UJeremiya 8:22 - iBhayibhili Elingcwele 1978

²² Kakulamuthi eGileyadi na? Kayikho yini inyanga khona? Pho, abantu bami kabasili ngani na?

IBhayibhili Elingcwele LesiNdebele

²² Akulamuthi yini eGiliyadi? Kakho yini lomelaphi khona? Pho kungani kungekho kwelatshwa kwenxeba labantu bami na?

UJeremiya 8:22 ပူးပေါင်းရင်းမြစ်များ

UGenesisi 37:25

Basebehlala phansi ukuba badle. Baphakamisa amehlo abo, babona ixuku lamaIshmayeli livela eGileyadi, lisiya eGibithe, lilamakamela alo ethwele inhlaka lamakha lemure.

UGenesisi 43:11

Uyise uIsrayeli wathi kubo: Uba kunjalo, yenzani lokhu; fakani emasakeni enu izithelo ezikhethiweyo zelizwe, limphathele lowomuntu isipho, amakha ayingcosana lenyosi eziyingcosana, inhlaka lemure, lezinye izithelo ezimnandi;

UJeremiya 14:19

Usumlahlile impela uJuda yini, leZiyone liyakunenga na? Usitshayeleni singabi lakusiliswa na? Salindela ukuthula, kodwa kakuvelanga okuhle. Sahlalela isikhathi sokwelatshwa, kodwa kwavela ukwesaba.

UJeremiya 22:6

Ngoba iNkosi ithi mayelana lendlu yenkosi yakoJuda: Wena ufana leGileyadi kimi lengqonga yaseLebanoni, kodwa impela ngizakukwenza ube njengenkangala, ube njengomuzi ongahlalwa muntu.

UJeremiya 46:11

Yana eGileyadi, uyedinga umuthi, wena Gibithe. Lokhu eyakho yonke iyize, ngoba kawusili.

UJeremiya 51:8

IBabiloni seliwile masinyane, lachitheka; likhaleleni, lilidingele umuthi wezilonda, mhlawumbe lingasila.

UJeremiya 6:7

Njengomthombo ogobhoza amanzi awo, ngokunjalo ugobhoza ububi bawo; isihluku lokubhubhisa kuzwakala phakathi kwawo; ukugula lamanxeba kuhlala kukhona phambi kwami.

UJeremiya 9:1

Kungathi ngabe ikhanda lami lingamanzi, lamehlo ami angumthombo wenyembezi, ukuba ngikhalele ababuleweyo ebantwini bami emini lebusuku.

UJeremiya 9:11

Ngizalenza iJerusalema libe lunxiwa oludilikileyo lendawo yamakhanka, ngenze imizi yakoJuda ibe yinkangala engelamuntu.

Izililo 2:13

Ngingathini ngawe na? Ngingakufanisa ngani, wena Jerusalema na? Ngingakufanisa ngani ukuba ngikududuze, wena Ziyone na? Ngoba ukuchitheka kwakho kukhulu njengolwandle. Ngubani ongakwelapha na?

UHezekhiyeli 27:17

UJuda lelizwe lakoIsrayeli bathengiselana lawe, benana impahla zakho ngamabele aseMinithi, langempuphu, langenyosi, langamafutha, langamakha.

AmaNani 32:1

AbakoRubeni labakoGadi babelezinkomo ezinenginengi. Babona ukuthi amazwe aseJazeri lelizwe laseGileyadi ayezindawo zokwalusela.

ULukha 8:43

Owesifazana owayelomopho iminyaka elitshumi lambili, engelakusiliswa ngumuntu,