UJeremiya 8:16 - iBhayibhili Elingcwele 1978

¹⁶ Ukuthimula kwamabhiza ezitha kuyezwakala koDani; ekuzwakaleni komsindo wokukhala kwamabhiza amaduna ilizwe lonke liyathuthumela. Ngoba zifikela ukudla ilizwe, lakho konke okukulo, umuzi labahlala kiwo.

IBhayibhili Elingcwele LesiNdebele

¹⁶ Ukuthimula kwamabhiza esitha kuyezwakala kuvelela koDani, ekukhaleni kwamabhiza amaduna ilizwe lonke liyaqhaqhazela. Zilande ukuzatshwabadela ilizwe lakho konke okukulo, idolobho labo bonke abahlala kulo.

UJeremiya 8:16 ပူးပေါင်းရင်းမြစ်များ

UJobe 39:20

Uyalenza leqe njengentethe na? Ukukhala kwalo okukhulu kuyethusa indawo zonke.

AmaHubo 24:1

Umhlaba ungoweNkosi kanye lakho konke okukuwo, ilizwe kanye labakhileyo kulo.

UJeremiya 10:25

Yehlisela ulaka lwakho phezu kwezizwe ezingakwaziyo, laphezu kwabantu abangakhuleki ebizweni lakho; ngoba bamdlile uJakobe, bamdlile bamqeda, bawuchitha umuzi wakhe.

UJeremiya 3:24

UBali, into elehlazo iqedile wonke umsebenzi wabokhokho kusukela ebutsheni bethu, izimvu zabo lenkomo zabo, amadodana abo lamadodakazi abo.

UJeremiya 30:16

Ngalokhoke bonke abakudlayo bazakudliwa, lezitha zakho zonke zizathunjwa, labakuphangayo bazakuphangwa, labo bonke abakwamukayo bazakwamukwa.

UJeremiya 30:5

yathi: Sizwile ilizwi lokwethuka, lelokwesaba, lelokuswela ukuthula.

UJeremiya 4:24

Ngakhangela izintaba, zazinyikinyeka, lamaqaqa wonke ayenyakazela.

UJeremiya 4:7

Isilwane siphumile ehlathini laso, umchithi wezizwe uyeza, uphumile endaweni yakhe ukuba achithe ilizwe lakho; lemizi yakho izakuba ngamanxiwa, kungabi khona umuntu kuyo,

UJeremiya 47:3

Ngomsindo wokugidiza kwamasondo amabhiza akhe, langomdumo wenqola zakhe zempi, langomdumo wamasondo azo, oyise kabanyemukuli abantwana babo ngenxa yobuthakathaka babo,

UJeremiya 5:17

Bazakudla amabele akho lokudla kwakho, badle amadodana akho lamadodakazi akho, badle izimvu zakho lenkomo zakho, badle amavini akho lemikhiwa yakho; lemizi yakho ebiyelweyo othembela kiyo, bazayichitha.

UJeremiya 50:42

Baphethe imitshoko lemikhonto, balesihluku, kabalasihawu. Umdumo wabo unjengowolwandle, bagade amabhiza, behleliwe njengabantu bokulwa lawe, Babiloni.

UJeremiya 51:29

Ilizwe liyathuthumela, liqhaqhazele, ngoba icebo leNkosi limelana leBabiloni, ukuba yenze ilizwe leBabiloni libe yinkangala engelamuntu.

UJeremiya 6:23

Baphethe imitshoko lemikhonto, balesihluku, kabalasihawu, lomdumo wabo unjengokuduma kolwandle; bagade amabhiza, behleliwe njengabantu abayakulwa, behlelelwe ukulwa lawe, Ziyone.

UNahume 3:2

Zwanini ukukhala kwesiswepu lomsindo wokugedlezela kwamavili, lowamabhiza amathayo, lowenqola zokulwa ezigijimayo.

UHabhakhukhi 3:10

Intaba zakubona wena, zathuthumela, lezikhukhula zamanzi zedlula; amanzi amanengi akhupha ilizwi lawo, aphakamisela izandla zawo phezulu.

1 AbaseKhorinte 10:26

ngoba umhlaba ungoweNkosi, lakho konke okukuwo.

1 AbaseKhorinte 10:28

Kodwa uba umuntu esithi kini: Lokhu kuhlatshelwe izithombe; lingakudli ngenxa yalowo okutshiloyo langenxa yesazela;

Abahluleli 18:29

Basebewutha ibizo lokuthi yiDani ngebizo likakhokho wabo uDani owazalwa koIsrayeli. Kodwa lona ibizo lalowomuzi kuqala laliyiLayishi.

Abahluleli 20:1

Bonke abakoIsrayeli baphuma kusukela eDani kusiya eBerisheba kanye lelizwe leGileyadi, ibandla lonke labuthana njengamuntu munye eNkosini eMizipa.

Abahluleli 5:22

Aseduma amasondo amabhiza ngokugadula, ukugadula kwamabhiza akhe.