UJobe 1:1 - iBhayibhili Elingcwele 1978

¹ Kwakukhona umuntu othile elizweni laseUzi, ibizo lakhe linguJobe. Lowomuntu wayengelasici, eqotho, emesaba uNkulunkulu, exwaya okubi.

IBhayibhili Elingcwele LesiNdebele

¹ Elizweni lase-Uzi kwakuhlala indoda eyayithiwa nguJobe. Indoda le yayingelasici, iqotho; yayimesaba uNkulunkulu njalo ikuxwaya okubi.

UJobe 1:1 ပူးပေါင်းရင်းမြစ်များ

UGenesisi 10:23

Amadodana kaAramu ayengoUzi loHuli loGetheri loMashi.

UGenesisi 17:1

Kwathi uAbrama eseleminyaka engamatshumi aficamunwemunye lesificamunwemunye iNkosi yabonakala kuye, yathi kuye: NginguNkulunkulu uSomandla; hamba phambi kwami, ungasoleki.

UGenesisi 22:12

Sathi: Musa ukubeka isandla sakho emfaneni, ungenzi lutho kuye, ngoba sengisazi ukuthi uyamesaba uNkulunkulu, lokhu ungalanga lendodana yakho eyodwa.

UGenesisi 36:28

Laba babengabantwana bakaDishani, uUzi loArani.

UGenesisi 42:18

UJosefa wasesithi kubo ngosuku lwesithathu: Yenzani lokhu ukuba lisile, ngoba ngiyamesaba uNkulunkulu.

UGenesisi 6:9

Le yindaba kaNowa. UNowa wayeyindoda elungileyo engasoleki esizukulwaneni sakhe; uNowa wayehamba loNkulunkulu.

2 AmaKhosi 20:3

Nkosi, ake ukhumbule, ngiyakuncenga, ukuba ngihambe ngobuqotho phambi kwakho langenhliziyo epheleleyo, ngenza okulungileyo emehlweni akho. UHezekiya wakhala kakhulu.

1 ImiLando 1:17

Amadodana kaShemu ayengoElamu loAshuri loArpakishadi loLudi loAramu. Amadodana kaAramu ayengoUzi loHuli loGetheri loMesheki.

1 ImiLando 1:42

Amadodana kaEzeri ayengoBilihani loZahavana loAkani. Amadodana kaDishani ayengoUzi loArani.

UJobe 1:8

INkosi yasisithi kuSathane: Uyiqaphele yini inceku yami uJobe ngoba kakho onjengaye emhlabeni ongelasici loqotho, owesaba uNkulunkulu loxwaya okubi na?

UJobe 2:3

INkosi yasisithi kuSathane: Uyiqaphele yini inceku yami uJobe ukuthi kakho onjengaye emhlabeni, ongelasici loqotho, owesaba uNkulunkulu, loxwaya okubi na? Usabambelele kubo ubuqotho bakhe, lanxa wangivusa ukuba ngimchithe ngeze.

UJobe 28:28

Wathi emuntwini: Khangela, ukuyesaba iNkosi yikho okuyikuhlakanipha, lokusuka ebubini kuyikuqedisisa.

UJobe 4:6

Ukumesaba kwakho uNkulunkulu kakusilo ithemba lakho yini, lobuqotho bendlela yakho kabusiso isisekelo sakho na?

UJobe 9:21

Kangilacala, kangizikhathaleli; ngiyanengwa yikuphila kwami.

U-Eksodasi 18:21

Futhike ukhethe phakathi kwabo bonke abantu amadoda alamandla, amesabayo uNkulunkulu, aqotho, azonda inzuzo engalunganga, uwabeke phezu kwabantu ukuba abe yizinduna zezinkulungwane lezinduna zamakhulu lezinduna zamatshumi amahlanu lezinduna zamatshumi;

Izaga 14:16

Ohlakaniphileyo uyaqaphelisa ukuba angenzi okubi, kodwa oyisithutha kaqaphelisi, kazinqandi.

Izaga 14:2

Ohamba ngobuqotho uyesaba iNkosi, kodwa ongaqondanga ekuhambeni kwakhe uyayidelela.

Izaga 16:17

Umgwaqo wabaqotho uceza ububi; oqaphela ukuhamba kwakhe uyaphila.

Izaga 16:6

Ngobuqotho langokuthembeka izono ziyathethelelwa, langokuyesaba iNkosi umuntu uyaxwaya okubi.

Izaga 20:7

Nxa umuntu engolungileyo ngokuqotho, babusisiwe abantwana bakhe.

Izaga 3:7

Ungacabangi ukuthi uhlakaniphile, kodwa yesabe iNkosi, utshiye ububi.

Izaga 8:13

— Ukwesaba iNkosi kuyikuzonda ububi — Ngiyakuzonda ukuzigqaja lokuziqakisa, lezindlela ezimbi, lokukhuluma okukhohlisayo.

UJeremiya 25:20

kanye labo bonke abezizwe abaphakathi kwabo, lamakhosi wonke aselizweni leUzi, lawelizwe leFilistiya — eAshikeloni leGaza leEkroni lengcosana eAshidodi —

Izililo 4:21

Jabula uthabe, wena Edoma, ohlala elizweni laseUzi, inkezo izadlulela lakuwe, uzadakwa, uzinqunule.

UHezekhiyeli 14:14

Loba lamadoda amathathu ebehlala khona, uNowa loDaneli loJobe, abezakuzikhulula wona kuphela ngokulunga kwawo, kutsho iNkosi uNkulunkulu.

UHezekhiyeli 14:20

loba uNowa loDaneli loJobe bebehlala khona, ngiyazifunga, kutsho iNkosi uNkulunkulu, bebengayikukhulula indodana loba indodakazi; kodwa bebezakuzikhulula bona kuphela ngokulunga kwabo.

ULukha 1:6

Babelungile bobabili emehlweni kaNkulunkulu behamba ngayo yonke imilayo lezimiso zeNkosi, bengasoleki.

UDutheronomi 18:13

Thembekani eNkosini uNkulunkulu wenu.

UJakhobe 5:11

Khangelani, babusisiwe ababekezelayo. Lizwile ngokubekezela kukaJobe, libonile ukuba iNkosi yamphatha kanjani ekucineni; ngoba iNkosi ilesihawu lobubele.

1 UPhethro 3:11

kasuke kokubi enze okuhle, adinge ukuthula, akunxwanele;