UJobe 26:14 - iBhayibhili Elingcwele 1978

¹⁴ Khangela, lokhu kungamaphethelo nje ezindlela zakhe; kuyilizwi lokunyenyeza nje elizwakalayo ngaye. Ngubani ongaqedisisa ukuduma kwamandla akhe na?

IBhayibhili Elingcwele LesiNdebele

¹⁴ Njalo le yimisebenzi yakhe engaphandle nje ekucineni; esikuzwayo yilizwana nje lokunyenyeza kwakhe! Pho ngubani ongawuzwisisa umdumo wamandla akhe na?”

UJobe 26:14 ပူးပေါင်းရင်းမြစ်များ

UJobe 36:29

Kukhona ongaqedisisa ukwendlaleka kwamayezi, lokuduma okuvela endaweni yakhe na?

UJobe 37:4

Emva kwawo kuduma ilizwi lakhe, uyaduma ngelizwi lobukhosi bakhe, angawunqandi umbane lapho kuzwakala ilizwi lakhe.

UJobe 37:5

UNkulunkulu uyaduma ngelizwi lakhe ngokumangalisayo, wenza izinto ezinkulu esingeke siziqedisise.

UJobe 4:12

Nganyenyezelwa yilizwi, lendlebe yami yezwa ukunyenyeza kwalo.

UJobe 40:9

Ulamandla njengoNkulunkulu na? Ungaduma ngelizwi elinjengelakhe na?

UJobe 42:5

Bengikuzwa ngendaba, kodwa khathesi amehlo ami asekubona.

AmaHubo 139:6

Ukwazi okunje kuyangimangalisa; kuphakeme, ngingeke ngifinyelele kukho.

AmaHubo 145:3

INkosi yinkulu, ifanele ukudunyiswa kakhulu, lobukhulu bayo bungehlolisiswe.

AmaHubo 29:3

Ilizwi leNkosi lizwakala phezu kwamanzi amanengi; uNkulunkulu wenkazimulo uyaduma, iNkosi iphezu kwamanzi amanengi.

UmTshumayeli 11:5

Njengoba ungazi ukuthi impilo iqalisa njani esiswini sowesifazana okhulelweyo, ngokunjalo kawazi ukuba uNkulunkulu owenza zonke izinto usebenza kanjani.

UHabhakhukhi 3:4

Ukucwazimula kwakhe kwakunjengokukhanya, imisebe yavela esandleni sakhe, efihla lapho amandla akhe.

AbaseRoma 11:33

Yeka ukuzika kwenotho, lokuhlakanipha, lolwazi lukaNkulunkulu! Yeka izahlulelo zakhe ezingaphenyekiyo lendlela zakhe ezingalandelekiyo!

1 USamuyeli 2:10

Izitha zeNkosi zizabhujiswa; oPhezukonke uzaduma esezulwini, ahlulele emhlabeni wonke, anike amandla inkosi yakhe, aphakamise amandla ogcotshiweyo wakhe.