UJeremiya 8:14 - iBhayibhili Elingcwele 1978

¹⁴ Silindelani na? Wozani, singene emizini ebiyelweyo, sibhubhele khona. Ngoba iNkosi uNkulunkulu wethu isimisele ukubhubha, isinikile amanzi abulalayo ukuze siwanathe, ngoba sonile eNkosini.

IBhayibhili Elingcwele LesiNdebele

¹⁴ Pho sihlaleleni lapha? Buthanini! Kasibalekeleni emadolobheni avikelweyo siyebhubhela khona! Ngoba uThixo uNkulunkulu wethu usesilahlele ekubhubheni wasinika amanzi aletshefu ukuba sinathe, ngoba sonile kuye.

UJeremiya 8:14 ပူးပေါင်းရင်းမြစ်များ

2 USamuyeli 20:6

UDavida wasesithi kuAbishayi: USheba indodana kaBikiri isizakwenza okubi kakhulu ukudlula okukaAbisalomu; thatha inceku zenkosi yakho, uxotshane laye, funa azuze imizi ebiyelweyo, aphunyuke.

AmaHubo 39:2

Ngathula ngathi zwi; ngathula, kakwaze kwasiza lutho; ukuhlupheka kwami kwakhula,

AmaHubo 69:21

Bangipha itshefu ibe yikudla kwami, ekomeni kwami banginathisa iwayini elimunyu.

U-Isaya 47:5

Hlala uzithulele, ungene emnyameni, wena Kaladiya; ngoba kawusayikubizwa ngokuthi uyinkosikazi yemibuso.

UJeremiya 14:20

Siyakuvuma ukona kwethu, Nkosi, lobubi babokhokho bethu, ngoba sonile kuwe.

UJeremiya 14:7

Loba izono zethu zisilahla, sebenza, wena Nkosi, ngenxa yebizo lakho; ngoba sihlamukile kanengi, sonile kuwe.

UJeremiya 23:15

Ngakho iNkosi yamabandla ithi mayelana labaprofethi: Khangela, ngizabanika ukuba badle umhlonyane, ngibanathise amanzi abulalayo; ngoba kusukela kubaprofethi baseJerusalema ububi buphumele kilo lonke ilizwe.

UJeremiya 3:25

Asilale phansi silenhloni, sibanjwe zinhloni zethu; ngoba sonile eNkosini uNkulunkulu wethu, thina labokhokho, kusukela ebutsheni bethu kuze kube lamuhla; kasilalelanga ilizwi leNkosi uNkulunkulu wethu.

UJeremiya 35:11

Kodwa kwathi lapho uNebukadineza inkosi yaseBabiloni ifika ukuhlasela ilizwe, sathi: Asihambeni siye eJerusalema, sibalekele impi yamaKaladiya lempi yamaSiriya. Sezakhe eJerusalema.

UJeremiya 9:14

belandela inhliziyo zabo ezilenkani bedinga oBali, njengokufundiswa kwabo ngoyise.

UJeremiya 9:15

Ngakhoke iNkosi yamabandla, uNkulunkulu kaIsrayeli, ithi: Ngizabanika lababantu umhlonyane ukuba bawudle, banathe amanzi abulalayo.

Izililo 3:19

Nxa ngikhumbula ukuhlupheka kwami lobuhlungu bami, kubaba njengomhlonyane lenyongo.

ULevi 10:3

UMose wasesithi kuAroni: Yikho lokhu iNkosi eyakutsho isithi: Ngizakuzibonakalisa ukuthi ngingcwele ngalabo abaseduze lami, futhi ngizakuba lodumo phambi kwabantu bonke. UAroni wathula.

uAmosi 6:10

Lapho isihlobo somunye wawo esitshisa amathambo akhe sithatha amathambo ukuba siwakhuphe endlini, sithi kophakathi endlini impela: Kusekhona omunye umuntu olawe na? Yena uzakuthi: Atshi. Thula, ungaliphathi ibizo leNkosi.

UHabhakhukhi 2:20

Kodwa iNkosi isethempelini layo elingcwele; umhlaba wonke kawuthule phambi kwayo.

UZakhariya 2:13

Thulani, bantu lonke, phambi kweNkosi, ngoba ivukile, yaphuma endaweni yayo engcwele.

UMatewu 27:34

bamnika iwayini elixutshaniswe lenyongo; kodwa kuthe ukuba alizwe, kaze athanda ukulinatha.

UDutheronomi 29:18

Qaphelani, funa kube khona phakathi kwenu umuntu, umuzi ingabe isizwe, okulenhliziyo efulathela iNkosi uNkulunkulu wethu lamhla ukuyakhonza onkulunkulu balezozizwe. Qaphelani, funa kube khona phakathi kwenu impande ethela izithelo ezibabayo lezilobuhlungu,

UDutheronomi 32:32

Ivini labo livela evinini laseSodoma, emasimini aseGomora; izithelo zesivini sabo yizithelo ezilobuhlungu, amahlukuzo abo amunyu;