UJobe 42:6 - iBhayibhili Elingcwele 1978

⁶ Ngakhoke sengizisola, ngiyaphenduka ngihlale othulini lasemlotheni.

IBhayibhili Elingcwele LesiNdebele

⁶ Ngakho sengizeyisa, sengiphenduka ngizilahla othulini lasemlotheni.”

UJobe 42:6 ပူးပေါင်းရင်းမြစ်များ

UGenesisi 18:27

UAbrahama waphendula wathi: Khangela, sengizimisele ukukhuluma eNkosini, mina engiluthuli nje lomlotha.

1 AmaKhosi 21:27

Kwathi uAhabi esizwa lamazwi wadabula izigqoko zakhe, wagqoka izambatho zokulila, wazila ukudla, walala ngezambatho zokulila, wahamba edanile.

U-Ezra 9:6

ngathi: Wena Nkulunkulu wami, ngilenhloni, ngiyesaba ukukukhangela, Nkulunkulu wami, ngoba ububi bethu buphakeme ngaphezu kwamakhanda ethu lesono sethu sifinyelele ezulwini.

UJobe 2:8

Wathatha udengezana, waziphala ngalo, wahlala esilotheni.

UJobe 30:19

UNkulunkulu ungiphosele odakeni, senginjengothuli lomlotha.

UJobe 42:5

Bengikuzwa ngendaba, kodwa khathesi amehlo ami asekubona.

UJobe 42:7

Kwathi iNkosi isikhulume lamazwi kuJobe, yathi kuElifazi waseTemani: Ngiyakuthukuthelela wena kanye labangane bakho ababili, ngoba kalikhulumanga ngami okuqondileyo njengenceku yami uJobe.

UJobe 9:31

kanti uzangiphosela emgodini, ngize ngenyanywe yizigqoko zami.

AmaHubo 51:17

Umnikelo owamukelekayo kuNkulunkulu ungumoya odabukileyo; inhliziyo edabukileyo lezisolayo, Nkulunkulu, kawuyideleli.

U-Isaya 5:5

Sengizakulitshela engizakukwenza esivinini sami. Ngizakuqhaqha uthango lwaso ukuze sidliwe, ngidilize umduli waso ukuze sigxotshwe.

U-Isaya 58:5

Yikho lokhu kambe ukuzila engikuthandayo, losuku lokuzisola kwabantu yini, ukuba umuntu alengise ikhanda lakhe njengomhlanga, alale phansi esakeni lasemlotheni na? Lokhu kambe kungathiwa yikusila, losuku olwamukelekayo eNkosini na?

UJeremiya 31:19

Lapho sengiduhile ngaphenduka, lalapho sengilayiwe ngaba losizi olukhulu; ngaba lenhloni, ngadana, ngoba ngathwala ihlazo lobutsha bami.

UHezekhiyeli 16:63

Uzakhumbula, uyangeke, ungaphindi ukuvula umlomo wakho futhi ngenxa yehlazo lakho, nxa sengikuthethelela konke lokho okwenzileyo, kutsho iNkosi uNkulunkulu.

UHezekhiyeli 20:43

Laphoke lizakhumbula indlela zenu lezenzo zenu zonke elazingcolisa ngazo; lizazizonda ngenxa yazo zonke izinto ezimbi elazenzayo.

UHezekhiyeli 36:31

Lizakhumbula izindlela zenu ezimbi, lezenzo zenu ezingalunganga; lizazizonda ngenxa yezono zenu langenxa yamanyala enu.

UHezekhiyeli 6:9

Abaseleyo bakini bazangikhumbula phakathi kwezizwe abathunjelwe kizo; bazakhumbula ukudabuka kwami ngenxa yenhliziyo zabo ezasuka kimi ngenxa yobubi langenxa yamehlo abo ayelandele izithombe. Ng’khona bazanengwa yibo bonke ububi ababenzileyo langamanyala abo wonke.

UDanyeli 9:3

Ngasengikhuleka eNkosini uNkulunkulu, ngayincenga, ngizila ukudla, ngigqoke izambatho zokulila, ngihlezi esilotheni.

ULevi 13:12

Uba ubulephero busanda emzimbeni, buze bube semzimbeni wonke womuntu olesifo, kusukela ekhanda kuze kufike enyaweni, njengokubona kompristi,

UMatewu 11:21

Wathi: Maye kuwe Korazini! Maye kuwe Betsayida! Ngoba uba kwakwenziwe eTire leSidoni imisebenzi yamandla eyenziwe kini, ngabe kade baphenduka bembatha amasaka bazithela ngomlotha.

ULukha 10:13

Maye kuwe Korazini! Maye kuwe Betsayida! Ngoba uba kwakwenziwe eTire leSidoni imisebenzi yamandla eyenziwe kini, ngabe kade baphenduka, bahlala ngamasaka emlotheni.

UJoshuwa 7:6

UJoshuwa labadala bakoIsrayeli basebedabula izigqoko zabo, bathi mbo ngobuso phansi phambi komtshokotsho weNkosi kwaze kwahlwa, bathela uthuli emakhanda abo.