UJobe 18:8 - iBhayibhili Elingcwele 1978

⁸ Ezakhe inyawo zimfaka embuleni, ahambe phezu komjibila.

IBhayibhili Elingcwele LesiNdebele

⁸ Inyawo zakhe zimbeka emambuleni acine esemthandele.

UJobe 18:8 ပူးပေါင်းရင်းမြစ်များ

U-Esta 3:9

Uba kulungile enkosini, kakulotshwe umthetho wokuthi kababulawe, mina ngizakhupha amathalenta esiliva azinkulungwane ezilitshumi, nginike izikhulu zenkosi ukuba afakwe enothweni yenkosi.

U-Esta 6:13

UHamani watshela uZereshi umkakhe labo bonke abangane bakhe konke okumehleleyo. Abangane bakhe loZereshi umkakhe bathi kuye: Uba uMoridekayi osusiwa phambi kwakhe engowesizwe sabaJuda kawuyikumahlula, uzakukwahlula wena impela.

U-Esta 7:10

Basebemlengisa kulologodo ayelulungisele uMoridekayi. Ngemva kwalokho kwasekudeda ukuthukuthela kwenkosi.

U-Esta 7:5

Inkosi uAhasuweru yasisithi enkosikazini uEsta: Ngubani, futhi ungaphi lowomuntu obeqonde ukwenza okunje na?

UJobe 18:9

Umjibila umbamba isithende, abanjwe yizihitshela.

UJobe 19:6

yazinike ukuba nguNkulunkulu ongihlanekeleyo, wangibamba ngembule lakhe.

UJobe 22:10

Ngakhoke imijibila ikuhanqile, lovalo luyakhwehlela.

UJobe 5:5

Isivuno sakhe sidliwa ngabalambileyo, besithatha ngitsho lasemeveni, abomileyo banxwanele inotho yakhe.

AmaHubo 35:8

Ukubhujiswa kakubajume, lembule abangithiye ngalo libabambe, bawele kulo, babhujiswe.

AmaHubo 9:15

Izizwe ziwele emgodini ezawumbayo, lenyawo zazo zibanjwe limbule ezalithiyayo.

Izaga 29:6

Omubi uthiywa yisono sakhe, kodwa olungileyo uyahamba ethokoza.

Izaga 5:22

Omubi uyathiywa ngezakhe izenzo ezimbi, abanjwe yizono zakhe.

U-Isaya 24:17

Ukwesaba lomgodi lomjibila kulilindele, lina abahlala emhlabeni.

U-Isaya 24:18

Kuzakuthi obalekela umsindo wokwesaba awele emgodini; ophuma emgodini abanjwe ngumjibila. Ngoba iminyango yasezulwini ivulekile, lezisekelo zomhlaba ziyaqhaqhazela.

UHezekhiyeli 32:3

INkosi uNkulunkulu ithi: Ngizaphosela imbule lami phezu kwakho ekubuthaneni kwezizwe ezinengi, ngikukhuphe ngembule lami,

1 uTimothi 3:7

Kumele futhi ukuba abe ngohloniphekayo kwabangaphandle, funa awele ekuthukweni lasemjibileni kaSathane.

1 uTimothi 6:9

Abafuna ukunotha bangena ekulingweni, lasemijibileni, lasezinkanukweni ezinengi zobuphukuphuku ezilimazayo, eziwisela abantu ekufeni lasekubhujisweni.

2 uTimothi 2:26

baphaphame baphunyuke emjibileni kaSathane ababanjwe nguye ukuba benze intando yakhe.