UJeremiya 7:24 - iBhayibhili Elingcwele 1978

²⁴ Kodwa kabezwanga, kabalalelanga: bahamba ngamacebo abo langenkani yenhliziyo zabo ezimbi, bahlehlela emuva, kabayanga phambili.

IBhayibhili Elingcwele LesiNdebele

²⁴ Kodwa kabazange balalele kumbe banake; esikhundleni salokho, bona balandela inkani yentando yezinhliziyo zabo ezimbi. Baya emuva hatshi phambili.

UJeremiya 7:24 ပူးပေါင်းရင်းမြစ်များ

UNehemiya 9:29

Wabaxwayisa ukuze babuyele emlayweni wakho; kodwa bazikhukhumeza, kabayilalelanga imilayo yakho; bayephula imithetho yakho umuntu aphila ngokuyilalela; baqinisa amakhanda, baba lenkani, kabaze balalela.

AmaHubo 81:13

Kungathi abantu bami bengangilalela, loIsrayeli ahambe endleleni zami!

UJeremiya 13:10

Lababantu ababi, abala ukuzwa amazwi ami, belandela inhliziyo zabo ezilenkani, belandela onkulunkulu abanye ukuba babasebenzele babakhonze, bazakuba njengalelibhanti elingasizi lutho.

UJeremiya 13:11

Ngoba njengokuba ibhanti linamathela okhalweni lomuntu, ngokunjaloke ngenzile ukuba yonke indlu yakoIsrayeli lendlu yakoJuda zinamathele kimi, kutsho iNkosi, ukuba babe ngabantu bami, lebizo, lodumo, lokudunyiswa; kodwa kabalalelanga.

UJeremiya 15:6

Wena ungilahlile, kutsho iNkosi, wabuyela emuva; ngalokhoke ngikuphakamisele isandla sami, ngakuchitha; sengikhathele ukubekezela.

UJeremiya 16:12

langoba lina lenze okubi ukwedlula okhokho benu; ngoba lonke lilandela inkani yenhliziyo zenu ezimbi, liyala ukungilalela.

UJeremiya 17:23

Kanti kabezwanga, kabalalelanga; baba lenkani kabaze bezwa, belaywa.

UJeremiya 17:9

Inhliziyo iyakhohlisa ukwedlula izinto zonke, futhi imbi kakhulu. Ngubani ongayazi na?

UJeremiya 18:10

uba lesosizwe sisenza okubi phambi kwami, singalaleli ilizwi lami, ngizazisola ngokuhle ebengisithi ngizakukwenza kiso.

UJeremiya 18:12

Kodwa bona bathi: Lokho kakusizi lutho. Sizalandela awethu amacebo, sonke senze ngenkani yenhliziyo zethu ezimbi.

UJeremiya 2:27

abathi esihlahleni: Wena ungubaba; abathi lelitsheni: Wena wasizala. Ngoba bangifulathela, kabangikhangelanga. Kodwa ngesikhathi sokuhlupheka kwabo bathi: Vuka, usikhulule!

UJeremiya 22:21

Ngakhuluma lawe uselenhlanhla, kodwa wena wathi: Kangiyikulalela. Lokho kuyindlela yakho kusukela ebutsheni bakho, ukuba ungalilaleli ilizwi lami.

UJeremiya 23:17

Bahlala besithi kulabo abadelela ilizwi leNkosi: Kuzalilungela lonke; lakubo bonke abalandela inhliziyo zabo ezilenkani bathi: Kaliyikwehlelwa ngokubi.

UJeremiya 3:13

Vuma kuphela icala lakho ukuthi uyihlamukele iNkosi uNkulunkulu wakho, wakhonza onkulunkulu bezizweni ngaphansi kwazo zonke izihlahla eziluhlaza, lokuthi kawulalelanga ilizwi lami, kutsho iNkosi.

UJeremiya 3:17

Ngalesosikhathi iJerusalema lizakuthiwa yisihlalo sobukhosi seNkosi; zonke izizwe zizabuthana khona, phambi kweNkosi eJerusalema; kazisayikulandela inhliziyo zazo ezilenkani.

UJeremiya 32:23

bangena bahlala kilo, kodwa kabalilalelanga ilizwi lakho, kabahambanga ngomlayo wakho, kabakwenzanga lokho owabatshela khona. Ngakhoke ubehlisele bonke lobububi.

UJeremiya 32:33

Bangifulathela, kabakhangelanga kimi; lanxa ngibafundise njalonjalo, kabalalelanga ukufundisa kwami.

UJeremiya 35:15

Ngithumele kini zonke inceku zami abaprofethi, ngibathuma njalonjalo, ngisithi: Phendukani lonke endleleni yenu embi, lenze izenzo zenu zibe zinhle, lingalandeli abanye onkulunkulu ukuba libakhonze, ukuze lihlale elizweni engalinika lina lokhokho benu. Kodwa kalingilalelanga, kalingizwanga.

UJeremiya 6:16

INkosi ithi: Manini emaqamulweni ezindlela libone, libuze ngemikhondo yasendulo ukuthi ingaphi indlela enhle, lihambe ngayo, lizuze ukuthula. Kodwa bathi: Kasiyikuhamba ngayo.

UJeremiya 7:26

Kodwa kabangizwanga, kabalalelanga, baba lenkani; benza okubi kulabokhokho babo.

UJeremiya 8:5

Phoke, baphambukeleni lababantu, bahlamuke kokuphela na? Baqinela enkohlisweni, bayala ukuphenduka.

UJeremiya 9:14

belandela inhliziyo zabo ezilenkani bedinga oBali, njengokufundiswa kwabo ngoyise.

UHezekhiyeli 20:13

Kodwa abakoIsrayeli bangihlamuka enkangala, kabahambanga ngezimiso zami, bala imithetho yami, umuntu azaphila ngayo uba eyenza, lamaSabatha ami bawangcolisa kakhulu. Ngasengisithi ngizakwehlisela ukuthukuthela kwami phezu kwabo enkangala, ngibaqede nya.

UHezekhiyeli 20:16

ngoba bala imithetho yami, kabahambanga ngezimiso zami, bangcolisa amaSabatha ami, ngoba inhliziyo zabo zathanda izithombe zabo.

UHezekhiyeli 20:21

Kodwa labantwana bangihlamuka, kabaze bahamba ngezimiso zami, kabaqaphelisanga ukugcina imithetho yami, umuntu azaphila ngayo uba eyenza; bawangcolisa amaSabatha ami. Ngasengisithi ngizakwehlisela ukuthukuthela kwami phezu kwabo, ngibaqede ngolaka lwami enkangala.

UHezekhiyeli 20:8

Kodwa bangihlamuka, kabaze bangilalela. Bonke kabazilahlanga izinto ezenyanyekayo ababezibuka, kabazitshiyanga lezithombe zaseGibithe. Ngasengisithi ngizakwehlisa ukuthukuthela kwami phezu kwabo, ngibaqede ngolaka lwami phakathi kwelizwe laseGibithe.

UDanyeli 9:6

kasilalelanga inceku zakho abaprofethi, ezikhulume ebizweni lakho emakhosini ethu, lasezikhulwini zethu, lakubokhokho, lakibo bonke abantu belizwe.

UHosiya 10:6

Yebo, lona lizathwalelwa eAsiriya, libe ngumthelo enkosini enkulu. UEfrayimi uzayangeka, loIsrayeli abe lenhloni ngokungalaleli kwakhe.

UHosiya 4:16

UIsrayeli ulenkani njengethokazi elihlanyayo; iNkosi izakubelusela edlelweni elibanzi njengamawundlu na?

UMikha 6:16

Ngoba ligcinile izimiso zikaOmri, lenzile yonke imisebenzi yendlu kaAhabi, lahamba ngamacebo abo, ngakho ngizalichitha, labakhileyo benu babe yinhlekisa; lizakweyiswa ngabantu.

UZakhariya 7:11

Kodwa bona bala ukulalela, baqinisa amakhanda abo, bavimba indlebe zabo ukuze bangezwa.

UDutheronomi 29:19

ngitsho umuntu othi esizwa amazwi alesisifungo, azithokozise enhliziyweni yakhe athi: Kungaba kuhle kimi lanxa ngilandela inhliziyo yami elenkani; ngalokhu bonke abantu bangachitheka.