UJeremiya 9:11 - iBhayibhili Elingcwele 1978

¹¹ Ngizalenza iJerusalema libe lunxiwa oludilikileyo lendawo yamakhanka, ngenze imizi yakoJuda ibe yinkangala engelamuntu.

IBhayibhili Elingcwele LesiNdebele

¹¹ “IJerusalema ngizalenza libe yinqumbi yonxiwa, isikhundla samakhanka, njalo ngizawadiliza amadolobho akoJuda ukuze kungabikhona ohlala kuwo.”

UJeremiya 9:11 ပူးပေါင်းရင်းမြစ်များ

UNehemiya 4:2

Wathi phambi kwabakibo laphambi kwempi yaseSamariya: LababaJudanyana bathi benzani na? Bathi bazayilungisa indawo na? Bathi bazanikela umnikelo, bawuqede umsebenzi ngasuku lunye na? Bangenza amatshe yini ngezinqwaba zengcekeza, layo ingetshileyo na?

AmaHubo 107:43

Lowo ohlakaniphileyo kaqaphelise lokhu, aqedisise uthando olungapheliyo lweNkosi.

AmaHubo 44:19

ukuba usiphahlaze ngasendaweni yamakhanka, usambese ngomnyama omkhulu.

AmaHubo 79:1

Nkulunkulu, abezizwe sebengenile elizweni lakho; balingcolisile ithempeli lakho elingcwele, balidilizile iJerusalema.

U-Isaya 13:22

Impisi zizakhala ezinqabeni zalo, lamakhanka ezindlini ezinhle. Siseduze ukufika isikhathi salo, lezinsuku zalo kaziyikwandiswa.

U-Isaya 25:2

Wenzile imizi yaba ngamanxiwa, imizi evikelweyo yaba zindonga; izigodlo zabezizwe kazisekho, kazisayikwakhiwa futhi.

U-Isaya 34:13

Ameva azakhula ezindlini zamakhosi alo akhona, imbabazane lokhula kukhule emizini ebiyelweyo, kube yindawo yamakhanka lezikhova.

U-Isaya 44:26

ogcwalisa ilizwi lenceku zakhe, aphumelelise amacebo ezigijimi zakhe, othi ngeJerusalema: Lizakuba labantu futhi; langemizi yakoJuda: Izakwakhiwa futhi, ngizavusa amanxiwa abo;

UJeremiya 1:15

Ngoba ngiyabiza izizwe zonke zemibuso yasenyakatho, kutsho iNkosi; amakhosi azo azakufika, wonke azakumisa izihlalo zawo zobukhosi emasangweni aseJerusalema, azingelezele imiduli yalo lonke, lemizi yonke yakoJuda.

UJeremiya 10:22

Kulamahungahunga okuthi kukhona ukuzamazama okukhulu okusuka elizweni lasenyakatho, okuzakwenza yonke imizi yakoJuda ibe yinkangala lendawo yamakhanka.

UJeremiya 16:10

Kuzakuthi lapho ubatshela lababantu wonke lamazwi, bathi kuwe: INkosi ikhulumelani konke lokhu okubi okukhulu ngathi na? Ububi bethu buyini? Yisiphi isono esisenze eNkosini uNkulunkulu wethu na?

UJeremiya 25:11

Ilizwe lonke leli lizakuba ngamanxiwa lenkangala; lezizizwe zizasebenzela inkosi yaseBabiloni iminyaka engamatshumi ayisikhombisa.

UJeremiya 25:18

ngitsho iJerusalema lemizi yakoJuda, amakhosi alo lezikhulu zalo, ukuba kuchitheke, kube yinkangala, lento yokuncifelwa leyokuthukwa, njengoba kunjalo lalamhla;

UJeremiya 26:18

UMika waseMoreshethi watshumayela ensukwini zikaHezekiya, inkosi yakoJuda, wathi kibo bonke abantu bakoJuda: INkosi yamabandla ithi: IZiyone lizalinywa njengensimu; iJerusalema libe lunxiwa oludilikileyo, lentaba okwakhiwe kuyo ithempeli ibe lisandle.

UJeremiya 26:9

Kungani utshumayela ngebizo leNkosi usithi: Lindlu izakuba njengeShilo, lomuzi lo uzakuba yinkangala, kungabi lamuntu na? Bonke abantu bambuthanela uJeremiya ethempelini.

UJeremiya 34:22

Khangelani, ngizakulaya, kutsho iNkosi, ngibabuyise kulumuzi; bazakulwa lawo, bawuthumbe, bawutshise ngomlilo, ngichithe imizi yakoJuda ibe yinkangala engelamuntu.

UJeremiya 4:27

Ngoba iNkosi ithe: Ilizwe lonke lizachitheka, kodwa kangizukuliqeda ngokupheleleyo.

UJeremiya 44:2

lathi: INkosi yamabandla, uNkulunkulu kaIsrayeli, ithi: Likubonile konke okubi engakwehlisela phezu kweJerusalema laphezu kwayo yonke imizi yakoJuda. Lamhla iyinkangala, kakulamuntu ohlala khona,

UJeremiya 49:33

IHazori lizakuba yindawo yamakhanka, libe yinkangala kokuphela, kakuyikwakha muntu khona, ahlale khona.

UJeremiya 50:3

Ngoba kuzile kulo isizwe esivela enyakatho, esizachitha ilizwe lalo, abantu lenyamazana kuzabaleka, kungabi khona ohlala kulo.

UJeremiya 51:37

IBabiloni lizakuba lunxiwa oludilikileyo, lendawo yamakhanka, into eyesabekayo leyokuncifelwa, kungabi khona ohlala khona.

UJeremiya 8:22

Kakulamuthi eGileyadi na? Kayikho yini inyanga khona? Pho, abantu bami kabasili ngani na?

Izililo 1:4

Imigwaqo eya eZiyone iyalila, ngoba kakho ozayo kulo emikhosini emisiweyo. Emasangweni alo kakulabantu, labapristi balo bayabubula. Intombi zalo ziyahlupheka. Liyahlupheka kakhulu.

Izililo 2:2

INkosi ichithile yonke imizi kaJakobe ingayihawukeli. Ekuthukutheleni kwayo idilizile izinqaba zakoJuda. Yaphosela phansi yangcolisa umbuso lamakhosi awo.

Izililo 3:47

Phambi kwethu kukhona umjibila lomgodi, ukuchitheka lokufa.

ULevi 26:32

Ngizakuchitha ilizwe ukuba izitha zenu ezihlala kulo zimangaliswe yilo.

UMikha 1:6

Ngakho ngizadiliza iSamariya ngilenze libe yindawo yezivini, ngiphosele amatshe alo esihotsheni, ngiphande izisekelo zalo.

UMikha 3:12

Ngakhoke ngenxa yenu iZiyone lizalinywa njengensimu, leJerusalema libe lunxiwa oludilikileyo, lentaba yethempeli iphenduke ibe lihlathi.

UMikha 6:16

Ngoba ligcinile izimiso zikaOmri, lenzile yonke imisebenzi yendlu kaAhabi, lahamba ngamacebo abo, ngakho ngizalichitha, labakhileyo benu babe yinhlekisa; lizakweyiswa ngabantu.

UDutheronomi 29:23

lonke ilizwe elitshiswe yisolufa letshwayi, elingelakho okuhlanyelweyo lokumilayo, lotshani, elichithwe njengeSodoma leGomora leAdima leZoboyimi, imizi eyachithwa yiNkosi ngentukuthelo yayo lolaka lwayo,

Isambulo 18:2

Samemeza ngelizwi elikhulu sisithi: Liwile, liwile iBabiloni elikhulu! Seliyindawo yokuhlala omoya ababi, indawo yokuhlala omoya bonke abangcolileyo lezinyoni zonke ezingcolileyo lezizondekayo;