UJoshuwa 1:6 - iBhayibhili Elingcwele 1978

⁶ Qina, ume isibindi, ngoba nguwe ozanika lababantu ilizwe engafunga ukulinika okhokho babo.

IBhayibhili Elingcwele LesiNdebele

⁶ Qina ube lesibindi ngenxa yokuthi uzakhokhela abantu laba ukuze bayethatha ilizwe elilifa labo engafunga kubokhokho babo ukuthi ngizabanika lona.

UJoshuwa 1:6 ပူးပေါင်းရင်းမြစ်များ

UGenesisi 12:7

INkosi yabonakala kuAbrama yathi: Ngizakuyinika inzalo yakho lelilizwe. Wayakhela lapho ialtare iNkosi eyabonakala kuye.

UGenesisi 26:3

hlala kulelilizwe, ngizakuba lawe ngikubusise; ngoba ngizakunika wena lenzalo yakho wonke lamazwe, ngiqinise isifungo engasifunga kuAbrahama uyihlo.

2 USamuyeli 10:12

Mana isibindi; asidode ngenxa yabantu bakithi, langenxa yemizi kaNkulunkulu wethu; intando yeNkosi uNkulunkulu kayenziwe.

1 AmaKhosi 2:2

Sengizalandela abaphansi. Ngalokhoke qina, ube yindoda,

1 ImiLando 22:13

Uzakuphumelelake uba unanzelela ukugcina izimiso lemithetho iNkosi uNkulunkulu eyayinika uIsrayeli ngoMose. Qina, ube lesibindi, ungesabi utshaywe luvalo.

1 ImiLando 28:10

Qaphelake, ngoba iNkosi ikukhethile ukuba wakhe indlu ezakuba yindlu engcwele; dodake uyakhe.

1 ImiLando 28:20

UDavida wasesithi kuSolomoni indodana yakhe: Dodake ume isibindi, usebenze; ungesabi utshaywe luvalo; ngoba iNkosi uNkulunkulu, yebo uNkulunkulu wami, ulawe. Kasoze wakulahla, kasoze akutshiye, uze uphele wonke umsebenzi wenkonzo yethempeli.

2 ImiLando 15:7

Kodwa lina manini isibindi, liqine, ngoba umsebenzi wenu uzakuba lomvuzo.

2 ImiLando 20:11

khangelake, basibonga ngokuzasixotsha endaweni owasinika yona.

2 ImiLando 20:7

Wena, Nkulunkulu wethu, kawubaxotshanga yini abantu balelilizwe phambi kwabantu bakho uIsrayeli, walinika inzalo kaAbrahama umngane wakho ukuba libe ngelayo kuze kube nininini na?

AmaHubo 27:14

Themba iNkosi, uqine, inhliziyo yakho ime isibindi, yebo, themba iNkosi.

UDanyeli 10:19

Wasesithi: Wena muntu othandekayo kakhulu, ungesabi; ukuthula kakube kuwe, qina ume isibindi. Kwathi lapho ekhuluma lami ngaqina, ngasengisithi: Kayikhulume inkosi yami, ngoba isingiqinisile.

UHagayi 2:4

Kodwa qina, wena Zerubabeli, kutsho iNkosi, ume isibindi lawe Joshuwa, ndodana kaJehozadaki, mpristi omkhulu; qinani lani lonke, bantu belizwe. Sebenzani, ngoba mina ngilani, kutsho iNkosi yamabandla,

UZakhariya 8:9

INkosi yamabandla ithi: Qungani isibindi, lina elizwa kulezinsuku amazwi avela kubaprofethi, ababekhona kusukela esikhathini sokubekwa kwesisekelo sethempeli lami, ukuba lakhiwe.

AmaNani 26:53

Ilizwe bazakwahlukaniselwa lona libe ngelabo njengenani lamabizo alotshiweyo.

AmaNani 33:53

lithumbe ilizwe, lihlale kilo, ngoba ngilinike ilizwe ukuba libe ngelenu.

1 AbaseKhorinte 16:13

Lindani, lime ekukholweni kwenu, libe lesibindi, libe lamandla.

Abase-Efesu 6:10

Elokucinake, qinani eNkosini lasemandleni ayo amakhulu.

UDutheronomi 1:21

Khangelani, iNkosi uNkulunkulu wenu ilivulile ilizwe phambi kwenu; hambani lilithumbe, njengokulilaya kwayo iNkosi, uNkulunkulu wabokhokho benu; lingesabi, lingakhathazeki.

UDutheronomi 1:8

Khangelani, ngilivulele ilizwe phambi kwenu. Ngenani, lilithumbe ilizwe iNkosi eyafunga kubokhokho benu, oAbrahama loIsaka loJakobe, ukubanika lona lenzalo yabo emva kwabo.

UDutheronomi 11:8

Ngakhoke libogcina yonke imithetho engililaya yona lamhla, ukuba libe lamandla okungena lilithumbe ilizwe eliya kulo ukuba libe ngelenu,

UDutheronomi 31:23

INkosi yasilaya uJoshuwa indodana kaNuni yathi: Qina, ume isibindi, ngoba uzakubangenisa abantu bakoIsrayeli elizweni engathembisa ukubanika lona; ngizakuba lawe.

2 uTimothi 2:1

Ngakhoke, wena mntanami, qina emuseni okuKristu Jesu.

UJoshuwa 1:18

Lowo odelela umlayo wakho engalaleli amazwi akho kukho konke omlaya khona uzabulawa. Qina kuphela, ume isibindi.

UJoshuwa 1:7

Qinake, ube lesibindi, uqaphelise ukugcina wonke umlayo uMose inceku yami akulaya ngawo; ungaphambuki kuwo uye ngakwesokunene loba ngakwesokhohlo ukuze uphumelele kuhle kukho konke okwenzayo.

UJoshuwa 1:9

Kangikulayanga na? Ngathi: Qina, ume isibindi; ungesabi, utshaywe luvalo, ngoba iNkosi uNkulunkulu wakho ilawe kuyo yonke indawo lapha uya khona.

UJoshuwa 10:25

UJoshuwa wasesithi kuzo: Lingesabi litshaywe luvalo; qinani lime isibindi, ngoba iNkosi izakwenza nje kuzo zonke izitha zenu elilwa lazo.

UJoshuwa 13:6

Bonke abakhileyo ezintabeni kusukela eLebanoni kusiya eMisirefothi‐Mayimi, wonke amaSidoni, ngizabaxotsha mina impela phambi kwabakoIsrayeli. Wena babele kuphela abakoIsrayeli ilizwe libe ngelabo njengoba ngikulayile.

UJoshuwa 18:3

UJoshuwa wasesithi kwabakoIsrayeli: Lizadonda kuze kube nini ukuyathatha ilizwe iNkosi, uNkulunkulu wabokhokho benu, elinike lona?

UJoshuwa 21:43

INkosi yabanikake abakoIsrayeli lonke ilizwe eyafunga ukubanika lona okhokho babo; sebelithethe bahlala kulo.

UJoshuwa 5:6

Ngoba abakoIsrayeli bahamba enkangala iminyaka engamatshumi amane saze safa saphela sonke isizwe, lawomadoda empi ayephume eGibithe, ngoba engalilalelanga ilizwi leNkosi; iNkosi yayifungile kuwo ukuba kawayikulibona ilizwe eyafunga kubokhokho babo ukusinika lona, ilizwe eligcwele uchago lenyosi.

1 USamuyeli 4:9

Manini sibindi, libe ngamadoda lina maFilistiya, ukuba lingabi yizigqili zamaHeberu njengoba abe yizigqili zenu. Wobani ngamadoda, lilwe.