UJohane 5:4 - iBhayibhili Elingcwele 1978

⁴ Ngoba isithunywa seNkosi sasisehlela echibini ngezikhathi ezithile, sizamazamise amanzi, kuthi lowo ongene kuqala emva kokuzanyazanyiswa kwamanzi asiliswe esifweni sakhe, loba elesifo sini.]

IBhayibhili Elingcwele LesiNdebele

⁴ ngoba kwakusithi ngezikhathi ezithile ingilosi yeNkosi yayisehlela echibini, idungadunge amanzi besekusithi umuntu oqalayo ukungena emanzini ngemva kokudungeka kwawo asiliswe loba kuwuphi umkhuhlane owawumbambile].

UJohane 5:4 ပူးပေါင်းရင်းမြစ်များ

2 AmaKhosi 5:10

UElisha wathumela isithunywa kuye wathi: Hamba uyegeza eJordani kuze kube kasikhombisa, inyama yakho izahluma, lawe uhlambuluke.

AmaHubo 119:60

Ngiyaphangisa, kangilibali ukugcina imithetho yakho.

Izaga 6:4

ungaphumuli, ungalali ubuthongo;

Izaga 8:17

Ngiyathanda labo abangithandayo, lalabo abangidingisisayo bayangifumana.

UmTshumayeli 9:10

Lokho okwenzayo ukwenze kuhle, ngoba kawukho umsebenzi lomcabango lolwazi lokuhlakanipha endaweni yabafileyo lapho uya khona.

UHezekhiyeli 47:8

Wasesithi kimi: Lamanzi agelezela endaweni ezingasempumalanga, aze ehlele eAraba; nxa esengena emanzini emiyo olwandle, azakuba matsha.

UHosiya 13:13

Umhelo uyamfikela, kodwa unjengomntwana oyisiphukuphuku, othi isikhathi sakhe sesifikile, kodwa kaphumi esiswini.

UZakhariya 13:1

Ngalolosuku umthombo uzavulelwa indlu kaDavida labakhileyo eJerusalema ukuba bahlanjululwe ezonweni lasek ungcoleni.

UZakhariya 14:8

Ngalolosuku amanzi agobhozayo azaphuma eJerusalema, ingxenye yawo igelezele olwandle lwasempumalanga, lengxenye yawo igelezele olwandle lwasentshonalanga, igeleza ehlobo lasebusika.

UMatewu 11:12

Kusukela ensukwini zikaJohane uMbhaphathizi kuze kube khathesi umbuso wezulu uyafohlelwa, labawufohlelayo bayawuphanga.

UMatewu 6:33

Kodwa funani kuqala umbuso wakhe lokulunga kwakhe; ng’khona lezizinto zonke zizakwengezelelwa kini.

ULukha 13:24

Zamani ukungena ngomnyango omncinyane; ngoba ngithi kini: Abanengi bazakufuna ukungena, behluleke.

ULukha 16:16

Umlayo labaprofethi kwakukhona kwaze kwafika uJohane; kusukela kulesosikhathi ivangeli lombuso kaNkulunkulu liyatshunyayelwa; wonke umuntu uyafohlela kuwo.

UJohane 5:3

Kwakulele kiwo abagulayo abanengi, iziphofu, iziqhuli, labatshwabheneyo. [

UJohane 5:5

Kwakukhona lapho umuntu owayesegule iminyaka engamatshumi amathathu lesificaminwembili.

UJohane 5:7

Ogulayo wamphendula wathi: Nkosi, kangilamuntu wokungifaka echibini nxa amanzi ezanyazanyiswa; kuthi nxa ngiyayo, kwehle omunye phambi kwami.

1 AbaseKhorinte 6:11

Babenjalo abanye benu; kodwa selageziswa, lahlukaniselwa kuNkulunkulu, lalungisiswa ngebizo leNkosi uJesu Kristu langoMoya kaNkulunkulu wethu.

1 UJohane 1:7

kodwa uba sihamba ekukhanyeni njengalokhu yena esekukhanyeni, silokuhlanganyela omunye lomunye, legazi likaJesu iNdodana yakhe liyasihlambulula ezonweni zonke.