UJona 2:9 - iBhayibhili Elingcwele 1978

⁹ Kodwa mina ngizanikela umnikelo ngikudumise ngelizwi lokubonga, ngigcwalise izithembiso zami; ukukhulula kungokweNkosi.

IBhayibhili Elingcwele LesiNdebele

⁹ Kodwa mina, ngizakuthi ngihlabela ingoma yokubonga ngenze umhlatshelo kuwe. Engikufungileyo ngizakugcwalisa. Insindiso ivela kuThixo.”

UJona 2:9 ပူးပေါင်းရင်းမြစ်များ

UGenesisi 35:3

Asisuke sikhuphukele eBetheli, ngimenzele khona uNkulunkulu ialtare owangiphendula mhla ngihlupheka, waba lami endleleni engahamba kuyo.

2 USamuyeli 15:7

Kwathi emva kweminyaka emine uAbisalomu wathi kuDavida: Ake ngiyegcwalisa isifungo sami engasifunga eNkosini uNkulunkulu eHebroni.

UJobe 22:27

uzakhuleka kuye, akuzwe, ugcwalise izithembiso zakho.

AmaHubo 107:22

Kabanikele umnikelo wokubonga, bahlabelele izenzo zayo ngokuthaba.

AmaHubo 27:1

INkosi iyikukhanya kwami lokukhululwa kwami; ngizakwesaba bani na? INkosi iyinqaba yokuphila kwami; ngizakwesaba bani na?

AmaHubo 3:8

Ukukhulula kungokweNkosi. Isibusiso sakho kasibe phezu kwabantu bakho.

AmaHubo 50:14

Nikela kuNkulunkulu umnikelo wokubonga, ugcwalise izithembiso zakho koPhezukonke;

AmaHubo 50:23

Onikela umnikelo wokubonga uyangidumisa; oqaphela indlela yakhe ngizakumbonisa ukukhulula kwami.

AmaHubo 68:20

UNkulunkulu wethu unguNkulunkulu wokukhulula; uNkulunkulu iNkosi ungasisiza ekufeni.

AmaHubo 95:2

Kasize phambi kwayo ngokubonga, sihlabele kuyo amahubo.

U-Isaya 45:17

Kodwa uIsrayeli uzakhululwa yiNkosi ngokukhululwa okungapheliyo; kaliyikuyangeka, libe lenhloni, kuze kube nininini.

UJeremiya 33:11

ilizwi lokuthaba lelizwi lokuthokoza, ilizwi lomyeni lelomlobokazi, lelizwi labahlabelayo lapho beletha iminikelo yabo yokubonga ethempelini lami besithi: Bongani iNkosi yamabandla, ngoba ilungile, ngoba uthando lwayo olungapheliyo lumi kuze kube nininini. Ngoba ngizabuyisa abantu belizwe babe njengakuqala, kutsho iNkosi.

UHosiya 14:2

Lungisani amazwi enu, libuye eNkosini; lithi kiyo: Susa konke okubi kithi ukuba wamukele okuhle, sikudumise ngemilomo yethu.

UJohane 4:22

Lina likhonza elingakwaziyo, thina sikhonza esikwaziyo; ngoba ukusiliswa kuvela kubaJuda.

Imisebenzi 4:12

Kakukho ukusiliswa ngomunye, ngoba kalikho elinye ibizo ngaphansi kwezulu elinikiweyo ebantwini, esingasiliswa ngalo.

AbaseRoma 12:1

Ngakhoke, bazalwane, ngiyalincenga ukuba, ngesihawu sikaNkulunkulu, linikele imizimba yenu ibe ngumnikelo ophilileyo, ongcwele, owamukelekayo kuNkulunkulu, kube yikukhonza kwenu okuqotho.

UDutheronomi 23:18

Lingalethi amaholo ewule lemali yokuphinga kwamadoda endlini yeNkosi uNkulunkulu wenu ukuba ligcwalise isithembiso ngayo; ngoba lezizinto ziyisinengiso eNkosini uNkulunkulu wenu.

AmaHebheru 13:15

Ngakhoke asinikele njalonjalo kuNkulunkulu ngoJesu umhlatshelo wokubonga, okutsho isithelo sokubonga semilomo evuma ibizo lakhe;

Isambulo 7:10

limemeza ngelizwi elikhulu lisithi: Ukunqoba kungokukaNkulunkulu wethu ohlezi esihlalweni sobukhosi, lokweWundlu.

1 USamuyeli 12:21

Lingaphambuki ukuba lilandele izinto eziyize ezingabuyiseli lutho lezingasizi lutho, ngoba ziyize.