UJeremiya 8:10 - iBhayibhili Elingcwele 1978

¹⁰ Ngalokhuke omkabo ngizabanika abanye, lamasimu abo ngiwanike abanqobi, ngoba kusukela kwabancinyane kuze kufike kwabakhulu bonke bayizihwaba zenzuzo embi, labaprofethi labapristi bonke bayakhohlisa.

IBhayibhili Elingcwele LesiNdebele

¹⁰ Ngakho abafazi babo ngizabapha amanye amadoda lamasimu abo abe ngawabanye abatsha. Kusukela kwabancane kusiya kwabakhulu, bonke bayizihwaba ezifuna inzuzo, banjalo abaphrofethi kanye labaphristi, bonke benza inkohliso.

UJeremiya 8:10 ပူးပေါင်းရင်းမြစ်များ

UJobe 31:10

umkami kacholele omunye, amanye amadoda alale laye.

U-Isaya 28:7

Lalaba bayadakwa liwayini, badayizele ngenxa yotshwala; umpristi lomprofethi badakwa ngutshwala, baphambene ngenxa yewayini, badayizele ngenxa yotshwala; ngakho abaprofethi baphambanisa imibono, labapristi bakhubeke ekwahluleleni kwabo.

U-Isaya 57:17

Ngenxa yobubi bukaIsrayeli obukhulu ngathukuthela, ngamtshaya ekuthukutheleni kwami, ngamlahla; kodwa kwaqhubeka ukuhlamuka kwakhe.

UJeremiya 14:14

INkosi yathi kimi: Abaprofethi batshumayela amanga ngebizo lami. Kangibathumanga, kangibalayanga, kangikhulumanga kibo; batshumayela kini imibono yamanga, lokuvumisa okuyize, lenkohliso yengqondo zabo.

UJeremiya 14:18

Uba ngiphumela ngaphandle, kugcwele khona ababulewe empini. Uba ngingena emzini, ngibona khona abantu ababulawa yindlala. Abaprofethi labapristi bahamba besenza umsebenzi wabo, kodwa bengazi ukuthi benzani.

UJeremiya 17:11

Njengenkwali efukamela amatsiyane engawazalanga, kunjaloke lowomuntu ozuze inotho ngokungalungi; phakathi kwensuku zakhe izamtshiya, abe yisithutha ekucineni.

UJeremiya 22:17

Kodwa wena, amehlo akho lenhliziyo yakho kusekuphangeni kuphela, lasekuchitheni igazi elingelacala, lasekucindezeleni lekwenzeni okubi.

UJeremiya 32:32

ngenxa yabo bonke ububi amadodana akoIsrayeli lawakoJuda abenza ukungithukuthelisa, ngitsho amakhosi abo lezikhulu zabo, abapristi babo labaprofethi babo, abantu bakoJuda labakhileyo eJerusalema.

UJeremiya 38:22

Bonke abesifazana abasele endlini yenkosi yakoJuda bazakhutshelwa ezikhulwini zenkosi yaseBabiloni, bathi: Abangane bakho abathembekileyo bakukhohlisile, bakwahlula; kodwa lapho inyawo zakho sezitshone odakeni, bazakubalekela.

UJeremiya 42:1

Zasezisondela zonke induna zempi, loJohanani indodana kaKareya, loAzariya indodana kaHoshaya, labo bonke abantu abancinyane labakhulu,

UJeremiya 5:31

abaprofethi batshumayela amanga, labapristi babusa ngokululeka kwabaprofethi; abantu bami bayakuthanda lokhu. Kodwa lizakwenza njani ekupheleni na?

Izililo 4:13

Kwakungenxa yezono zabaprofethi balo lobubi babapristi balo, ababechitha igazi labalungileyo phakathi kwalo.

UHezekhiyeli 33:31

Ngakho abantu bami bayeza kuwe, bahlale phambi kwakho, bezwe okutshoyo, kodwa kabayikukwenza. Ngoba bathanda ngomlomo wabo, kodwa inhliziyo zabo zisenzuzweni yabo.

uAmosi 5:11

Ngenxa yokuba linyathezela phansi abayanga, libize kibo isipho samabele, kaliyikuhlala kuzo izindlu zamatshe abaziweyo elizakhileyo; lihlanyela izivini ezinhle, kodwa kaliyikunatha iwayini lazo.

UMikha 2:4

Ngalolosuku bazahlabela ingoma eyinhlekisa ngani, bakhale isililo esikhulu, bathi: Ilizwe labantu bakithi labiwe; kakho ongalibuyisa kithi; labo abasithumbileyo basithathele amasimu ethu; sichithekile impela!

UMikha 3:11

Inhloko zalo zahlulelela imali, abapristi balo bafundisela inkokhelo, abaprofethi balo bavumisela imali; kanti bathembela eNkosini besithi: INkosi kayikho phakathi kwethu na? Ngakhoke kasiyikwehlelwa ngokubi.

UMikha 3:5

INkosi ithi ngabaprofethi abaduhisa abantu bami, ababathembisa ukuthula lapho besazuza ukudla, kodwa lowo ongabaniki ukudla balwe laye:

UHabhakhukhi 1:6

Ngoba, khangelani, ngivusa amaKaladiya, isizwe esilesihluku lesilamandla, esidabula emhlabeni wonke ukuyathumba indawo zokuhlala ezingeyisizo ezaso.

UZefaniya 1:13

Impahla yabo izakuphangwa, lezindlu zabo zidilizwe. Loba besakha izindlu, kabayikuhlala kuzo, loba belima izivini, kabayikunatha iwayini lazo.

UThithu 1:11

okumele ukuba bathuliswe, lokhu bechitha imizi ngokufundisa okungafanelanga befuna inzuzo.

UThithu 1:7

Ngoba umalusi webandla uyinceku kaNkulunkulu, kumele abe ngongasolekiyo longaziqakisiyo, longathukutheli masinyane, longesiso isidakwa, longathandi ukulwa, longafisi inzuzo.