UJeremiya 9:1 - iBhayibhili Elingcwele 1978

¹ Kungathi ngabe ikhanda lami lingamanzi, lamehlo ami angumthombo wenyembezi, ukuba ngikhalele ababuleweyo ebantwini bami emini lebusuku.

IBhayibhili Elingcwele LesiNdebele

¹ Awu, sengathi ngabe ikhanda lami lingumthombo wamanzi, lamehlo ami angumthombo wezinyembezi! Kade ngizakhala emini lebusuku ngikhalela abantu bami ababuleweyo.

UJeremiya 9:1 ပူးပေါင်းရင်းမြစ်များ

AmaHubo 119:136

Amehlo ami ehlisa inyembezi ezinengi, ngoba abantu kabagcini umlayo wakho.

AmaHubo 42:3

Inyembezi zami beziyikudla kwami emini lasebusuku, lapho abantu kokuphela besithi: Ungaphi uNkulunkulu wakho na?

AmaHubo 55:7

Yebo, bengingabalekela khatshana ngihlale enkangala.

U-Isaya 16:9

Ngakhoke ngiyakhalela amavini aseSibima, njengalokhu ngikhalela iJazeri; ngikuthela ngezinyembezi zami, wena Heshiboni lawe Eleyale; ngoba phakathi kwezithelo zenu lesivuno senu usuphelile umsindo wabavunayo.

U-Isaya 22:4

Ngakhoke ngasengisithi: Ungangikhangeli, ngiyekela ngikhale; ungazami ukungiduduza ngenxa yokuchitheka kwabantu bakithi.

UJeremiya 13:17

Kodwa lapho lingalaleli, ngizakhala ensitha ngenxa yokuziqhenya kwenu, ngizakhala kakhulu, lamehlo ami ehlise inyembezi, ngoba umhlambi weNkosi uthunjiwe.

UJeremiya 14:17

Uzakutsho lelilizwi kibo elokuthi: Amehlo ami kawehlise inyembezi ebusuku lemini zingakhawuli, ngoba abantu bami balimele kakhulu, balinyazwe yikutshaywa okubi.

UJeremiya 3:10

Kodwa kukho konke lokho udadewabo ongathembekanga uJuda kabuyanga kimi ngenhliziyo yonke, kuphela ngokuzenzisa nje, kutsho iNkosi.

UJeremiya 4:19

Ngilobuhlungu obukhulu, ngiyazitshila ngenxa yobuhlungu. Maye inhliziyo yami! Inhliziyo yami iyatshaya, kangilakuthula; ngoba ngizwile ukukhala kophondo, lomkhosi wempi.

UJeremiya 5:7

Ngingakuthethelela kanjani? Abantwana bakho bangihlamukele, bafunga labo abangesibo onkulunkulu. Ngabanika ukudla okunengi, kodwa bafeba, baya ezindlini zezifebe.

UJeremiya 6:26

Bantu bami, gqokani izambatho zokulila, libhuquze emlotheni, lenze isililo sibe njengesokulilela indodana eyodwa, lokukhala okubuhlungu. Ngoba umchithi uzakufika kithi masinyane.

UJeremiya 8:18

Kangilakududuzeka osizini lwami, inhliziyo yami iyagula phakathi kwami.

UJeremiya 9:18

baphangise ukusililela, ukuze amehlo ethu ehlise inyembezi, lenkophe zethu zimpompoze amanzi.

Izililo 2:11

Amehlo ami asediniwe yikukhala, imibilini yami idungekile. Inhliziyo yami idabukile ngosizi ngenxa yokuchitheka kwabantu bami, ngoba ingane labamunyayo bafela endleleni zomuzi.

UHezekhiyeli 22:12

Phakathi kwakho abantu bazuza imivuzo yokuthengwa ngokuchitha igazi; uyazinothisa ngokuthatha inzuzo lomvuzo kubomakhelwana bakho ngobuqili. Usungikhohliwe, kutsho iNkosi uNkulunkulu.

UHosiya 7:4

Bayizifebe bonke, banjengeziko elitshisayo, elingakhwezelwa ngumphekizinkwa, kusukela esikhathini sokuxova inhlama kuze kube sekubileni kwayo.