UJeremiya 7:34 - iBhayibhili Elingcwele 1978

³⁴ Ngizaqeda emizini yakoJuda lezindleleni zaseJerusalema umsindo wokujabula lowokuthokoza, lelizwi lomyeni lelomlobokazi, ngoba ilizwe lizakuchitheka.

IBhayibhili Elingcwele LesiNdebele

³⁴ Ngizaqeda imisindo yokuthokoza leyenjabulo emadolobheni akoJuda lasemigwaqweni yaseJerusalema, lokuthaba lelizwi lomlobokazi lelomyeni, ngoba ilizwe lizachitheka.’ ”

UJeremiya 7:34 ပူးပေါင်းရင်းမြစ်များ

UJobe 3:7

Yebo, lobobusuku bube yize, kungazwakali ilizwi lokuthokoza kubo.

AmaHubo 78:63

Umlilo waqeda insizwa zabo, lezintombi zabo kazendanga.

U-Isaya 1:7

Ilizwe lakini lichithekile, lemizi yenu itshiswe ngomlilo; umhlaba wenu udliwa ngabezizwe phambi kwenu, lichithekile, lichithwa ngabafo.

U-Isaya 3:26

Emasangweni eZiyone kuzakuba khona ukukhala lokulila, lona lizakuba njengowesifazana ohlezi phansi eze.

U-Isaya 6:11

Ngasengisithi: Kuze kube nini, Nkosi, na? Yona yathi: Kuze kuchitheke imizi, kusale kungaselamuntu kiyo, lezindlu zisale zingaselabantu, lelizwe lichitheke lithi nya,

UJeremiya 16:9

Ngoba iNkosi yamabandla, uNkulunkulu kaIsrayeli, ithi: Ensukwini zenu, phambi kwenu, ngizakwenza ukuba umsindo wokuthokoza uphele kulindawo, lowokujabula, lelizwi lomyeni lelomlobokazi.

UJeremiya 22:6

Ngoba iNkosi ithi mayelana lendlu yenkosi yakoJuda: Wena ufana leGileyadi kimi lengqonga yaseLebanoni, kodwa impela ngizakukwenza ube njengenkangala, ube njengomuzi ongahlalwa muntu.

UJeremiya 25:10

Ngizaqeda phakathi kwabo umsindo wokuthokoza lowokujabula, lelizwi lomyeni lelomlobokazi, lomsindo wokuchola kwelitshe, lokukhanya kwesibane.

UJeremiya 27:17

Lingabalaleli; sebenzelani inkosi yaseBabiloni ukuze lisile. Uzachithelwani lumuzi na?

UJeremiya 33:10

INkosi ithi: Kulindawo elithi iyinkangala engelamuntu lenyamazana, emizini yakoJuda lasezindleleni zeJerusalema eziyinkangala engelamuntu lenyamazana, kuzakuzwakala futhi

UJeremiya 33:11

ilizwi lokuthaba lelizwi lokuthokoza, ilizwi lomyeni lelomlobokazi, lelizwi labahlabelayo lapho beletha iminikelo yabo yokubonga ethempelini lami besithi: Bongani iNkosi yamabandla, ngoba ilungile, ngoba uthando lwayo olungapheliyo lumi kuze kube nininini. Ngoba ngizabuyisa abantu belizwe babe njengakuqala, kutsho iNkosi.

UJeremiya 4:26

Ngakhangela, ngabona ukuthi ilizwe elivundileyo liyinkangala, lemizi yalo yonke yayidiliziwe phambi kweNkosi, laphambi kolaka lwayo oluvuthayo.

UJeremiya 4:27

Ngoba iNkosi ithe: Ilizwe lonke lizachitheka, kodwa kangizukuliqeda ngokupheleleyo.

UJeremiya 44:6

Ngakho ulaka lwami lokuthukuthela kwami kwavutha emizini yonke yakoJuda lasezindleleni zeJerusalema; zaphenduka zaba yinkangala, zachitheka njengalamhla nje.

Izililo 5:14

Abadala sebatshiya inkundla, lensizwa zayekela ukuhlabela.

UHezekhiyeli 26:13

Ngizaqeda ukuhlatshelwa kwengoma zakho, lokukhala kwamachacho akho kakusayikuzwakala futhi.

UHezekhiyeli 7:11

isihluku sikhule saba yibubi. Kakuyikusala lutho lwabo, lasenothweni yabo, lasezifuyweni zabo, lasebukhosini babo.

UHosiya 2:11

Ngizaqeda konke ukuthokoza kwakhe, amadili akhe, lokuthwasa kwenyanga, lamaSabatha akhe, lemikhosi yakhe yonke emisiweyo.

UHosiya 2:13

Ngizamtshaya ngenxa yezinsuku zemikhosi yaboBali, ayebatshisela ngazo impepha, ezicecisa ngamasongo langamangqongqo, walandela izithandwa zakhe, wangikhohlwa, kutsho iNkosi.

ULevi 26:33

Ngizakulihlakazela ezizweni, ngihwatshe umhedla ngilixotshe; ilizwe lakini lizakuba yincithakalo, lemizi yenu ichitheke.

UMikha 7:13

Kodwa ilizwe lizachitheka ngenxa yobubi babakhileyo kilo.

Isambulo 18:23

lokukhanya kwesibane kakusayikukhanya phakathi kwakho; lelizwi lomyeni lomlobokazi kalisayikuzwakala phakathi kwakho; ngoba abathengisi bakho bebeyizikhulu zomhlaba, lezizwe zonke zikhohliswe yikuthakatha kwakho.