UJoshuwa 1:18 - iBhayibhili Elingcwele 1978

¹⁸ Lowo odelela umlayo wakho engalaleli amazwi akho kukho konke omlaya khona uzabulawa. Qina kuphela, ume isibindi.

IBhayibhili Elingcwele LesiNdebele

¹⁸ Yiloba ngubani ohlamukela ilizwi lakho njalo engalaleli lokho okutshoyo, lalokho oyabe ukulaya, kumele abulawe. Kumele uqine ube lesibindi!”

UJoshuwa 1:18 ပူးပေါင်းရင်းမြစ်များ

U-Ezra 10:4

Vukake, kungumsebenzi wakho, lathi sizakukusekela. Woba lesibindi, uwenze.

ULukha 19:27

Kodwa lezozitha zami ebezingathandi ukuba ngizibuse, ziletheni lapha, lizibulale phambi kwami.

1 AbaseKhorinte 16:13

Lindani, lime ekukholweni kwenu, libe lesibindi, libe lamandla.

Abase-Efesu 6:10

Elokucinake, qinani eNkosini lasemandleni ayo amakhulu.

UDutheronomi 17:12

Umuntu oziqhenyayo ongalaleli umpristi ophetheyo inkonzo phambi kweNkosi uNkulunkulu wenu, longalaleli umahluleli, uzakubulawa. Ngalokhu lizakuqeda ububi koIsrayeli.

AmaHebheru 12:25

Qaphelani ukuba lingali ukulalela ilizwi lakhe okhulumayo; ngoba uba bengaphephanga labo abala ukumlalela lowo owabaxwayisa emhlabeni, kakhulu kasiyikuphepha thina esimalayo lowo oxwayisa esezulwini.

UJoshuwa 1:17

Njengalokhu samlalela uMose ezintweni zonke, laweke sizakukulalela. Kuphela nje iNkosi uNkulunkulu wakho ibe lawe njengoba yayiloMose.

UJoshuwa 1:9

Kangikulayanga na? Ngathi: Qina, ume isibindi; ungesabi, utshaywe luvalo, ngoba iNkosi uNkulunkulu wakho ilawe kuyo yonke indawo lapha uya khona.

UJoshuwa 2:1

UJoshuwa indodana kaNuni wasethuma amadoda amabili ensitha eseShithimi aba zinhloli, wathi: Hambani lihlole ilizwe, ikakhulu iJeriko. Asehamba, ayafikela endlini yewule elalithiwa nguRahabi, angenisa khona.

1 USamuyeli 11:12

Abantu basebesithi kuSamuweli: Ngobani abathi uSawuli uzasibusa na? Baletheni labobantu ukuze sibabulale.