UJeremiya 9:22 - iBhayibhili Elingcwele 1978

²² Khuluma uthi: INkosi ithi: Izidumbu zabantu zizagcwala njengamalongwe egangeni, lanjengezithungo ezitshiywe emuva ngumvuni, kungekho ozibuthayo.

IBhayibhili Elingcwele LesiNdebele

²² Tshono uthi, uThixo uthi, “ ‘izidumbu zabafileyo zizalala njengezibi egangeni, njengamabele aqunywe ngemva kovunayo, okungekho ozawabutha.’ ”

UJeremiya 9:22 ပူးပေါင်းရင်းမြစ်များ

2 AmaKhosi 20:13

UHezekiya wazamukela, wazitshengisa yonke indlu yakhe yenotho, isiliva legolide lamakha lamafutha amahle lezikhali zakhe, lakho konke okwakukhona ezindlini zakhe zokugcina impahla; kakubanga khona lokukodwa endlini yakhe lakuwo wonke umbuso wakhe angazitshengisanga khona.

2 AmaKhosi 20:15

UIsaya wasesithi: Baboneni endlini yakho na? UHezekiya waphendula wathi: Babone konke okukhona endlini yami; kakulalutho ezindlini zami zokugcina impahla engingabatshengisanga lona.

2 AmaKhosi 9:37

lesidumbu sakhe sizakuba njengomquba osegangeni elizweni laseJezereli ukuze kungabi khona othi: Lo nguJezebeli.

UJobe 5:13

Yena ubamba abahlakaniphileyo ebuqilini babo, lamacebo abalobuqili achithwe masinyane.

AmaHubo 49:7

Impela umuntu angeke azihlenge, angeke amnike uNkulunkulu inhlawulo yokuphila kwakhe,

AmaHubo 83:10

ababhubhela eEndori, baphenduka baba ngumquba womhlabathi.

Izaga 18:11

Inotho yesinothi ingumuzi waso oqinileyo, injengomthangala ophakemeyo ekuboneni kwaso.

Izaga 23:4

Ungatshikatshikeli inotho, kodwa hlakanipha, uyekele.

U-Isaya 5:25

Ngakhoke iNkosi ibathukuthelele abantu bayo, yelula isandla sayo yabatshaya; izintaba zizakuzamazama, lezidumbu zabo zibe yingcekeza ezindleleni. Kukho konke lokhu ukuthukuthela kwayo kakukapheli, isiphakamisile isandla sayo ukutshaya futhi.

UJeremiya 16:4

Bazabulawa yikufa okwesabekayo; kabayikulilelwa, futhi kabayikungcwatshwa; bazakuba njengamalongwe emhlabathini. Bazabhujiswa yimpi layindlala, lezidumbu zabo zibe yikudla kwenyoni zaphezulu lenyamazana zeganga.

UJeremiya 25:33

Ngalolosuku ababulewe yiNkosi bazasukela komunye umkhawulo womhlaba baze bafike komunye; kabayikukhalelwa, kabayikubuthwa bangcwatshwe, bazakuba ngamalongwe emhlabathini.

UJeremiya 6:21

Ngalokhoke, iNkosi ithi: Ngizabekela lababantu izikhubekiso ukuba bakhubeke; oyise labantwana bazabhubha omakhelwana kanye lomngane.

UJeremiya 7:33

Kuthi izidumbu zalababantu zibe yikudla kwenyoni zaphezulu, lenyamazana zeganga, kungekho ozazethusa.

UJeremiya 8:2

azachaywa elangeni lasenyangeni, lakuzo zonke inkanyezi, abakuthandileyo bakukhonza, abakulandeleyo bakudinga, bakudumisa; kawayikubuthwa angcwatshwe futhi, azakuba njengomquba emhlabathini.

UHabhakhukhi 1:11

Sivunguze njengomoya, sedlule, singabantu abamandla abo angunkulunkulu wabo.

UZefaniya 1:17

Ngizakwehlisela abantu usizi ukuze bahambe njengeziphofu, ngoba bonile eNkosini; igazi labo lizakuchithwa njengothuli; lenyama yabo njengobulongwe.

UDutheronomi 8:17

Qaphelani, ukuba lingathi enhliziyweni yenu: Ngawami amandla langamandla esandla sami ngizizuzele limfuyo.