UJobe 1:5 - iBhayibhili Elingcwele 1978

⁵ Kwakuthi lapho seziphelile insuku zedili, uJobe ababize, abahlambulule, avuke ekuseni kakhulu, anikele umnikelo wokutshiswa olingana lobunengi bamadodana akhe, ngoba wathi: Mhlawumbe amadodana ami onile, amthuka uNkulunkulu enhliziyweni zawo. Wenza njalo uJobe insuku ngensuku.

IBhayibhili Elingcwele LesiNdebele

⁵ Kwakusithi mhla idili liphela, uJobe wayewabiza azowahlambulula. Ekuseni kakhulu wayesenza umnikelo wokutshiswa wamunye ngamunye esithi, “Mhlawumbe abantwabami benzile isono bathuka uNkulunkulu ezinhliziyweni zabo.” Lo waba ngumkhuba wakhe uJobe.

UJobe 1:5 ပူးပေါင်းရင်းမြစ်များ

UGenesisi 22:3

UAbrahama wavuka ekuseni, wabophela ubabhemi wakhe, wathatha ababili encekwini zakhe loIsaka indodana yakhe. Esebandile inkuni zomnikelo wokutshiswa, wasuka waya endaweni ayemtshele yona uNkulunkulu.

UGenesisi 6:5

INkosi yasibona ukuthi ububi bomuntu bukhulu emhlabeni, lokuthi yonke imicabango yenhliziyo yakhe mibi.

UGenesisi 8:20

UNowa wakhela iNkosi ialtare; wathatha kuzo zonke inyamazana ezihlambulukileyo lakuzo zonke inyoni ezihlambulukileyo, wanikela umnikelo wokutshiswa phezu kwealtare.

1 AmaKhosi 18:31

Wathatha amatshe alitshumi lambili, alingana ubunengi bezizwe zamadodana kaJakobe okwafika kuye ilizwi leNkosi lisithi: Ibizo lakho lizakuba nguIsrayeli.

1 AmaKhosi 21:10

beselihlalisa abantu ababili ababi maqondana laye ukuba bammangalele bathi: Wena uthuke uNkulunkulu kanye lenkosi. Beselimkhuphela phandle, limkhande ngamatshe aze afe.

1 AmaKhosi 21:13

Basebengena abantu ababili ababi, bahlala maqondana laye, bammangalela phambi kwabantu bathi: UNabothi uthuke uNkulunkulu kanye lenkosi. Basebemkhuphela ngaphandle komuzi, bamkhanda ngamatshe waze wafa.

UNehemiya 12:30

Abapristi lamaLevi bazihlambulula, bahlambulula labantu lamasango lomduli.

UJobe 1:11

Kodwa akewelule isandla sakho, uthinte konke alakho; uzakukuthuka ebusweni bakho.

UJobe 1:4

Amadodana akhe ayejwayele ukwenza idili kube yileyo laleyo endlini yayo ngosuku lwayo; ayemema odadewabo abathathu ukuba badle banathe lawo.

UJobe 2:9

Umkakhe wathi kuye: Lokhu usabambelele kubo ubuqotho bakho na? Mthuke uNkulunkulu, ufe.

UJobe 27:10

Uzathokoza ngoSomandla na? Uzakhuleka kuye izikhathi zonke na?

UJobe 41:25

Ekuvukeni kwayo amaqhawe ayesaba, bethuswe yikubhulana komsila wayo.

UJobe 42:8

Ngakhoke thatha inkunzi eziyisikhombisa lenqama eziyisikhombisa, uye encekwini yami uJobe, linikele ngazo zibe ngumnikelo wokutshiswa; inceku yami uJobe izalikhulekela, ngoba ngizakuzwa umkhuleko wakhe ngingenzi kini njengobuthutha benu; ngoba kalikhulumanga ngami okuqondileyo njengenceku yami uJobe.

UJobe 6:14

Abangane bomuntu bafanele ukumhawukela lapho elahlekelwa lithemba kuSomandla.

UJobe 8:4

Uba abantwana bakho bonile kuye, yena ubanikela emandleni eziphambeko zabo.

AmaHubo 5:3

ekuseni uyalizwa ilizwi lami; ekuseni ngiyalungisa umnikelo wami, ngilindele wena.

U-Eksodasi 18:12

UJetro uyisezala kaMose wanikela kuNkulunkulu umnikelo wokutshiswa lemihlatshelo; kweza uAroni labo bonke abalisa bakoIsrayeli, badla loyisezala kaMose phambi kukaNkulunkulu.

U-Eksodasi 19:10

INkosi yathi kuMose: Hamba uye ebantwini, ubatshele bazihlambulule lamuhla lakusasa, bagezise ingubo zabo,

U-Eksodasi 24:5

Wathuma insizwa zabantu bakoIsrayeli ukuba zinikele iminikelo yokutshiswa, zihlabele iNkosi imihlatshelo yokuthula yezinkabi.

UmTshumayeli 9:10

Lokho okwenzayo ukwenze kuhle, ngoba kawukho umsebenzi lomcabango lolwazi lokuhlakanipha endaweni yabafileyo lapho uya khona.

UJeremiya 4:14

Wena Jerusalema, hlambulula inhliziyo yakho kuphume ububi, ukuze uphephe. Koze kube nini imicabango yakho emibi ihlala phakathi kwakho na?

UHezekhiyeli 14:14

Loba lamadoda amathathu ebehlala khona, uNowa loDaneli loJobe, abezakuzikhulula wona kuphela ngokulunga kwawo, kutsho iNkosi uNkulunkulu.

ULukha 1:75

ngobungcwele langokulunga phambi kwayo zonke insuku zethu.

ULukha 18:7

UNkulunkulu kayikubalwela abakhethiweyo bakhe yini abakhalayo kuye emini lasebusuku na? Uzakuphuza ukubasiza na?

UJohane 11:55

Laselisondele iPhasika labaJuda. Abantu abanengi bakhuphukela eJerusalema bevela emaphandleni lingakafiki iPhasika ukuze bazihlambulule.

Imisebenzi 21:26

UPawuli wasewathatha lawomadoda, kusasa wazihlambulula kanye lawo, waya ethempelini ukubika ukuphela kwensuku zokuhlanjululwa, ukuze kulethwe umnikelo wabo bonke.

Imisebenzi 8:22

Ngakhoke phenduka kulobububi bakho, ucele iNkosi ukuthi uba kungenzeka uthethelelwe iminakano yenhliziyo yakho,

1 AbaseKhorinte 4:5

Ngakhoke lingathonisisi lutho isikhathi singakafiki, ingakafiki iNkosi. Ngoba izakuveza ekukhanyeni izinto ezifihlakeleyo emnyameni, izakuveza obala imicabango yenhliziyo zabantu. Laphoke ilowo lalowo uzakwamukela kuNkulunkulu ukubongwa okumfaneleyo.

2 AbaseKhorinte 11:2

Ngilobukhwele ngani ngobukhwele obungobukaNkulunkulu, ngoba ngalendisela kuKristu ukuba ngilise endodeni eyodwa liyintombi emsulwa.

Abase-Efesu 6:18

Khulekani izikhathi zonke ngoMoya ngokucela konke langokunxusa. Kulokhu lilinde ngesineke sonke, linxusele abangcwele bonke.

1 USamuyeli 16:5

Yena wathi: Yebo, ngize ngokuthula; ngize ukuhlabela iNkosi; zihlambululeni, lihambe lami ekuhlabeni. Wasehlambulula uJese lamadodana akhe, labo wabamema ukuba beze ekuhlabeni.