UJoshuwa 10:8 - iBhayibhili Elingcwele 1978

⁸ INkosi yathi kuJoshuwa: Ungabesabi, ngoba ngibanikele esandleni sakho; kakukho loyedwa wabo ozakumelana lawe.

IBhayibhili Elingcwele LesiNdebele

⁸ UThixo wathi kuJoshuwa, “Ungabesabi; sengibanikele esandleni sakho. Kakho loyedwa ozakwenelisa ukumelana lawe.”

UJoshuwa 10:8 ပူးပေါင်းရင်းမြစ်များ

1 AmaKhosi 20:13

Kwasekufika umprofethi othile kuAhabi inkosi yakoIsrayeli, wathi: INkosi uNkulunkulu ithi: Uyayibona yonke limpi na? Ngizayinikela esandleni sakho lamhla, uzukwazi ukuba mina ngiyiNkosi.

AbaseRoma 8:31

Phoke, sizakuthini ngalokhu na? Uba uNkulunkulu engakithi, ngubani ongamelana lathi na?

UDutheronomi 3:2

Kodwa iNkosi uNkulunkulu yathi kimi: Ungamesabi, ngoba ngizamnikela yena labantu bakhe bonke lelizwe lakhe esandleni sakho; uzakwenza kuye njengokwenza kwakho kuSihoni inkosi yamaAmori owayehlala eHeshiboni.

UDutheronomi 7:24

Izakunikela ezandleni zenu amakhosi azo, licitshe amabizo awo emhlabeni; kakulamuntu ozakumelana lani lize lizichithe ziphele.

UJoshuwa 10:25

UJoshuwa wasesithi kuzo: Lingesabi litshaywe luvalo; qinani lime isibindi, ngoba iNkosi izakwenza nje kuzo zonke izitha zenu elilwa lazo.

UJoshuwa 10:9

UJoshuwa wabajuma, ehambe ubusuku bonke esuka eGiligali.

UJoshuwa 11:6

INkosi yathi kuJoshuwa: Ungabesabi, ngoba kusasa ngalesisikhathi ngizabanikela sebefile kuIsrayeli; uzaquma imisipha yamabhiza abo, utshise ngomlilo inqola zabo zokulwa.

UJoshuwa 8:1

INkosi yasisithi kuJoshuwa: Ungesabi, utshaywe luvalo; thatha wonke amadoda okulwa, usuke uye eAyi; nginikele esandleni sakho inkosi yaseAyi, labantu bayo, lomuzi wayo, lelizwe layo.

Abahluleli 6:16

INkosi yathi kuye: Mina ngizakuba lawe, uzawabulala amaMidiyani kungathi angumuntu munye.

Abahluleli 7:9

Ngalobobusuku iNkosi yathi kuye: Suka, wehle uyehlasela izihonqo, ngoba ngizinikele ezandleni zakho.

1 USamuyeli 17:47

Wonke lumhlangano uzakwazi ukuba uNkulunkulu kakhululi ngomhedla langomkhonto; ngoba ukulwa kungokweNkosi, izakukunikela esandleni sethu.