UJeremiya 9:18 - iBhayibhili Elingcwele 1978

¹⁸ baphangise ukusililela, ukuze amehlo ethu ehlise inyembezi, lenkophe zethu zimpompoze amanzi.

IBhayibhili Elingcwele LesiNdebele

¹⁸ Kabeze ngokuphangisa, bazesililela amehlo ethu aze ehlise inyembezi lempophoma zamanzi zigeleze, ziphuma enkopheni zethu.”

UJeremiya 9:18 ပူးပေါင်းရင်းမြစ်များ

AmaHubo 119:136

Amehlo ami ehlisa inyembezi ezinengi, ngoba abantu kabagcini umlayo wakho.

U-Isaya 22:4

Ngakhoke ngasengisithi: Ungangikhangeli, ngiyekela ngikhale; ungazami ukungiduduza ngenxa yokuchitheka kwabantu bakithi.

UJeremiya 13:17

Kodwa lapho lingalaleli, ngizakhala ensitha ngenxa yokuziqhenya kwenu, ngizakhala kakhulu, lamehlo ami ehlise inyembezi, ngoba umhlambi weNkosi uthunjiwe.

UJeremiya 14:17

Uzakutsho lelilizwi kibo elokuthi: Amehlo ami kawehlise inyembezi ebusuku lemini zingakhawuli, ngoba abantu bami balimele kakhulu, balinyazwe yikutshaywa okubi.

UJeremiya 3:24

UBali, into elehlazo iqedile wonke umsebenzi wabokhokho kusukela ebutsheni bethu, izimvu zabo lenkomo zabo, amadodana abo lamadodakazi abo.

UJeremiya 3:25

Asilale phansi silenhloni, sibanjwe zinhloni zethu; ngoba sonile eNkosini uNkulunkulu wethu, thina labokhokho, kusukela ebutsheni bethu kuze kube lamuhla; kasilalelanga ilizwi leNkosi uNkulunkulu wethu.

UJeremiya 4:20

Ukuchitheka kulandela ukuchitheka, ilizwe lonke lichithekile. Amathente ethu adilikile masinyane, lamaveli awo ngesibangana nje.

UJeremiya 6:26

Bantu bami, gqokani izambatho zokulila, libhuquze emlotheni, lenze isililo sibe njengesokulilela indodana eyodwa, lokukhala okubuhlungu. Ngoba umchithi uzakufika kithi masinyane.

UJeremiya 7:29

Gelani inwele zenu, lizilahle, lina bantu baseJerusalema; lilile emadundulwini angelalutho; ngoba iNkosi isalile yasilahla isizukulwana esivuse ulaka lwayo.

UJeremiya 9:1

Kungathi ngabe ikhanda lami lingamanzi, lamehlo ami angumthombo wenyembezi, ukuba ngikhalele ababuleweyo ebantwini bami emini lebusuku.

UJeremiya 9:10

Ngizakhala ngililele izintaba, lamadlelo asenkangala, ngoba kuchithiwe, kakusekho ohamba khona, kakusezwakali ukukhala kwezinkomo, inyoni zaphezulu lenyamazana zibalekile zahamba.

UJeremiya 9:20

Yebo, zwanini ilizwi leNkosi, lina besifazana, lendlebe zenu zilamukele ilizwi layo; lifundise amadodakazi enu ukukhala, kube yilowo lalowo afundise umakhelwana wakhe ukulila.

Izililo 1:2

Uyakhala kakhulu ebusuku, inyembezi zawo zehla ezihlathini zawo. Phakathi kwazo zonke izithandwa zawo kakho owududuzayo. Bonke abangane bawo bawuphethe ngenkohliso, sebeyizitha zawo.

Izililo 2:11

Amehlo ami asediniwe yikukhala, imibilini yami idungekile. Inhliziyo yami idabukile ngosizi ngenxa yokuchitheka kwabantu bami, ngoba ingane labamunyayo bafela endleleni zomuzi.

Izililo 2:13

Ngingathini ngawe na? Ngingakufanisa ngani, wena Jerusalema na? Ngingakufanisa ngani ukuba ngikududuze, wena Ziyone na? Ngoba ukuchitheka kwakho kukhulu njengolwandle. Ngubani ongakwelapha na?

Izililo 2:18

Khala kakhulu eNkosini, wena Ziyone! Inyembezi zakho zigeleze njengemifula emini lasebusuku. Ungaphumuli, lenyembezi zakho zingaqamuki.

Izililo 3:48

Amehlo ami agobhoza inyembezi ngenxa yokubhujiswa kwabantu bami.

uAmosi 5:16

INkosi uNkulunkulu wamabandla ithi: Emidangeni yenu yonke kuzakuba khona ukulila, lakuzo zonke indlela bazakuthi: Maye! Maye! Bazabiza abalimi ukuba balile, labakwaziyo ukukhala ukuba balile.

ULukha 19:41

Kwathi esondela, ewubona umuzi, wawukhalela,