundulwini uIsrayeli kayitshisanga ngaphandle kweHazori kuphela uJoshuwa alitshisayo.

UJoshuwa 11:15

Njengalokhu iNkosi yayimlayile uMose inceku yayo, ngakho uMose wamlaya uJoshuwa. UJoshuwa wenza njalo; kakulalutho angalwenzanga kukho iNkosi eyakulaya uMose.

UJoshuwa 13:6

Bonke abakhileyo ezintabeni kusukela eLebanoni kusiya eMisirefothi‐Mayimi, wonke amaSidoni, ngizabaxotsha mina impela phambi kwabakoIsrayeli. Wena babele kuphela abakoIsrayeli ilizwe libe ngelabo njengoba ngikulayile.

UJoshuwa 21:44

INkosi yabanika ukuphumula inxa zonke njengokufunga kwayo kubokhokho babo. Kakubanga khona lasinye isitha sabo esamelana labo, ngoba iNkosi yazinikela izitha zonke zabo ezandleni zabo.

UJoshuwa 8:31

Ialtare lalingelamatshe angabazwanga ngento yensimbi njengomlayo kaMose inceku yeNkosi kwabakoIsrayeli osogwalweni lomlayo kaMose. Banikela eNkosini iminikelo yokutshiswa lemihlatshelo yokuthula.

UJoshuwa 8:8

Nxa seliwuthumbile umuzi, liwutshise ngomlilo, njengokutsho kweNkosi. Khangelani, sengililayile.

UJoshuwa 9:24

Bamphendula uJoshuwa bathi: Thina zinceku zakho satshelwa ukuthi iNkosi uNkulunkulu wakho yalaya uMose inceku yayo ukulinika ilizwe lonke lokuba libulale bonke abakhileyo kilo. Ngakho ngenxa yenu saba lovalo kakhulu ngokuphila kwethu, yikho senze lokho.