UJeremiya 9:4 - iBhayibhili Elingcwele 1978

⁴ Ilowo lalowo kaxwaye umakhelwana wakhe, lingabathembi abafowenu, ngoba bonke abafowenu bayaphica, labo bonke omakhelwana benu bathanda ukunyeya.

IBhayibhili Elingcwele LesiNdebele

⁴ “Qaphela abangane bakho, ungabathembi abafowenu. Ngoba wonke umfowenu ungumkhohlisi, njalo wonke umngane ungumhlebi.

UJeremiya 9:4 ပူးပေါင်းရင်းမြစ်များ

UGenesisi 32:28

Wathi: Ibizo lakho kalisayikuthiwa nguJakobe, kodwa nguIsrayeli, ngoba ulwile loNkulunkulu labantu, wanqoba.

AmaHubo 101:5

Yena ohleba umakhelwana wakhe ensitha ngizakumchitha. Ozigqajayo lozikhukhumezayo kangiyikumvumela.

AmaHubo 15:3

ongahlebiyo ngolimi lwakhe, ongenzi okubi kumngane wakhe, longatheli ngehlazo umakhelwana wakhe;

Izaga 10:18

Okhuluma amanga ulenzondo, lohlebayo uyisithutha.

Izaga 25:18

Umuntu ofakaza amanga ngomakhelwana wakhe unjengesagila lomkhonto lomtshoko obukhali.

Izaga 4:16

Ngoba kabalali uba bengenzanga okubi, baswela ubuthongo uba bengakhubekisanga muntu.

Izaga 4:17

Ububi buyikudla kwabo, lesihluku siliwayini labo.

Izaga 6:16

Kukhona izinto ezithile ezizondwa yiNkosi, yebo, izinto eziyisikhombisa eziyizinengiso kuyo;

Izaga 6:19

lofakazi omubi oqamba amanga, lomuntu obanga ingxabano phakathi kwabazalwane.

U-Isaya 59:13

siyaphambeka, siyiphike iNkosi, simhlamuke uNkulunkulu wethu, sikhulume ngokucindezela langokuhlamuka, sicabange ngamanga enhliziyweni zethu siwakhulume.

U-Isaya 9:16

Ngoba labo abakhokhela lababantu bayabaduhisa, lalabo abakhokhelwa yibo bayachitheka.

UJeremiya 12:6

Ngoba abafowenu kanye lendlu kayihlo labo bakukhohlisile, bakuzingela; ungabathembi, loba bekhuluma amazwi amnandi kuwe.

UJeremiya 6:28

Bonke baphikelela ukuhlamuka, behamba benyeya; banjengethusi lensimbi, bonke benza okubi.

UJeremiya 9:8

Ulimi lwabo lungumtshoko obulalayo, lukhuluma inkohliso; yilowo lalowo ukhuluma kuhle ngomlomo wakhe lomakhelwana wakhe, kodwa enhliziyweni yakhe wenza amacebo okumcathamela.

UHezekhiyeli 22:9

Kukhona kuwe abantu abahlebayo ukuba bachithe igazi, labadlela phezu kwezintaba emathempelini, labawulayo.

ULevi 19:16

Lingahambahambi linyeya phakathi kwabakini; lingamelani lomakhelwane wenu. NgiyiNkosi.

UMalaki 2:10

Kasilaye ubaba munye thina sonke na? Kasidalwanga nguNkulunkulu munye na? Phoke, kungani sikhohlisana, sisona isivumelwano uNkulunkulu asenze labokhokho na?

UMatewu 10:17

Limukani abantu, ngoba bazakulinikela emiphakathini, balitshaye emasinagogeni abo.

UMatewu 10:21

Umuntu uzakunikela umfowabo ekufeni, loyise umntanakhe; abantwana bazakuvukela abazali bababulale.

ULukha 21:16

Lizakunikelwa langabazali, labafowenu, lezihlobo zenu, labangane benu; abanye benu bazakubulawa yibo.

1 AbaseThesalonika 4:6

kakungabi khona loyedwa owonayo, aphambe umfowabo ngolutho, ngoba iNkosi ingumphindiseli kukho konke lokho, njengoba salitshela, saqinisa ngaphambili.