UJona 1:3 - iBhayibhili Elingcwele 1978

³ Kodwa uJona wasuka waya eTarshishi ukuba abalekele iNkosi. Wehlela eJopha, wafumana khona umkolo oya eTarshishi; wakhupha imali yokukhwela, wakhwela kuwo ukuba ahambe labaya eTarshishi, abaleke eNkosini.

IBhayibhili Elingcwele LesiNdebele

³ Kodwa uJona wabalekela uThixo waqonda eThashishi. Wehla waya eJopha, lapho afica khona umkhumbi owawusiya kuleyondawo. Eseyikhuphile imali yokugada, wangena umkhumbi waqonda eThashishi yena ebalekela uThixo.

UJona 1:3 ပူးပေါင်းရင်းမြစ်များ

UGenesisi 3:8

Basebesizwa iNkosi uNkulunkulu ihamba ensimini kusihlwa ekupholeni kwelanga; ngakho indoda lomkayo bayicatshela iNkosi uNkulunkulu phakathi kwezihlahla zensimu.

UGenesisi 4:16

UKayini wasesuka ebusweni beNkosi, wahlala elizweni laseNodi ngasempumalanga kwaseEdeni.

1 AmaKhosi 19:3

UElija wasesesaba, wasuka wabaleka, wafika eBerisheba elakoJuda, watshiya khona inceku yakhe.

1 AmaKhosi 19:9

Wangena obhalwini khona, walala kulo. Ilizwi leNkosi lafika kuye lathi: Wenzani lapha, Elija?

2 ImiLando 2:15

Inkosi yami kayithumele amabele lebhali lamafutha lewayini ezincekwini zayo ekuthembisileyo;

2 ImiLando 2:16

thina sizakukugamulela zonke izihlahla ozifunayo eLebanoni, sizenze iminyaba sizilethe kuwe ngolwandle eJopha ukuze uzise eJerusalema.

2 ImiLando 9:21

Inkosi yayilemikolo emikhulu yokuthwala impahla olwandle eyayisiya eTarshishi lezinceku zikaHuramu; limikolo yokuthwala impahla yayibuya kanye ngeminyaka emithathu ithwele igolide lesiliva lempondo zendlovu lezindwangu lezinkawu.

U-Ezra 3:7

Banika ababazi bamatshe lababazi bezigodo imali, banika abaseSidoni labaseTire ukudla lokunathwayo lamafutha ukuba balande imikusu eLebanoni bayilethe olwandle eJopha, ngemvumo kaKurosi inkosi yasePerisiya.

UJobe 1:12

INkosi yasisithi kuSathane: Khangela konke alakho kusemandleni akho; kodwa ungamthinti yena uqobo. Wasesukake uSathane phambi kweNkosi.

UJobe 2:7

USathane wasephuma phambi kweNkosi, wamehlisela uJobe izilonda ezibhibhidlayo, kusukela enyaweni kwaze kwafika ekhanda.

AmaHubo 107:23

Abanye bahamba olwandle ngemikolo, bethengiselana emanzini amakhulu;

U-Isaya 2:16

layo yonke imikolo emikhulu.

U-Isaya 23:1

Leli yilizwi ngeTire. Khalani, lina mikolo yaseTarshishi, ngoba iTire eliyindawo yakini lidilikile, lezindlu zalo letheku lalo kuchithekile. Lezwa lokhu endleleni livela elizweni laseKuprosi.

U-Isaya 23:10

Limani umhlabathi, lina bantu baseTarshishi, ngoba itheku kalisekho.

U-Isaya 23:6

Balekelani eTarshishi, likhale, lina abahlala ngasolwandle.

U-Isaya 60:9

Yimikolo ebuthana ivela emazweni angasolwandle, ikhokhelwa yimikolo emikhulu, ukuletha amadodana akho evela khatshana kanye lesiliva legolide lawo, ngenxa yebizo leNkosi uNkulunkulu wakho, langenxa yoNgcwele kaIsrayeli, ngoba ikunikile udumo.

UJeremiya 10:9

Isiliva esikhandiweyo sivela eTarshishi, legolide livela eOfiri. Ukwenza izithombe kungumsebenzi wesisebenzi lowezandla zomkhandi, zigqokiswe okuluhlaza lokuyibubende; konke kungumsebenzi wezingcitshi.

UHezekhiyeli 2:8

Kodwa wena ndoda, zwana engikutshoyo kuwe; ungabi ngohlamukayo njengalesisizwe esihlamukayo; vula umlomo wakho, udle engikunika khona.

UHezekhiyeli 27:12

ITarshishi lathengiselana lawe ngenxa yobunengi benotho yakho yenhlobo zonke, benana impahla yakho ngesiliva langensimbi langomnuso.

UHezekhiyeli 3:14

Umoya wasengiphakamisa, wangisusa; ngahamba ngifutheka emoyeni wami, isandla seNkosi sinzima phezu kwami.

UJona 1:10

Basebesethuka kakhulu labobantu, bathi: Wenzeni na? Ngoba basebesazi ukuba ubalekile eNkosini lokhu wayesebatshelile.

UJona 4:2

Wakhuleka eNkosini wathi: Ngiyakuncenga, Nkosi, kayisikho lokhu engakutshoyo ngiseselizweni lakithi na? Yikho lokhu ngaphangisa ukubalekela eTarshishi; ngoba ngangisazi ukuthi wena unguNkulunkulu olomusa lolesihawu, ophuza ukuthukuthela, ogcwele uthando olungapheliyo, ozisola ngokubi.

ULukha 9:62

Kodwa uJesu wathi kuye: Kakho othi esebeke isandla sakhe ekhubeni, akhangele emuva, ofanele umbuso kaNkulunkulu.

Imisebenzi 15:38

Kodwa uPawuli wathi kakufanele ukuba bahambe laye owabatshiya ePamfiliya, kaze aya labo emsebenzini.

Imisebenzi 26:19

Ngakhoke, nkosi Agripha, kangalanga ukulalela umbono wasezulwini,

Imisebenzi 9:36

Kwakukhona eJopha umfundikazi othiwa nguTabitha okuyikuthi uDorkasi; wayelemisebenzi emihle lokusiza abayanga.

Imisebenzi 9:38

Njengoba iLida laliseduze leJopha, abafundi sebezwile ukuthi uPetro ukhona lapho, bathumela amadoda amabili kuye bemncenga besithi: Ake uze kithi ungaphuzi.

Imisebenzi 9:42

Kwezwakala kulo lonke iJopha; abanengi bakholwa eNkosini.

Imisebenzi 9:43

Wahlala eJopha insuku ezinengi loSimoni umkhuhli.

1 AbaseKhorinte 9:16

Loba ngitshumayela ivangeli, kangilakuzincoma ngalokho, ngoba ngimele ukwenza njalo. Maye kimi uba ngingalitshumayeli ivangeli!

2 AbaseThesalonika 1:9

Bazakulahlwa ngokubhujiswa okungapheliyo, basuswe phambi kwakhe laphambi kwenkazimulo yamandla akhe,

UJoshuwa 19:46

leMejarkoni leRakoni lelizwe eliqondene leJopha.