UJobe 42:8 - iBhayibhili Elingcwele 1978

⁸ Ngakhoke thatha inkunzi eziyisikhombisa lenqama eziyisikhombisa, uye encekwini yami uJobe, linikele ngazo zibe ngumnikelo wokutshiswa; inceku yami uJobe izalikhulekela, ngoba ngizakuzwa umkhuleko wakhe ngingenzi kini njengobuthutha benu; ngoba kalikhulumanga ngami okuqondileyo njengenceku yami uJobe.

IBhayibhili Elingcwele LesiNdebele

⁸ Ngakho manje thathani inkunzi eziyisikhombisa lenqama eziyisikhombisa liye encekwini yami uJobe liyekwenza umnikelo wenu wokutshiswa. Inceku yami uJobe izalikhulekela, mina ngizawamukela umkhuleko wayo ngingaze ngalijezisa okufanele ubuthutha benu. Kalikhulumanga ngami okulungileyo njengenceku yami uJobe.”

UJobe 42:8 ပူးပေါင်းရင်းမြစ်များ

UGenesisi 20:17

UAbrahama wasekhuleka kuNkulunkulu; uNkulunkulu wamsilisa uAbimeleki kanye lomkakhe lencekukazi zakhe, bazala.

UGenesisi 20:7

Ngakho buyisela umfazi endodeni yakhe, ngoba ingumprofethi; izakukukhulekela ukuze uphile; kodwa uba ungambuyiseli, yazi ukuthi impela uzakufa wena labo bonke abangabakho.

1 ImiLando 15:26

Ngoba uNkulunkulu ewasiza amaLevi ayewuthwele umtshokotsho wesivumelwano seNkosi banikela umhlatshelo wenkunzi eziyisikhombisa lenqama eziyisikhombisa.

2 ImiLando 29:21

Baletha inkunzi eziyisikhombisa lenqama eziyisikhombisa lamawundlu ayisikhombisa lempongo eziyisikhombisa, kwaba ngumnikelo wesono sombuso lesendlu engcwele lesakoJuda. Waselaya abapristi, amadodana kaAroni, ukunikela ngakho phezu kwealtare leNkosi.

UJobe 1:5

Kwakuthi lapho seziphelile insuku zedili, uJobe ababize, abahlambulule, avuke ekuseni kakhulu, anikele umnikelo wokutshiswa olingana lobunengi bamadodana akhe, ngoba wathi: Mhlawumbe amadodana ami onile, amthuka uNkulunkulu enhliziyweni zawo. Wenza njalo uJobe insuku ngensuku.

UJobe 1:8

INkosi yasisithi kuSathane: Uyiqaphele yini inceku yami uJobe ngoba kakho onjengaye emhlabeni ongelasici loqotho, owesaba uNkulunkulu loxwaya okubi na?

UJobe 22:30

Uzamkhulula umuntu ongelasici; wena uzakhululwa ngobumhlophe bezandla zakho.

UJobe 35:8

Ububi bakho buqondana lomuntu onjengawe, lokulunga kwakho kuthinta umuntu nje.

UJobe 42:9

Ngakho uElifazi waseTemani loBilidadi waseShuhi loZofari waseNama, basuka benza njengokutsho kweNkosi; leNkosi yawuzwa umkhuleko kaJobe.

AmaHubo 103:10

Kayisiphathi njengokufanele izono zethu, kayisiniki lowomvuzo ofanele ukungalungi kwethu.

U-Eksodasi 18:12

UJetro uyisezala kaMose wanikela kuNkulunkulu umnikelo wokutshiswa lemihlatshelo; kweza uAroni labo bonke abalisa bakoIsrayeli, badla loyisezala kaMose phambi kukaNkulunkulu.

U-Isaya 60:14

Amadodana abakucindezelayo azakuza kuwe ukukukhonza, labo bonke abakudelelayo bakhothamele ngasenyaweni zakho, bakubize ngokuthi unguMuzi weNkosi, iZiyone loNgcwele kaIsrayeli.

UJeremiya 14:11

INkosi yathi kimi: Ungakhulekeli lababantu ukuba baphiwe okuhle.

UJeremiya 15:1

INkosi yasisithi kimi: Loba bekumi phambi kwami oMose loSamuweli, inhliziyo yami yayingeke iphendukele kulababantu. Basuse phambi kwami, bahambe!

UHezekhiyeli 14:14

Loba lamadoda amathathu ebehlala khona, uNowa loDaneli loJobe, abezakuzikhulula wona kuphela ngokulunga kwawo, kutsho iNkosi uNkulunkulu.

UHezekhiyeli 45:23

Ngensuku eziyisikhombisa zomkhosi sizanika iNkosi inkunzi eziyisikhombisa lenqama eziyisikhombisa ezingelasici zibe ngumnikelo wokutshiswa kuzo zonke insuku eziyisikhombisa, lentondolo insuku zonke ibe ngumnikelo wesono.

AmaNani 23:1

UBalami wathi kuBalaki: Ngakhela lapha ama‐altare ayisikhombisa, ungilungisele inkunzi eziyisikhombisa lenqama eziyisikhombisa.

AmaNani 23:14

Wamusa eNsimini yabalindi, engqongeni iPisiga; wakha amaaltare ayisikhombisa, wanikela ngenkunzi lenqama phezu kwalelo lalelo ialtare.

AmaNani 23:29

UBalami wathi kuBalaki: Ngakhela lapha ama‐altare ayisikhombisa, ungilungisele inkunzi eziyisikhombisa lenqama eziyisikhombisa.

UMatewu 3:17

Khangela, kwezwakala ilizwi livela ezulwini, lisithi: Lo uyiNdodana yami ethandekayo, ngithokozile ngayo.

Abase-Efesu 1:6

ukuze adunyiswe ngomusa wakhe omangalisayo asiphe wona ngesihle ngaye oThandiweyo.

2 uTimothi 4:14

UAleksandro umkhandi wethusi wangenzela okubi okunengi; iNkosi izakumbuyisela ngokwemisebenzi yakhe.

AmaHebheru 10:4

ngoba kakulakwenzeka ukuba igazi lezinkunzi lelezimbuzi lisuse izono.

AmaHebheru 7:25

Ngakhoke ulamandla okusilisa ngokupheleleyo abeza kuNkulunkulu ngaye, lokhu ephilela ukubanxusela.

UJakhobe 5:14

Kukhona ogulayo phakathi kwenu na? Kabize abadala bebandla bamkhulekele, bamgcobe ngamafutha ebizweni leNkosi.

UJakhobe 5:16

Ngakhoke vumani izono zenu omunye komunye, likhulekelane ukuze lisiliswe. Umkhuleko womuntu olungileyo ulamandla kakhulu.

1 UJohane 5:16

Uba umuntu ebona umzalwane wakhe esenza isono esingesiso sokufa, kamkhulekele kuNkulunkulu; uzakumnika ukuphila, ngitsho labo abangenzanga isono sokufa. Sikhona isono sokufa, kangitsho ukuba kukhulekelwe leso;

1 UJohane 5:6

Nguye lo oweza ngamanzi langegazi, uJesu Kristu; kezanga ngamanzi kuphela, kodwa weza ngamanzi langegazi.

Isambulo 3:9

Khangela, ngizakwenza labo abesinagoge likaSathane, abathi bangabaJuda kodwa beqamba amanga, beze baguqe ngasezinyaweni zakho; bazakwazi ukuthi lingabantu bami abathandekayo.

1 USamuyeli 25:35

UDavida wasesamukela kuye lokho amlethele khona. Wathi kuye: Hamba kuhle endlini yakho; ngililalele ilizwi lakho, ngasivuma lesicelo sakho.