UJohane 16:3 - iBhayibhili Elingcwele 1978

³ Bazakwenza lokhu ngoba bengamazanga uBaba lami;

IBhayibhili Elingcwele LesiNdebele

³ Bazakwenza lokhu ngoba kabamazanga uBaba loba mina.

UJohane 16:3 ပူးပေါင်းရင်းမြစ်များ

ULukha 10:22

Konke ngikunikelwe nguBaba; kakho owaziyo ukuthi iNdodana ingubani, kuphela uYise, lokuthi uYise ungubani, kuphela iNdodana, lalowo iNdodana ethanda ukumambulela yena.

UJohane 15:21

Kodwa bazakukwenza konke lokhu ngenxa yebizo lami, ngoba bengamazi ongithumileyo.

UJohane 15:23

Ongizondayo uzonda loBaba.

UJohane 17:25

Baba olungileyo, umhlaba kawukwazanga, kodwa mina ngikwazile, lalaba bayazi ukuba ungithumile wena.

UJohane 17:3

Ukuphila okungapheliyo yilokhu ukuba bakwazi wena Nkulunkulu wedwa ongoweqiniso, loJesu Kristu omthumileyo.

UJohane 8:19

Ngakhoke bathi kuye: Ungaphi uYihlo na? UJesu waphendula wathi: Kalingazi mina; loBaba kalimazi. Uba belingazi mina belizakumazi loBaba laye.

UJohane 8:55

Kodwa kalimazanga; mina ngiyamazi. Uba ngisithi kangimazi, ngizakuba ngumqambi wamanga njengani. Kodwa mina ngiyamazi, ngiyaligcina ilizwi lakhe.

Imisebenzi 3:17

Kodwa, bazalwane, ngiyazi ukuba lakwenza lokhu ngokungazi njengababusi benu.

1 AbaseKhorinte 2:8

Kakho loyedwa owababusi balesisikhathi okwaziyo lokhukuhlakanipha; ngoba uba babekwazile, babengayikuyibethela iNkosi yenkazimulo.

2 AbaseThesalonika 1:8

Uzaphindisela kwabangamaziyo uNkulunkulu lakwabangalaleli ivangeli leNkosi yethu uJesu.

1 uTimothi 1:13

loba ngangikade ngingomhlambazayo, lomzingelayo, lomthukayo. Kodwa ngahawukelwa ngoba ngangikwenza ngokungazi, ngokungakholwa;

1 UJohane 2:23

Ophika iNdodana kalaye uBaba; ovuma iNdodana uloBaba.

1 UJohane 3:1

Khangelani uthando olungaka asinika lona uBaba lokuba kuthiwe singabantwana bakaNkulunkulu; lempela siyibo. Ngenxa yalokho umhlaba kawusazi, ngoba ungamazanga yena.

1 UJohane 4:8

Ongathandiyo kamazi uNkulunkulu, ngoba uNkulunkulu uluthando.

1 UJohane 5:20

Siyazi ukuthi iNdodana kaNkulunkulu isifikile, yasinika ukuqedisisa ukuze simazi oweqiniso; sikuye oweqiniso lokhu sikiyo iNdodana yakhe uJesu Kristu. Yena unguNkulunkulu weqiniso lokuphila okungapheliyo.