UJona 4:2 - iBhayibhili Elingcwele 1978

² Wakhuleka eNkosini wathi: Ngiyakuncenga, Nkosi, kayisikho lokhu engakutshoyo ngiseselizweni lakithi na? Yikho lokhu ngaphangisa ukubalekela eTarshishi; ngoba ngangisazi ukuthi wena unguNkulunkulu olomusa lolesihawu, ophuza ukuthukuthela, ogcwele uthando olungapheliyo, ozisola ngokubi.

IBhayibhili Elingcwele LesiNdebele

² Wakhuleka kuThixo wathi, “Awu Thixo, kakusikho lokhu yini engakutshoyo ngisesekhaya? Yikho okwangenza ngaphangisa ukubalekela eThashishi. Ngangikwazi ukuthi unguNkulunkulu olomusa lesihawu, ophuza ukuthukuthela njalo ogcwele uthando, uNkulunkulu odedayo ongasoze ehlise ukuhlupheka.

UJona 4:2 ပူးပေါင်းရင်းမြစ်များ

1 AmaKhosi 19:4

Yena wahamba uhambo losuku enkangala, wafika wahlala ngaphansi kwesihlahla sogagu, waloyisa ukuba afe esithi: Kwanele, Nkosi, susa ukusila kwami ngoba kangingcono kulabokhokho.

AmaHubo 103:8

INkosi ilobubele lesihawu, iyaphuza ukuthukuthela, igcwele uthando olungapheliyo.

AmaHubo 145:8

INkosi ilomusa lesihawu, iyaphuza ukuthukuthela, igcwele uthando olungapheliyo.

AmaHubo 78:38

Kodwa yena elesihawu wabathethelela ukona kwabo, kababhubhisanga; walunqanda kanengi ulaka lwakhe, kakuvusanga konke ukuthukuthela kwakhe.

AmaHubo 86:15

Kodwa wena, Nkosi, unguNkulunkulu olesihawu, olomusa, ophuza ukuthukuthela, ogcwele uthando olungapheliyo lobuqotho.

AmaHubo 86:5

Ngoba wena, Nkosi, ulungile, uyathethelela; uthando lwakho olungapheliyo lukhulu kubo bonke abakhuleka kuwe.

AmaHubo 90:13

Buya, Nkosi! Koze kube nini uthukuthela na? Hawukela inceku zakho.

U-Eksodasi 32:14

Ngakho iNkosi yasiphenduka ebubini eyayisithi izakubenza ebantwini bayo.

UJeremiya 18:8

uba lesosizwe engakhulume ngaso sitshiya ububi baso, ngizazisola ngokubi ebengisithi ngizakubenza kiso.

UJeremiya 20:7

Nkosi, wangiyenga, ngayengeka. Ulamandla kulami, ungahlulile, sengiyinhlekisa insuku zonke, bonke bayangihleka.

UJeremiya 26:13

Ngakho lungisani indlela zenu lezenzo zenu, lilalele ilizwi leNkosi uNkulunkulu wenu, izayekela ukwenza okubi konke ekukhulume ngani.

UJeremiya 42:10

Uba lihlala kulelilizwe, ngizakulakha ngingalidilizi, ngiligxumeke, ngingalisiphuni; ngoba ngiyazisola ngokubi engikwenzileyo kini.

uAmosi 7:3

INkosi yazisola ngalokhu, yathi: Lokhu kakuyikwenzeka.

uAmosi 7:6

INkosi yazisola ngalokhu, yathi: Lokhu lakho kakuyikwenzeka.

UJona 1:3

Kodwa uJona wasuka waya eTarshishi ukuba abalekele iNkosi. Wehlela eJopha, wafumana khona umkolo oya eTarshishi; wakhupha imali yokukhwela, wakhwela kuwo ukuba ahambe labaya eTarshishi, abaleke eNkosini.

UJona 3:10

Lapho uNkulunkulu ebona izenzo zabo ukuba baphendukile ebubini babo, wazisola ngobubi ayezakubenza kibo, kasabenzanga.

UJona 3:9

Kwazi bani ukuba uNkulunkulu angezisole, ludede ulaka lwakhe olukhulu ukuze singabhubhi.

UMikha 7:18

Ngubani uNkulunkulu onjengawe, othethelela isono sabantu bakhe abaseleyo ayekele isiphambeko sabo na? Kathukutheli kokuphela, ngoba uthokoza ngothando olungapheliyo.

ULukha 10:29

Kodwa yena ethanda ukuzilungisa wathi kuJesu: Umakhelwane wami ungubani na?

UDutheronomi 4:31

ngoba iNkosi uNkulunkulu wenu inguNkulunkulu olomusa, kayiyikulitshiya, kayiyikulibhubhisa, kayiyikukhohlwa isivumelwano eyasifunga kubokhokho benu.