UJeremiya 9:10 - iBhayibhili Elingcwele 1978

¹⁰ Ngizakhala ngililele izintaba, lamadlelo asenkangala, ngoba kuchithiwe, kakusekho ohamba khona, kakusezwakali ukukhala kwezinkomo, inyoni zaphezulu lenyamazana zibalekile zahamba.

IBhayibhili Elingcwele LesiNdebele

¹⁰ Ngizakhala ngililele izintaba ngibuye ngililele lamadlelo asenkangala. Atshabalele njalo kakho ohambela kuwo, lokubhonsa kwezinkomo akuzwakali. Izinyoni zasemoyeni sezibalekile, lezinyamazana kazisekho.

UJeremiya 9:10 ပူးပေါင်းရင်းမြစ်များ

U-Isaya 41:15

Ngizakukwenza ukuba ube lubhulo olutsha olulenhlendla ezibukhali; uzakubhula izintaba uzibhidlize, wenze amaqaqa abe njengothuli;

U-Isaya 49:19

Ilizwe lakho lachithwa laba ngamanxiwa; kodwa khathesi lizaminyana kakhulu ngalabo abazehlala kulo. Laba abakuchithayo bazaxotshwa kuwe babe khatshana.

UJeremiya 12:10

Abelusi abanengi basichithile isivini sami, basinyathezela phansi isabelo sami, isabelo sami esihle basenza saba yinkangala engelalutho.

UJeremiya 12:11

Basenzile saba yinkangala, sichithekile, siyakhala kimi; ilizwe lonke lichithekile, kodwa kakulamuntu ozihlupha ngakho.

UJeremiya 12:4

Koze kube nini ilizwe likhala, lotshani bonke beganga bubuna na? Ngenxa yobubi balabo abakhileyo khona inyamazana lenyoni ziyabhubha, ngoba abantu bathi: INkosi kayiyikubona esikwenzayo.

UJeremiya 14:6

Lobabhemi beganga bayema emadundulwini angelalutho, baphembele umoya njengamakhanka, lamehlo abo afiphale, ngoba kungelatshani.

UJeremiya 2:15

Izilwane sezimbhongele, zakhonya kakhulu. Zenza ilizwe lakhe laba yinkangala, lemizi yakhe ingamanxiwa, kayiselamuntu.

UJeremiya 2:6

Kabatshongo ukuthi: Ingaphi iNkosi eyasikhupha elizweni laseGibithe, yasikhokhela enkangala, elizweni elilugwadule lelilemigodi, elizweni elomileyo elimnyama kakhulu, elizweni elingahanjwa muntu, lalapho kungahlali muntu khona na?

UJeremiya 23:10

Ngoba ilizwe ligcwele izifebe; ngenxa yesiqalekiso seNkosi ilizwe liyakhala, lamadlelo enkangala omile. Indlela yabo yimbi, lamandla abo kawalunganga.

UJeremiya 50:3

Ngoba kuzile kulo isizwe esivela enyakatho, esizachitha ilizwe lalo, abantu lenyamazana kuzabaleka, kungabi khona ohlala kulo.

UJeremiya 7:29

Gelani inwele zenu, lizilahle, lina bantu baseJerusalema; lilile emadundulwini angelalutho; ngoba iNkosi isalile yasilahla isizukulwana esivuse ulaka lwayo.

UJeremiya 8:18

Kangilakududuzeka osizini lwami, inhliziyo yami iyagula phakathi kwami.

Izililo 1:16

Ngiyakhala ngenxa yalokho, amehlo ami ajuluka inyembezi; ngoba umduduzi ukhatshana lami obezakungimisa isibindi. Abantwana bami bachithekile ngoba isitha sinqobile.

Izililo 2:11

Amehlo ami asediniwe yikukhala, imibilini yami idungekile. Inhliziyo yami idabukile ngosizi ngenxa yokuchitheka kwabantu bami, ngoba ingane labamunyayo bafela endleleni zomuzi.

Izililo 5:18

ngoba intaba yaseZiyone isisele ize, ihanjwa ngamakhanka.

UHezekhiyeli 14:15

Loba ngidlulisa phakathi kwelizwe izilo zeganga, ziliphange, lize libe yinkangala, ukuze kungadluli muntu kilo ngenxa yezilo,

UHezekhiyeli 27:2

Wena ndoda, khala isililo ngeTire,

UHezekhiyeli 29:11

Kakusayikudlula muntu kilo, kakusayikudlula lanyamazana; kaliyikuhlalwa muntu iminyaka engamatshumi amane.

UHezekhiyeli 33:28

Ngizalichitha ilizwe libe yinkangala, lamandla alo aziphakamisayo azaphela, lentaba zakoIsrayeli zibe yinkangala ukuba kungadluli muntu kuzo.

UHezekhiyeli 6:6

Kuzo zonke indawo lapho lihlala khona imizi yenu izachitheka, lendawo zenu eziphakemeyo zokukhonzela zivalwe, lama‐altare enu adilike aphele nya, lezithombe zenu zibulawe ziphele, lama‐altare enu okutshisela impepha adilizwe, lemisebenzi yenu ibhidlizwe.

UHosiya 4:3

Ngakhoke ilizwe liyalila, labo bonke abahlala kilo baphela amandla, kanye lenyamazana zeganga lenyoni zaphezulu, lenhlanzi zolwandle ziyaphela.

UJoweli 1:13

Gqokani izambatho zokulila, likhale, lina bapristi, lilani, lina zikhonzi zasealtareni. Ngenani, lilale lambethe izambatho zokulila bonke ubusuku, lina zikhonzi zikaNkulunkulu wami. Ngoba umnikelo wempuphu lomnikelo wokunathwayo igodliwe ukunikelwa endlini kaNkulunkulu wenu.

UJoweli 1:19

Ngiyakhala kuwe, Nkosi, ngoba umlilo utshisile amadlelo, lamalangabi atshisa zonke izihlahla zeganga.

uAmosi 5:1

Zwanini lelilizwi engilitsho ngani, libe yisililo, lina ndlu kaIsrayeli.

uAmosi 5:16

INkosi uNkulunkulu wamabandla ithi: Emidangeni yenu yonke kuzakuba khona ukulila, lakuzo zonke indlela bazakuthi: Maye! Maye! Bazabiza abalimi ukuba balile, labakwaziyo ukukhala ukuba balile.

UMikha 2:4

Ngalolosuku bazahlabela ingoma eyinhlekisa ngani, bakhale isililo esikhulu, bathi: Ilizwe labantu bakithi labiwe; kakho ongalibuyisa kithi; labo abasithumbileyo basithathele amasimu ethu; sichithekile impela!

UMikha 3:12

Ngakhoke ngenxa yenu iZiyone lizalinywa njengensimu, leJerusalema libe lunxiwa oludilikileyo, lentaba yethempeli iphenduke ibe lihlathi.