UJoshuwa 10:3 - iBhayibhili Elingcwele 1978

³ Ngakho uAdonizedeki inkosi yaseJerusalema yasithumela ilizwi kuHohamu inkosi yaseHebroni, lakuPiramu inkosi yaseJarimuthi, lakuJafiya inkosi yaseLakishi, lakuDebiri inkosi yaseEgiloni, wathi:

IBhayibhili Elingcwele LesiNdebele

³ Ngakho u-Adoni-Zedekhi inkosi yaseJerusalema wakhalaza kuHohamu inkosi yaseHebhroni, kuPhiramu inkosi yaseJamuthi, kuJafiya inkosi yaseLakhishi lakuDebhiri inkosi yase-Egiloni.

UJoshuwa 10:3 ပူးပေါင်းရင်းမြစ်များ

UGenesisi 23:2

USara wafela eKiriyathi‐Arba okuyiHebroni elizweni laseKanani. UAbrahama wamlilela uSara wamkhalela.

UGenesisi 37:14

UIsrayeli wathi kuye: Hambake khathesi, ubone ukuthi bayaphila yini abafowenu, lokuba umhlambi ulungile, ubuye ungibikele. Wasemthuma esuka esigodini saseHebroni wayafika eShekema.

2 USamuyeli 2:11

UDavida waba yinkosi yakoJuda eHebroni okweminyaka eyisikhombisa lenyanga eziyisithupha.

2 AmaKhosi 18:14

UHezekiya inkosi yakoJuda wathumela ilizwi enkosini yaseAsiriya eLakishi esithi: Ngonile; phuma elizweni lami, ngizahlawula loba kuyini okubiza kimi. Ngakho inkosi yaseAsiriya yasihlawulisa uHezekiya inkosi yakoJuda amathalenta esiliva angamakhulu amathathu, lamashekeli egolide azinkulungwane ezificamunwemunye.

2 AmaKhosi 18:17

Inkosi yaseAsiriya yathumela induna enkulu, lenduna yabathenwa, lenceku enkulu zilempi enkulu zisuka eLakishi ukuba ziye enkosini uHezekiya eJerusalema. Zahambake zafika eJerusalema. Sezifikile zafika zema ngasemfolweni wechibi elingaphezulu, elisemgwaqweni weNsimu yoMgezisi.

2 ImiLando 11:9

leAdorayimi leLakishi leAzeka

UJeremiya 34:7

lapho impi yenkosi yaseBabiloni ihlasela iJerusalema layo yonke imizi yakoJuda eyayisisele, iLakishi leAzeka: ngoba yiyo imizi ebiyelweyo eyakoJuda eyayisisele.

UMikha 1:13

Bophelani enqoleni amabhiza alejubane, lina baseLakishi; laliyikuqala kwezono zeZiyone, ngoba iziphambeko zakoIsrayeli zafunyaniswa kini.

AmaNani 13:22

Bahambake basukela eNegebi baze bafika eHebroni; kwakuhlala khona oAhimani loSheshayi loTalimayi, inzalo kaAnaki — IHebroni lakhiwa iminyaka eyisikhombisa lingakakhiwa iZowani laseGibithe —

UJoshuwa 10:1

Kwathi nxa uAdonizedeki inkosi yaseJerusalema esezwile ukuthi uJoshuwa ulithumbile iAyi, walichitha laphela nya, wenza kilo lasenkosini yalo lokho akwenza eJeriko lasenkosini yalo, lokuthi abaseGibeyoni bavumelene ngokuthula labakoIsrayeli, sebehlala phakathi kwabo,

UJoshuwa 10:23

Basebesenza njalo, bawakhupha obhalwini lawomakhosi amahlanu, inkosi yaseJerusalema leyaseHebroni leyaseJarimuthi leyaseLakishi leyaseEgiloni.

UJoshuwa 10:34

UJoshuwa wasedlula eLakishi kanye laye wonke uIsrayeli, baya eEgiloni, balivimbezela, balihlasela,

UJoshuwa 10:5

Ngakhoke amakhosi amahlanu amaAmori, inkosi yaseJerusalema leyaseHebroni leyaseJarimuthi leyaseLakishi leyaseEgiloni, ahlanganisa izimpi zawo, aphuma ayamisa maqondana leGibeyoni, alihlasela.

UJoshuwa 14:15

Ibizo leHebroni kuqala laliliKiriyathi‐Arba; uArba wayengumuntu omkhulu phakathi kwamaAnaki. Ilizwe laba lokuphumula ekulweni.

UJoshuwa 15:54

leHumta leKiriyathi‐Arba, okutsho iHebroni, leZiyori; iyonke ificamunwemunye lemizana yayo.

UJoshuwa 15:63

Kodwa amaJebusi ayehlala eJerusalema abakoJuda behluleka ukuwaxotsha khona; ngakho amaJebusi asahlala labantu bakoJuda eJerusalema kuze kube lamhla.

UJoshuwa 18:28

leZela leHayelefi leJebusi, okutsho iJerusalema, leGibeya leKiriyathi‐Jeyarimi; iyonke ilitshumi lane lemizana yayo. Leli liyilizwe lesizwe sakoBenjamini ngosendo lwaso.