UJoshuwa 1:7 - iBhayibhili Elingcwele 1978

⁷ Qinake, ube lesibindi, uqaphelise ukugcina wonke umlayo uMose inceku yami akulaya ngawo; ungaphambuki kuwo uye ngakwesokunene loba ngakwesokhohlo ukuze uphumelele kuhle kukho konke okwenzayo.

IBhayibhili Elingcwele LesiNdebele

⁷ Qina ube lesibindi. Ugcine yonke imithetho owayiphiwa nguMosi inceku yami, ungaze waphambuka kuyo uye kwesokunene kumbe kwesokhohlo ukuze uphumelele kuzozonke izindawo ozakuya kuzo.

UJoshuwa 1:7 ပူးပေါင်းရင်းမြစ်များ

1 AmaKhosi 2:2

Sengizalandela abaphansi. Ngalokhoke qina, ube yindoda,

1 AmaKhosi 2:3

ugcine umlayo weNkosi uNkulunkulu wakho, uhambe ngezindlela zayo, ugcine izimiso zayo lemithetho yayo lezilayezelo zayo, lamazwi ayo, njengokulotshiweyo emlayweni kaMose, ukuba uphumelele kukho konke okwenzayo lalapho uya khona,

2 AmaKhosi 22:2

Wenza okulungileyo phambi kweNkosi, walandela zonke indlela zikaDavida ukhokho wakhe, kaze aphambukela ngakwesokunene langakwesokhohlo.

1 ImiLando 22:13

Uzakuphumelelake uba unanzelela ukugcina izimiso lemithetho iNkosi uNkulunkulu eyayinika uIsrayeli ngoMose. Qina, ube lesibindi, ungesabi utshaywe luvalo.

2 ImiLando 15:7

Kodwa lina manini isibindi, liqine, ngoba umsebenzi wenu uzakuba lomvuzo.

2 ImiLando 26:5

Wazimisela ukumdinga uNkulunkulu ensukwini zikaZekariya owamfundisa ukumesaba uNkulunkulu; ngesikhathi sonke eyidinga iNkosi, uNkulunkulu wamphumelelisa.

UJobe 1:8

INkosi yasisithi kuSathane: Uyiqaphele yini inceku yami uJobe ngoba kakho onjengaye emhlabeni ongelasici loqotho, owesaba uNkulunkulu loxwaya okubi na?

AmaHubo 80:19

Sibuyise, Nkosi Nkulunkulu wamabandla, usikhanyisele ubuso bakho ukuze sikhululwe.

Izaga 4:27

Ungaphambukeli kokubi, unganyatheli lapho kukhona okubi.

Izaga 8:20

Ngihamba endleleni yokulunga, lasemikhondweni yokwahlulela;

UDanyeli 10:19

Wasesithi: Wena muntu othandekayo kakhulu, ungesabi; ukuthula kakube kuwe, qina ume isibindi. Kwathi lapho ekhuluma lami ngaqina, ngasengisithi: Kayikhulume inkosi yami, ngoba isingiqinisile.

AmaNani 27:23

wabeka izandla zakhe phezu kwakhe, wamlaya, njengokulaya kweNkosi ngoMose.

UDutheronomi 11:8

Ngakhoke libogcina yonke imithetho engililaya yona lamhla, ukuba libe lamandla okungena lilithumbe ilizwe eliya kulo ukuba libe ngelenu,

UDutheronomi 12:32

Gcinani kuhle konke engililaya khona, lingengezeleli lutho kukho, futhi lingaphunguli lutho kukho.

UDutheronomi 28:14

Lingaphambuki lakwelilodwa lamazwi engililaya wona lamuhla, ukuya ngakwesokunene langakwesokhohlo, lingalandeli abanye onkulunkulu ukuze libakhonze.

UDutheronomi 29:8

sathatha ilizwe labo, salinika abakoRubeni labakoGadi lengxenye yesizwe sakoManase ukuba libe ngelabo.

UDutheronomi 29:9

Ngakhoke gcinani kuhle amazwi alesisivumelwano, ukuba liphumelele kukho konke elikwenzayo.

UDutheronomi 31:7

UMose wasebiza uJoshuwa, wathi kuye phambi kwabo bonke abakoIsrayeli: Qina, ume isibindi; ngoba nguwe ozahamba lalababantu ukuya elizweni iNkosi eyafunga ukubanika lona okhokho babo; uzabangenisa kulo ukuba balithumbe.

UDutheronomi 4:2

Kaliyikwengezelela lutho elizwini engililaya ngalo, lingaphunguli lutho kulo, ukuba ligcine imilayo yeNkosi uNkulunkulu wenu engililaya yona.

UDutheronomi 5:32

Ngakhoke qaphelani ukuba lenze njengokulilaya kwayo iNkosi uNkulunkulu wenu; lingaphambukeli ngakwesokunene langakwesokhohlo.

UJoshuwa 1:1

Kwathi emva kokufa kukaMose inceku yeNkosi, iNkosi yathi kuJoshuwa indodana kaNuni, umsizi kaMose:

UJoshuwa 1:8

Umlayo okulincwadi ungasuki emlonyeni wakho, uzacabanga ngawo emini lebusuku ukuba uqaphelise ukwenza konke okulotshiweyo, ukuze ukhule uphumelele kukho konke okwenzayo.

UJoshuwa 1:9

Kangikulayanga na? Ngathi: Qina, ume isibindi; ungesabi, utshaywe luvalo, ngoba iNkosi uNkulunkulu wakho ilawe kuyo yonke indawo lapha uya khona.

UJoshuwa 11:15

Njengalokhu iNkosi yayimlayile uMose inceku yayo, ngakho uMose wamlaya uJoshuwa. UJoshuwa wenza njalo; kakulalutho angalwenzanga kukho iNkosi eyakulaya uMose.

UJoshuwa 23:6

Ngakhoke qinani ligcine lenze konke okulotshiweyo ogwalweni lomlayo kaMose, lingaphambuki kuwo liye ngakwesokunene loba ngakwesokhohlo,