UJeremiya 8:12 - iBhayibhili Elingcwele 1978

¹² Babelenhloni yini lapho besenza amanyala? Atshi, kababanga lanhloni lakanye, kabayangekanga. Ngalokhoke bazakuwa phakathi kwabawayo; ngesikhathi sokubatshaya kwami bazachitheka, kutsho iNkosi.

IBhayibhili Elingcwele LesiNdebele

¹² Kambe bayayangeka na ngokuziphatha kwabo okunengisayo? Hatshi, bavele kabalazo inhloni, lokuyangeka kabakwazi. Ngakho bazawela phakathi kwabawileyo, bazakwehliselwa phansi lapho sebejeziswa, kutsho uThixo.

UJeremiya 8:12 ပူးပေါင်းရင်းမြစ်များ

UGenesisi 19:34

Kwathi ngakusisa enkulu yathi kwencinyane: Khangela, bengilele lobaba izolo; asiphinde simnathise iwayini langalobubusuku, ungene wena ulale laye, ukuze sizizuzele inzalo kubaba.

AmaHubo 52:1

Uzincomelani ngokubi okwenziwa phezu kolungileyo, wena qhawe na?

AmaHubo 52:7

Khangelani, nangu umuntu ongamenzanga uNkulunkulu abe yisiphephelo sakhe, kodwa wathemba inotho yakhe enkulu, wathembela ekwenzeni okubi.

U-Isaya 24:2

Okuzakwenziwa ebantwini kuzakwenziwa lakumpristi; okuzakwenziwa esigqilini kwenziwe lasenkosini yaso; okuzakwenziwa encekukazini kwenziwe enkosikazini yayo; okuzakwenziwa kumthengi kwenziwe kumthengisi; okuzakwenziwa kumbolekisi kwenziwe kobolekayo; okuzakwenziwa kumniki wesikwelede kwenziwe kokweledayo.

U-Isaya 3:9

Ukubandlulula kwabo kuyafakaza ngabo; benza izono zabo obala njengeSodoma, kabazifihli. Maye kibo! Ngoba bazehlisela okubi.

UJeremiya 10:15

Ziyize nje, zingumsebenzi wenkohliso; ngesikhathi sokutshaywa kwazo ziyabhubha.

UJeremiya 14:15

Ngalokhoke iNkosi ithi mayelana labaprofethi abatshumayela ngebizo lami bona ngingabathumanga, abathi: Impi lendlala kakuyikufika kulelilizwe. Labobaprofethi bazaqedwa ngumkhonto lendlala;

UJeremiya 23:12

Ngalokhoke indlela yabo izakuba njengezindlela ezitshelelayo emnyameni, abazakusunduzelwa kizo, bawe; ngoba ngizabalethela okubi ngomnyaka wokutshaywa kwabo, kutsho iNkosi.

UJeremiya 3:3

Ngenxa yalokho izihlambo zinqandiwe, lezulu lentwasa kalinanga. Kanti ulesibindi sesifebe, kawulanhloni.

UJeremiya 44:10

Kalizithobanga kuze kube lamhla, futhi kalesabanga, kalihambanga ngomlayo wami langezimiso zami engazibeka phambi kwenu laphambi kwabokhokho benu.

UJeremiya 6:15

Babelenhloni yini lapho besenza amanyala? Atshi, kababanga lanhloni lakanye, kabayangekanga. Ngalokhoke bazakuwa phakathi kwabawayo; ngesikhathi sokubatshaya kwami bazachitheka, kutsho iNkosi.

UJeremiya 6:21

Ngalokhoke, iNkosi ithi: Ngizabekela lababantu izikhubekiso ukuba bakhubeke; oyise labantwana bazabhubha omakhelwana kanye lomngane.

UHezekhiyeli 23:18

Lapho ewula ngokusobala, echaya ubunqunu bakhe, ngamtshiya senginengwe nguye njengalokhu ngamtshiya udadewabo.

UHosiya 5:9

UEfrayimi uzachitheka osukwini lokutshaywa; phakathi kwezizwe zakoIsrayeli ngiyatshengisa okuliqiniso.

UZefaniya 3:5

INkosi iphakathi kwawo ilungile, kayenzi okubi; insuku zonke ekuseni iyenza okufaneleyo, futhi kayiphuthi; kodwa omubi kalanhloni.

UDutheronomi 32:35

Ngokwami ukuphindisela lokubuyisela, ngesikhathi sokutshelela kwenyawo zabo; ngoba usuku lwabo lwengozi selusondele, lokho abakulungiselweyo kuzafika masinyane.

AbaseFiliphi 3:19

ukuphela kwabo kuyikubhujiswa, unkulunkulu wabo uyisisu, lodumo lwabo lusehlazweni labo, bathanda izinto zomhlaba.