UJeremiya 7:31 - iBhayibhili Elingcwele 1978

³¹ Bakhile indawo ephakemeyo yokukhonzela eTofethi, esesihotsheni seBeni‐Hinomu, ukuba batshise amadodana lamadodakazi abo ngomlilo, into engingabalayanga yona lengingacabanganga ngayo.

IBhayibhili Elingcwele LesiNdebele

³¹ Sebakhe izindawo eziphakemeyo zaseThofethi esigodini saseBheni-Hinomu ukuba batshisele khona amadodana lamadodakazi abo ngomlilo, into engingabalayanga yona, engazange ifike engqondweni yami.

UJeremiya 7:31 ပူးပေါင်းရင်းမြစ်များ

2 AmaKhosi 17:17

Batshisa amadodana lamadodakazi abo abe yiminikelo, bavumisa bathakatha, bazinikela ekwenzeni okubi phambi kweNkosi beyithukuthelisa.

2 AmaKhosi 23:10

Wangcolisa iTofethi elisesihotsheni saseBeni‐Hinomu ukuze kungabi khona umuntu otshisa indodana yakhe kumbe indodakazi yakhe ibe ngumnikelo kunkulunkulu uMoloki.

2 AmaKhosi 23:20

Wabulalela abapristi bezindawo eziphakemeyo zokukhonzela phezu kwama‐altare, watshisela amathambo abantu phezu kwawo. Wasebuyela eJerusalema.

2 ImiLando 28:3

watshisa impepha esihotsheni saseBeni‐Hinomu, watshisa lamadodana akhe aba ngumnikelo, elingisa amanyala enziwa yizizwe iNkosi eyazixotsha phambi kwabakoIsrayeli.

2 ImiLando 33:6

Watshisa abantwana bakhe baba ngumnikelo esihotsheni saseBeni‐Hinomu, wavumisa, wenza imilingo lamalumbo, wasebenza labalamadlozi labathakathi. Wenza okubi kakhulu phambi kweNkosi, wayithukuthelisa.

U-Isaya 30:33

Ngoba indawo yokutshisela kade yalungiswa, yalungiselwa inkosi yaseAsiriya; isilungile, legodi layo lenziwa latshona, laba banzi, lilomlilo lenkuni ezinengi; umphefumulo weNkosi unjengomlilo olesolufa, uyawuthungela.

U-Isaya 57:5

lina elitsha ngenkanuko phakathi kwezihlala ezinkulu, ngaphansi kwazo zonke izihlahla eziluhlaza, elibulalela abantwana benu ezihotsheni, langaphansi kweminkenke yamawa na?

UJeremiya 19:2

uye esihotsheni seBeni‐Hinomu eSangweni leziNdengezi, utshumayele khona amazwi engikutshela wona.

UJeremiya 2:23

Ungatsho kanjani ukuthi: Kangingcolanga, kangilandelanga oBali na? Khangela ukuziphatha kwakho esigodini, wazi ukuba wenzeni. Unjengekamela elisikazi elizulazulayo emizileni yalo,

UJeremiya 32:34

Bamisa izinengiso zabo endlini lapho ibizo lami lidunyiselwa khona, ukuba bayingcolise.

UJeremiya 32:35

Bakha indawo eziphakemeyo zikaBali esihotsheni seBeni‐Hinomu, ukuba banikele amadodana lamadodakazi awo kuNkulunkulu uMoloki, into engingabalayanga yona lengafikanga engqondweni yami, ukuba benze uJuda one.

UHezekhiyeli 16:20

Wathatha amadodana lamadodakazi akho owawungizalele wona, wawanikela kuzo ukuba adliwe. Lokhu kwakuyinto encinyane yini kulokuwula kwakho na?

UHezekhiyeli 20:26

ngabayekela ukuba bazingcolise ngeminikelo yabo uqobo, lokuba banikele ngamazibulo abo wonke ngokuwatshisa ngomlilo ukuze ngibesabise. Ngakwenza lokho ukuba bazi ukuba ngiyiNkosi.

UHezekhiyeli 20:31

Lapho linikela iminikelo yenu, linikela abantwana benu ngokubatshisa ngomlilo, liyazingcolisa ngezithombe zenu zonke kuze kube lamhla. Ngizabuzwa yini, Israyeli na? Ngiyazifunga, kutsho iNkosi uNkulunkulu, kangiyikubuzwa yini.

ULevi 18:21

Ungavumi ukuba abantwana bakho banikelwe kunkulunkulu uMoloki, ukuba uhlambaze ibizo likaNkulunkulu wakho. NgiyiNkosi.

UMikha 6:7

INkosi izakwaneliswa zinqama eziyinkulungwane, lezinkulungwane ezilitshumi zemifula yamafutha na? Ngizakunikela izibulo lami ngenxa yesiphambeko sami, inzalo yomzimba wami ngenxa yesono senhliziyo yami na?

UDutheronomi 12:31

Kaliyikwenza njalo eNkosini uNkulunkulu wenu; ngoba zonke izinto ezinengekayo eNkosini ezizondwa yiyo zizenzele onkulunkulu bazo; futhi zitshisela onkulunkulu bazo amadodana lamadodakazi azo ngomlilo.

UDutheronomi 17:3

osuke ayekhonza abanye onkulunkulu, akhothamele loba ilanga lenyanga, ingabe enye yezinkanyezi esezulwini, enze lokho iNkosi elinqabele khona,

UDutheronomi 18:10

Kakungabi khona phakathi kwenu umuntu otshisa ngomlilo indodana yakhe lendodakazi yakhe ibe ngumnikelo, lovumisayo, lohlolayo imihlola, lowenza imilingo, lomthakathi,

UJoshuwa 15:8

wasukhwela ngesihotsha saseBeni‐Hinomu usiya eningizimu kwewatha lamaJebusi, okutsho iJerusalema. Wasukhwela usiya engqongeni yentaba ekhangelene lesihotsha saseBeni‐Hinomu ngasentshonalanga, ngasenyakatho ekupheleni kwesihotsha saseRefayimi,