UJobe 11:13 - iBhayibhili Elingcwele 1978

¹³ Uba ulungisa inhliziyo yakho, ungelulela izandla zakho kuye.

IBhayibhili Elingcwele LesiNdebele

¹³ Kodwa nxa ugxilisa inhliziyo yakho kuye uphakamisele izandla zakho kuye,

UJobe 11:13 ပူးပေါင်းရင်းမြစ်များ

2 ImiLando 12:14

URehobowamu wenza okubi ngokungazimiseli ngenhliziyo yakhe ukuyidinga iNkosi.

2 ImiLando 19:3

Kodwake kusekhona okuhle okuthile kuwe, ngoba uziqedile insika zikankulunkulukazi uAshera elizweni, wayimisela inhliziyo yakho ukumdinga uNkulunkulu.

UJobe 15:12

Kungani inhliziyo yakho ilesibindi esingaka, lamehlo akho ayavutha,

UJobe 22:23

Uba ubuyela kuSomandla, uzithobe, ususa okubi khatshana lethente lakho,

UJobe 22:27

uzakhuleka kuye, akuzwe, ugcwalise izithembiso zakho.

UJobe 5:17

Ubusisiwe lowomuntu uNkulunkulu amlayayo; ngalokhoke ungakudeleli ukukhuza kukaSomandla.

UJobe 5:8

Kodwa mina bengizafuna uNkulunkulu, kuNkulunkulu bengizabeka indaba yami.

AmaHubo 143:6

Ngelulele izandla zami kuwe; umphefumulo wami ukomele wena njengomhlaba owomileyo.

AmaHubo 68:31

Izikhulu zizakuza zivela eGibithe; iEtiyopiya lizakuphakamisela izandla zalo kuNkulunkulu ngokuphangisa.

AmaHubo 77:2

Osukwini lokuhlupheka kwami ngiyayidinga iNkosi; ebusuku ngiyelula isandla sami ngikhuleka, umphefumulo wami uyala ukududuzwa.

AmaHubo 78:8

bangabi njengokhokho babo, ababeyisizukulwana esimakhanda alukhuni lesilenkani, isizukulwana esinhliziyo engaqinanga, lesimoya waso wawungathembekanga kuNkulunkulu.

AmaHubo 88:9

amehlo ami ayafiphala ngenxa yosizi. Ngiyakhuleka kuwe insuku zonke, Nkosi, ngizelulele izandla zami kuwe.

U-Eksodasi 9:29

UMose wathi kuye: Nxa sengiphumile phakathi komuzi, ngizaphakamisela izandla zami eNkosini; kuzakuphela ukuduma lesiqhotho, ukuba wazi ukuthi umhlaba ungoweNkosi.

Izililo 3:41

Asiphakamisele inhliziyo zethu lezandla zethu kuNkulunkulu ezulwini.

ULukha 12:47

Njaloke laleyonceku ebisazi intando yenkosi yayo ingalungiselanga, ingenzanga ngokwentando yenkosi yayo, izakutshaywa imivimvinya eminengi.

1 USamuyeli 7:3

USamuweli wakhuluma kuyo yonke indlu kaIsrayeli wathi: Uba ukubuyela kwenu eNkosini kungokwenhliziyo yenu yonke, khuphani onkulunkulu bezizweni lezithombe zikankulunkulukazi uAshitorethi phakathi kwenu, liqondise inhliziyo zenu eNkosini, likhonze yona yodwa, izakulophula kumaFilistiya.