UJona 1:2 - iBhayibhili Elingcwele 1978

² lathi: Suka uye eNineve kulowana umuzi omkhulu, umemezele kuwo ukuthi ububi babantu bawo bufinyelele kimi.

IBhayibhili Elingcwele LesiNdebele

² “Hamba uye edolobheni elikhulu laseNiniva utshumayele ngokulisola kakhulu, ngoba ububi balo sebufinyelele kimi.”

UJona 1:2 ပူးပေါင်းရင်းမြစ်များ

UGenesisi 10:11

Waphuma kulelolizwe waya eAsiriya, wakha iNinive leRehobothi leKala,

2 AmaKhosi 19:36

USenakeribi inkosi yaseAsiriya wasesuka ebuyela ekhaya, wahlala eNineve.

2 ImiLando 28:9

Kwakukhona lapho umprofethi weNkosi uOdedi; waphuma ukuyihlangabeza impi eyayisiza eSamariya, wathi kiyo: Ngoba iNkosi uNkulunkulu wabokhokho benu ibibathukuthelele abakoJuda, ibanikele ezandleni zenu; lina libabulele ngolunya olufinyelele ezulwini.

U-Ezra 9:6

ngathi: Wena Nkulunkulu wami, ngilenhloni, ngiyesaba ukukukhangela, Nkulunkulu wami, ngoba ububi bethu buphakeme ngaphezu kwamakhanda ethu lesono sethu sifinyelele ezulwini.

U-Isaya 37:37

USenakeribi inkosi yaseAsiriya wasesuka ebuyela ekhaya, wahlala eNineve.

U-Isaya 58:1

INkosi ithi: Memeza ngelizwi elikhulu, ungathuli, uphakamise ilizwi lakho njengelophondo, utshele abantu bami iziphambeko zabo, lendlu kaJakobe izono zayo.

UJeremiya 20:9

Uba ngisithi: Kangisayikuyiphatha, kangisayikukhuluma ngebizo layo; kuba khona enhliziyweni yami lokho okungathi ngumlilo ovuthayo, ovalelwe emathanjeni ami; sengikhathele ukubekezela, sengehlulekile.

UHezekhiyeli 2:7

Uzakhuluma amazwi ami kibo, loba besizwa loba bengezwa; ngoba bayisizwe esihlamukayo.

UHosiya 7:2

Kabananzi ukuba ngiyakhumbula yonke imisebenzi yabo emibi. Khathesi izenzo zabo zibahanqile, zikhona phambi kwami.

UJona 3:2

Suka uye eNineve kulowana umuzi omkhulu, umemezele kulo ilizwi engikutshela lona.

UJona 3:3

Ngakho uJona wasuka waya eNineve njengokutsho kwelizwi leNkosi. INineve lalingumuzi omkhulu kakhulu ohanjwa insuku ezintathu.

UJona 4:11

Minake kangifanelanga yini ukuba lesihawu ngeNineve lowana umuzi omkhulu, okukuwo abantwana abadlula izinkulungwane ezilikhulu lamatshumi amabili abangakwaziyo ukwahlukanisa isandla sokunene esandleni sokhohlo, futhi kukhona inkomo ezinengi na?

UMikha 3:8

Kodwa mina nginikwe amandla, lokulunga lesibindi, ukuba ngimtshele uJakobe iziphambeko zakhe loIsrayeli isono sakhe.

UNahume 1:1

Leli yilizwi ngeNineve. Le yincwadi yombono kaNahume waseElikoshi.

UNahume 3:19

Kakukho okukupholisa ukulimala kwakho, inxeba lakho libi; bonke abezwa umbiko ngawe batshaya izandla. Ngoba ngubani obungafinyelelanga kuye ububi bakho na?

UMatewu 10:18

Lizakuholelwa phambi kwababusi lamakhosi ngenxa yami, kube yibufakazi kibo lakwabezizwe.

UMatewu 12:41

Amadoda aseNinive azakuma ekuthonisisweni kanye lalesisizukulwana, asilahle; ngoba wona aphenduka ngokutshumayela kukaJona; khangelani, kukhona lapha okukhulu kuloJona.

UJakhobe 5:4

Khangelani, umvuzo wezisebenzi ezivune amasimu enu elizincitshe wona, uyakhala; lokukhala kwabavuni kufinyelele ezindlebeni zeNkosi yamabandla.

Isambulo 18:5

ngoba izono zalo zifinyelele ezulwini, loNkulunkulu ukhumbule ukungalungi kwalo.