UJohane 17:3 - iBhayibhili Elingcwele 1978

³ Ukuphila okungapheliyo yilokhu ukuba bakwazi wena Nkulunkulu wedwa ongoweqiniso, loJesu Kristu omthumileyo.

IBhayibhili Elingcwele LesiNdebele

³ Manje-ke yilokhu ukuphila okungapheliyo: ukuthi bakwazi wena, onguwe wedwa uNkulunkulu weqiniso, loJesu Khristu omthumileyo.

UJohane 17:3 ပူးပေါင်းရင်းမြစ်များ

1 ImiLando 28:9

Wenake, Solomoni mntanami, ubomazi uNkulunkulu kaIsrayeli, umkhonze ngenhliziyo yonke langengqondo evumayo; ngoba iNkosi iyazihlola zonke inhliziyo, iyawazi amacebo wonke lemicabango yonke. Uba wena uyidinga, izakuziveza kuwe; kodwa uba uyitshiya, izakukulahla kokuphela.

2 ImiLando 15:3

Isikhathi eside abakoIsrayeli babengelaye uNkulunkulu weqiniso, bengelaye umpristi wokubafundisa, bengelawo umlayo.

AmaHubo 9:10

Abalaziyo ibizo lakho bazakuthemba kuwe, ngoba wena Nkosi, kawubatshiyanga abakudingayo.

Izaga 8:35

Ngoba ofumanayo mina, ufumana lokuphila, azuze umusa eNkosini,

U-Isaya 48:16

Sondelani kimi, lizwe lokhu; kusukela ekuqaleni ngakhuluma obala, kusukela ekuqaliseni kwezinto lezi ngangikhona. — Khathesike iNkosi, uNkulunkulu kanye lomoya wayo ingithumile —

U-Isaya 53:11

Lapho ukuhlupheka kwayo sekuphelile, izakubona ukukhanya, yaneliswe; ngokwazi kwayo inceku yami elungileyo izalungisisa abanengi, ithwale izono zabo.

U-Isaya 61:1

Umoya weNkosi uNkulunkulu uphezu kwami, ngoba iNkosi ingigcobile ukuba ngitshumayele indaba ezinhle kubayanga, ingithumile ukusilisa abalenhliziyo ezidabukileyo, ngimemezele ukukhululwa kwabathunjiweyo, lokuvulelwa kwezibotshwa entolongweni;

UJeremiya 10:10

Kanti iNkosi inguNkulunkulu weqiniso, inguNkulunkulu ophilayo leNkosi engelakuphela. Ekuthukutheleni kwayo umhlaba uyazamazama, lezizwe kazilakukumela ukufutheka kwayo.

UHosiya 6:3

Asiyazi, asiphikelele ukuyazi iNkosi, ukufika kwayo kuqinisekile njengokusa; izafika kithi njengemikhizo, njengezulu elinetha umhlaba.

UMakho 9:37

Lowo owamukela omunye wabantwana abanje ebizweni lami wamukela mina; lalowo owamukela mina kamukeli mina kodwa wamukela yena ongithumileyo.

ULukha 9:48

Wathi kubo: Ilowo lalowo owamukela lumntwana ngebizo lami wamukela mina; owamukela mina wamukela ongithumileyo; ngoba omncinyane kini lonke nguye omkhulu.

UJohane 10:36

lithi kuye uBaba amahlukanisileyo, wamthumela emhlabeni, uyahlambaza, ngoba ngithe: NgiyiNdodana kaNkulunkulu na?

UJohane 11:42

Mina bengisazi ukuthi uyangizwa njalo, kodwa ngenxa yexuku elingiphahlileyo ngitshilo lokhu, ukuze bakholwe ukuthi ungithumile wena.

UJohane 14:26

Kodwa uMsizi, uMoya oNgcwele, azakumthumela uBaba ebizweni lami, yena uzakulifundisa zonke izinto, alikhumbuze konke engakutshoyo kini.

UJohane 17:18

Njengalokhu wangithumela emhlabeni, lami ngibathumela emhlabeni.

UJohane 17:21

ukuba bonke babe munye, njengalokhu wena Baba ukimi, lami ngikuwe, ukuba labo babe kithi, ukuze umhlaba ukholwe ukuthi ungithumile wena.

UJohane 17:23

Mina ngikibo, lawe ukimi, ukuze bapheleliswe babe munye, ukuba umhlaba wazi ukuthi nguwe ongithumileyo, lokuthi ubathandile bona, njengalokhu ungithandile mina.

UJohane 17:25

Baba olungileyo, umhlaba kawukwazanga, kodwa mina ngikwazile, lalaba bayazi ukuba ungithumile wena.

UJohane 17:8

Ngoba amazwi onginike wona ngibanikile wona, bawamukela, bayazi isibili ukuthi ngivela kuwe, bakholiwe ukuthi ungithumile wena.

UJohane 3:17

Ngoba uNkulunkulu kayithumelanga iNdodana emhlabeni ukuba iwulahle umhlaba, kodwa ukuba umhlaba usiliswe ngayo.

UJohane 3:34

Ngoba lowo uNkulunkulu amthumileyo ukhuluma amazwi kaNkulunkulu; ngoba kaniki uMoya ngesilinganiso.

UJohane 5:44

Lingakholwa kanjani nxa lisadumisana lodwa, lingalufuni udumo oluvela kuNkulunkulu oyedwa na?

UJohane 6:57

Njengalokhu uBaba ophilayo ungithumile, lami ngiphila ngoBaba, ngakho ongidlayo laye uzakuphila ngami.

UJohane 7:29

Ngiyamazi mina, ngoba ngivela kuye, nguye ongithumileyo.

UJohane 8:19

Ngakhoke bathi kuye: Ungaphi uYihlo na? UJesu waphendula wathi: Kalingazi mina; loBaba kalimazi. Uba belingazi mina belizakumazi loBaba laye.

1 AbaseKhorinte 15:34

Phaphamani ngokufaneleyo, lingoni futhi; ngoba abanye kabamazi uNkulunkulu; ngitsho lokhu ukuba libe lenhloni.

1 AbaseKhorinte 8:4

Ngakhoke mayelana lokudla okuhlatshelwe izithombe, siyazi ukuthi kasikho isithombe emhlabeni lokuthi kakho omunye unkulunkulu, munye kuphela.

2 AbaseKhorinte 4:6

Ngoba uNkulunkulu owathi: Kakuvele ukukhanya emnyameni, kukhanye; wenzile ukuba lokhukukhanya kukhanye phakathi kwethu, kusinike ukukhanya kokwambulwa, ukwambulwa kwenkazimulo kaNkulunkulu kuJesu Kristu.

AbaseFiliphi 3:10

ukuze ngimazi yena, lamandla okuvuka kwakhe, ngihlanganyele enhluphekweni zakhe, ngimfuze ekufeni kwakhe,

AbaseFiliphi 3:8

Yebo impela, konke ngikutshaye ize ngenxa yobukhulu bokumazi uKristu Jesu iNkosi yami. Ngilahlekelwe yikho konke ngenxa yakhe, ngikutshaya imfucuza, ukuze ngizuze uKristu,

1 AbaseThesalonika 1:9

Ngoba bona uqobo lwabo balandisa ngathi ukuthi kwaba njani ukufika kwethu kini, lokuthi laphendukela kuNkulunkulu litshiya izithombe, ukuba likhonze uNkulunkulu ophilayo weqiniso,

2 AbaseThesalonika 1:8

Uzaphindisela kwabangamaziyo uNkulunkulu lakwabangalaleli ivangeli leNkosi yethu uJesu.

AmaHebheru 3:1

Ngakhoke, bazalwane abangcwele, abahlanganyela ekubizweni kwasezulwini, qaphelani uJesu umphostoli lompristi omkhulu wesivumo sethu,

2 UPhethro 1:2

Kakwandiswe kini umusa lokuthula ngokumazi uNkulunkulu loJesu iNkosi yethu.

2 UPhethro 1:3

Amandla akhe asinikile konke okumayelana lokuphila lokukhonza uNkulunkulu, ngokumazi yena owasibizela ebukhosini lebuhleni bakhe,

2 UPhethro 1:8

Ngoba uba lezizinto zikhona kini zisanda, ziyalenza ukuba lingabi ngabavilaphayo labangelazithelo ekwazini iNkosi yethu uJesu Kristu.

1 UJohane 1:2

Lokhokuphila kwabonakaliswa; sakubona, siyaqinisa silitshumayeza lokhukuphila okungapheliyo okwakukhona kuBaba, kwabonakaliswa kithi.

1 UJohane 1:3

Lokho esikubonileyo sakuzwa, silitshumayeza khona lani, ukuze lani libe lokuhlanganyela lathi; thina silokuhlanganyela loBaba kanye leNdodana yakhe uJesu Kristu.

1 UJohane 2:23

Ophika iNdodana kalaye uBaba; ovuma iNdodana uloBaba.

1 UJohane 4:6

Kodwa thina singabakaNkulunkulu; omaziyo uNkulunkulu uyasizwa; ongesuye kaNkulunkulu kasizwa. Ngalokhu siyamazi umoya weqiniso lomoya wokuduha.

1 UJohane 5:20

Siyazi ukuthi iNdodana kaNkulunkulu isifikile, yasinika ukuqedisisa ukuze simazi oweqiniso; sikuye oweqiniso lokhu sikiyo iNdodana yakhe uJesu Kristu. Yena unguNkulunkulu weqiniso lokuphila okungapheliyo.