UJobe 2:12 - iBhayibhili Elingcwele 1978

¹² Lapho bembona bekhatshana, kabamazanga, baphakamisa amazwi abo bakhala, badabula izigqoko zabo, baphosa uthuli phezulu emakhanda abo.

IBhayibhili Elingcwele LesiNdebele

¹² Bathi bembona besesebucwala kabaze bamazi; baqhinqa isililo, badabula izembatho zabo, bathela uthuli emakhanda abo.

UJobe 2:12 ပူးပေါင်းရင်းမြစ်များ

UGenesisi 27:34

Kwathi uEsawu esezwile amazwi kayise, wakhala ngosizi olukhulu impela, wathi kuyise: Ngibusisa lami njalo, baba!

2 USamuyeli 13:36

Kwathi eseqedile ukukhuluma, afika amadodana enkosi, adazuluka, akhala; lenkosi lazo zonke inceku zayo zakhala kakhulu.

U-Ezra 9:3

Kwathi ngisizwa lokho ngadabula ingubo zami lesigqoko sami, ngangcothula inwele ekhanda lami lendevu zami, ngahlala phansi ngathithibala.

UNehemiya 9:1

Ngosuku lwamatshumi amabili lane lwaleyonyanga abakoIsrayeli babuthanela ukuzila ukudla, begqoke izambatho zokulila, begcwele uthuli emakhanda.

U-Esta 4:1

Kwathi lapho uMoridekayi esekuzwile konke okwenziweyo wadabula izigqoko zakhe, wagqoka ezokulila, wazithela ngomlotha, wadabula phakathi komuzi ekhala kakhulu kabuhlungu.

UJobe 1:20

UJobe wasesuka edabula ingubo yakhe, waphuca ikhanda lakhe, wawa phansi, wakhuleka;

UJobe 19:14

Izihlobo zami labangane bami bangihlamukile,

Izililo 2:10

Abadala baseZiyone bahlezi phansi bethule, bathele uthuli emakhanda abo, bagqoke izambatho zokulila. Intombi zaseJerusalema zikhothamisele phansi amakhanda azo.

UHezekhiyeli 27:30

bayahlaba umkhosi, bekukhalela kakhulu; bathela uthuli emakhanda abo, bazibhuqe emlotheni,

UJoshuwa 7:6

UJoshuwa labadala bakoIsrayeli basebedabula izigqoko zabo, bathi mbo ngobuso phansi phambi komtshokotsho weNkosi kwaze kwahlwa, bathela uthuli emakhanda abo.

Isambulo 18:19

Bathela uthuli emakhanda abo bekhala, belila, besithi: Maye, maye kuwe muzi omkhulu, lapho bonke ababelemikolo olwandle banothiswa yinotho yawo! Uchithekile ngesikhatshana nje.

Abahluleli 2:4

Kwathi isithunywa seNkosi sesikhulume lawomazwi kubo bonke abakoIsrayeli, badazuluka bakhala.

1 USamuyeli 11:4

Izithunywa zafika eGibeya lakibo kaSawuli, zayilandisa indaba ebantwini, bonke abantu bakhala.

1 USamuyeli 30:4

UDavida labantu ababelaye badazuluka, bakhala baze behluleka ukukhala.

1 USamuyeli 4:12

Kwaphuma empini umuntu wakoBenjamini, wagijimela eShilo ngalona lolosuku, izigqoko zakhe zidatshuliwe lekhanda lakhe ligcwele inhlabathi.