UJona 3:4 - iBhayibhili Elingcwele 1978

⁴ UJona waqala ukungena emzini, wawuhamba usuku lwaba lunye. Wamemeza wathi: Kusele insuku ezingamatshumi amane ukuba iNineve lichitheke.

IBhayibhili Elingcwele LesiNdebele

⁴ Ngelanga lokuqala, uJona wangena phakathi komuzi. Wamemezela wathi, “Kusele insuku ezingamatshumi amane kuphela ukuba iNiniva ichithwe.”

UJona 3:4 ပူးပေါင်းရင်းမြစ်များ

2 AmaKhosi 20:1

Ngalezonsuku uHezekiya wagula, waphos’ukufa. UIsaya umprofethi indodana kaAmozi wafika kuye wathi: INkosi ithi: Lungisa indlu yakho, ngoba uzakufa, kawuyikusila.

2 AmaKhosi 20:6

Ngizakwengezelela iminyaka elitshumi lanhlanu ekuphileni kwakho. Ngizakukukhulula wena lalumuzi esandleni senkosi yaseAsiriya, ngiwuvikele ngenxa yami langenxa yenceku yami uDavida.

U-Isaya 30:18

Kodwa iNkosi ilindele ukuba ibe lomusa kini, iyathanda ukuba ibe lesihawu kini; ngoba iNkosi inguNkulunkulu wokulunga, babusisiwe bonke abathemba kuyo.

UJeremiya 42:10

Uba lihlala kulelilizwe, ngizakulakha ngingalidilizi, ngiligxumeke, ngingalisiphuni; ngoba ngiyazisola ngokubi engikwenzileyo kini.

UJona 3:10

Lapho uNkulunkulu ebona izenzo zabo ukuba baphendukile ebubini babo, wazisola ngobubi ayezakubenza kibo, kasabenzanga.

UMatewu 12:41

Amadoda aseNinive azakuma ekuthonisisweni kanye lalesisizukulwana, asilahle; ngoba wona aphenduka ngokutshumayela kukaJona; khangelani, kukhona lapha okukhulu kuloJona.

ULukha 11:30

Ngoba njengalokhu uJona waba yisibonakaliso kwabaseNinive, iNdodana yomuntu izakuba njalo kulesisizukulwana.

ULukha 11:32

Amadoda aseNinive azasukuma ekuthonisisweni kanye lalesisizukulwana, asilahle; ngoba aphenduka ngokutshumayela kukaJona; khangelani, kukhona lapha okukhulu kuloJona.

UDutheronomi 18:22

Lapho umprofethi ekhuluma ebizweni leNkosi, kungenzeki leyonto akhulume ngayo, lingagcwaliseki ilizwi lakhe, lelolizwi belingakhulunywa yiNkosi; umprofethi uzikhulumele yena ngokuziqhenya; lingamesabi.