UJohane 8:2 - iBhayibhili Elingcwele 1978

² Ekuseni kakhulu wabuya weza ethempelini; bonke abantu beza kuye; wahlala phansi, wabafundisa.

IBhayibhili Elingcwele LesiNdebele

² Kwathi kusisa wabonakala njalo emagumeni ethempeli, abantu bonke babuthana kuye, wahlala phansi wabafundisa.

UJohane 8:2 ပူးပေါင်းရင်းမြစ်များ

UmTshumayeli 9:10

Lokho okwenzayo ukwenze kuhle, ngoba kawukho umsebenzi lomcabango lolwazi lokuhlakanipha endaweni yabafileyo lapho uya khona.

UJeremiya 25:3

Sekuyiminyaka engamatshumi amabili lantathu, kusukela emnyakeni wetshumi lantathu wokubusa kukaJosiya indodana kaAmoni, inkosi yakoJuda, kuze kube lamuhla, ilizwi leNkosi lifikile kimi, ngalikhuluma kini njalonjalo, kodwa kalilalelanga.

UJeremiya 32:33

Bangifulathela, kabakhangelanga kimi; lanxa ngibafundise njalonjalo, kabalalelanga ukufundisa kwami.

UJeremiya 44:4

Kanti ngathuma inceku zami zonke abaprofethi, ngazithuma njalonjalo, ngisithi: Lingayenzi linto enengisayo lengiyizondayo.

UMatewu 26:55

Ngalesosikhathi uJesu wathi emaxukwini: Liphume lemihedla lezinduku ukuzangibamba kungathi ngingumphangi na? Bengihlezi insuku ngensuku ethempelini ngifundisa, kodwa kalingibambanga.

ULukha 21:37

Wayefundisa ethempelini emini, kodwa kusihlwa wayephuma ayelala entabeni ethiwa iOliveti.

ULukha 21:38

Ekuseni abantu bonke babesiza kuye ethempelini ukumuzwa.

ULukha 4:20

Walugoqa ugwalo, walubuyisela encekwini, wahlala phansi; amehlo abo bonke ababesesinagogeni amjolozela.

ULukha 5:3

Esengenile komunye wemikolo ongokaSimoni wamcela ukuba asuke kancinyane emhlabathini. Wahlala phansi, wafundisa abantu esemkolweni.

UJohane 4:34

UJesu wathi kibo: Ukudla kwami kuyikwenza intando yongithumileyo, lokuqeda umsebenzi wakhe.

UJohane 8:20

Wakhuluma lamazwi engasesitsheni somnikelo efundisa ethempelini; kakho owambambayo, ngoba isikhathi sakhe sasingakafiki.

UJohane 8:3

Ababhali labaFarisi baletha owesifazana owayebanjwe ephinga; bammisa phakathi kwabo,

Imisebenzi 5:21

Kwathi sebezwile lokhu, bangena ethempelini emadabukakusa, bafundisa. Kwasekufika umpristi omkhulu lalabo ababelaye, babizela ndawonye umphakathi wabo bonke abadala bakoIsrayeli, bathumela entolongweni ukuba balethwe.