UJeremiya 9:2 - iBhayibhili Elingcwele 1978

² Kungathi ngabe ngilendawo yokuhlala enkangala, ukuba ngisuke ebantwini bami, ngibatshiye; ngoba bonke bayizifebe, balixuku labantu abakhohlisayo.

IBhayibhili Elingcwele LesiNdebele

² Awu, sengathi ngabe enkangala ngilendawo engahlala izihambi, ukuba ngisuke ebantwini bami ngisuke kubo, ngoba bonke bayizifebe, ixuku labantu abangathembekanga.

UJeremiya 9:2 ပူးပေါင်းရင်းမြစ်များ

U-Isaya 59:3

Ngoba izandla zenu zingcoliswe ligazi, leminwe yenu ingcoliswe yibubi, lomlomo wenu uqambe amanga, lolimi lwenu lukhuluma ububi.

UJeremiya 12:1

Ulungile, wena Nkosi, loba ngisola kuwe; kanti ngizabeka ukusola kwami phambi kwakho. Kungani indlela yababi iphumelela na? Kungani bephumelela bonke ababi?

UJeremiya 12:6

Ngoba abafowenu kanye lendlu kayihlo labo bakukhohlisile, bakuzingela; ungabathembi, loba bekhuluma amazwi amnandi kuwe.

UJeremiya 13:22

Uba lisithi enhliziyweni zenu: Lezizinto zehleleleni phezu kwethu na? Ngenxa yobukhulu bokona kwenu izidwaba zenu zambuliwe, lehlelwa yikuhlupheka.

UJeremiya 23:10

Ngoba ilizwe ligcwele izifebe; ngenxa yesiqalekiso seNkosi ilizwe liyakhala, lamadlelo enkangala omile. Indlela yabo yimbi, lamandla abo kawalunganga.

UJeremiya 4:22

Abantu bami bayizithutha, kabangazi; bangabantwana abayiziphukuphuku, kabalakuqedisisa. Bahlakaniphele ukwenza okubi, kodwa ukwenza okuhle kabakwazi.

UJeremiya 5:1

Gijimani, lizulazule ezindleleni zeJerusalema, lizibonele; licinge emagumeni ayo, libone ukuba lingafumana umuntu owenza ukulunga, odinga iqiniso, ukuze ngiyithethelele.

UJeremiya 5:11

Indlu kaIsrayeli lendlu kaJuda zingikhohlisile ngokupheleleyo, kutsho iNkosi.

UJeremiya 5:2

Loba besithi: Ngifunga iNkosi; kanti bafunga amanga nje.

UHosiya 4:2

Kukhona ukwaphulwa kwezifungo, lokuqamba amanga, lokubulala, lokweba, lokufeba; baqhubeka ngokwenza okubi, lamacala egazi ayalandelana.

UHosiya 5:7

Bayikhohlisile iNkosi, ngoba bazele abantwana bezizweni. Khathesike ohlaselayo uzabachitha lamazwe abo.

UHosiya 6:7

Kodwa eAdima basaphula isivumelwano, bangikhohlisa khona.

UHosiya 7:4

Bayizifebe bonke, banjengeziko elitshisayo, elingakhwezelwa ngumphekizinkwa, kusukela esikhathini sokuxova inhlama kuze kube sekubileni kwayo.

UMikha 6:12

Abanothileyo benu bagcwele okubi, labakhileyo bakhuluma amanga, lolimi lwabo luyakhohlisa.

UZefaniya 3:4

Abaprofethi bawo kabananzeleli, bayakhohlisa; abapristi bawo bangcolisa okungcwele, baphule umthetho.

UMalaki 2:11

UJuda ukhohlisile, kwenziwe amanyala koIsrayeli laseJerusalema; ngoba uJuda uyonile indawo engcwele ethandwa yiNkosi ngokuthatha indodakazi ekhonza unkulunkulu wezizweni.

UMalaki 2:14

Liyabuza lithi: Kungani na? Kungoba iNkosi eyayingufakazi wesivumelwano sakho lomfazi wobutsha bakho iyakwazi ukuthi umkhohlisile wena, lanxa ebengumngane wakho lomfazi wakho wesivumelwano.

UJakhobe 4:4

Zifebendini, kalazi yini ukuthi ukuthandana lomhlaba kuyibutha kuNkulunkulu na? Ngakhoke lowo othanda ukuba ngumhlobo womhlaba, uzenza abe yisitha sikaNkulunkulu.

Abahluleli 2:10

Laso sonke lesosizukulwana safa, sambelwa kwabakibo; kwavela esinye emva kwaso esasingayazi iNkosi lomsebenzi eyayiwenzele uIsrayeli.