UJobe 5:19 - iBhayibhili Elingcwele 1978

¹⁹ Uzakukukhulula enhluphekweni eziyisithupha, lakweziyisikhombisa kawuyikuthintwa yibubi.

IBhayibhili Elingcwele LesiNdebele

¹⁹ Uzakuhlenga ezinhluphekweni eziyisithupha; kweziyisikhombisa kawuyikuwelwa yingozi.

UJobe 5:19 ပူးပေါင်းရင်းမြစ်များ

AmaHubo 34:19

Zinengi inhlupheko zolungileyo, kodwa iNkosi iyamkhulula kuzo zonke.

AmaHubo 34:20

Iyawalondoloza wonke amathambo akhe, kakwaphuki lelilodwa kuwo.

AmaHubo 66:12

wavumela abantu ukukhwela phezu kwamakhanda ethu; sadabula phakathi komlilo lamanzi, kodwa wasiletha endaweni ebanzi.

AmaHubo 91:15

Lapho ekhuleka kimi, ngizakumphendula; ngizakuba laye ekuhluphekeni, ngimkhulule, ngimnike udumo.

Izaga 24:16

lanxa olungileyo esiwa ngokuphindwe kasikhombisa, uyavuka futhi; kodwa ababi bawiselwa phansi yikuhlupheka.

Izaga 6:16

Kukhona izinto ezithile ezizondwa yiNkosi, yebo, izinto eziyisikhombisa eziyizinengiso kuyo;

U-Isaya 43:2

Lapho udabula emanzini ngizakuba lawe; lalapho udabula emifuleni, kayiyikukukhukhula; lalapho uhamba emlilweni, kawuyikutsha, lelangabi kaliyikukutshisa.

UJeremiya 39:17

Kodwa wena ngizakukukhulula ngalolosuku, kutsho iNkosi, kawuyikunikelwa ezandleni zabantu obesabayo;

UDanyeli 3:17

Uba kunjalo, uNkulunkulu wethu esimkhonzayo ulamandla okusikhulula esithandweni somlilo ovuthayo; yena uzasikhulula esandleni sakho, wena nkosi.

UDanyeli 3:25

Yaphendula yathi: Kodwa ngibona amadoda amane akhululekileyo ezihambela phakathi komlilo, kawalimalanga; leyesine ifanana lendodana yabonkulunkulu.

UDanyeli 6:16

Inkosi yasilaya ukuba uDaniyeli alethwe, aphoselwe emgodini wezilwane. Yathi kuDaniyeli: Kungathi uNkulunkulu wakho omkhonzayo njalonjalo angakukhulula!

UDanyeli 6:17

Kwasekulethwa ilitshe, labekwa emlonyeni womgodi, lenkosi yalinameka ngophawu lwayo langophawu lwezikhulu zayo ukuba isiqumo mayelana loDaniyeli singaguqulwa.

1 AbaseKhorinte 10:13

Kalifikelwanga yikulingwa okungejwayelekanga ebantwini. UNkulunkulu uthembekile, kayikuvuma ukuba lilingwe ngokungaphezu kwamandla enu; kodwa nxa ukulingwa kufika, uzakulinika indlela yokuphepha, ukuze libe lamandla okukuthwala.

2 AbaseKhorinte 1:8

Sithanda ukuba lazi, bazalwane, ngokuhlupheka kwethu okwasehlela eAsiya, ngoba sasindwa kakhulu ngokungaphezu kwamandla ethu, saze saphelelwa lithemba lokusila.

2 UPhethro 2:9

Ngakhoke iNkosi iyakwazi ukubophula ekulingweni labo abamkhonzayo uNkulunkulu, lokubagcina ababi ekutshayweni kuze kube lusuku lokuthonisiswa,